മ​ണ്ണെ​ണ്ണ​ക്ക്​ ക​രി​ഞ്ച​ന്ത ത​ന്നെ ആ​ശ്ര​യം

പ​ര​പ്പ​ന​ങ്ങാ​ടി: എ​ട്ടു വ​ർ​ഷ​മാ​യി അ​നി​ശ്ചി​ത​മാ​യി നീ​ളു​ന്ന പെ​ർ​മി​റ്റ് പു​തു​ക്ക​ലും മ​ത്സ്യ ബ​ന്ധ​ന ഉ​പ​ക​ര​ണ പ​രി​ശോ​ധ​ന​യും ഇ​ത്ത​വ​ണ​യും മു​ട​ങ്ങി. ജ​നു​വ​രി 16ന് ​ന​ട​ത്താ​ൻ നി​ശ്ച​യി​ച്ച പ​ര​മ്പ​രാ​ഗ​ത മ​ത്സ്യ​യാ​ന​ങ്ങ​ൾ​ക്കു​ള്ള മ​ണ്ണെ​ണ്ണ പെ​ർ​മി​റ്റ് പ​രി​ശോ​ധ​ന​യാ​ണ് കോ​വി​ഡ് ഉ​യ​ർ​ന്ന പ​ശ്ചാ​ത​ല​ത്തി​ൽ ഫി​ഷ​റീ​സ് വ​കു​പ്പ്​ മാ​റ്റി​വെ​ച്ച​ത്.

മ​ത്സ്യ​ഫെ​ഡും ഫി​ഷീ​റി​സ് വ​കു​പ്പും സി​വി​ൽ സ​പ്ലൈ​സ് വ​കു​പ്പും സം​യു​ക്ത​മാ​യാ​ണ് പ​രി​ശോ​ധ​ക്ക് ത​യാ​റാ​യ​ത്.

എ​ട്ടു വ​ർ​ഷ​മാ​യി മ​ണ്ണെ​ണ്ണ പെ​ർ​മി​റ്റ് പ​രി​ശോ​ധ​ന ന​ട​ത്താ​ത്ത​തി​നാ​ൽ ഇ​ക്കാ​ല​യ​ള​വി​ൽ പു​തു​താ​യി മ​ത്സ്യ​ബ​ന്ധ​ന യാ​ന​മി​റ​ക്കി​യ​വ​ർ​ക്കും എ​ന​ജി​ൻ വാ​ങ്ങി​യ​വ​ർ​ക്കും പു​തു​താ​യി പെ​ർ​മി​റ്റ് ല​ഭി​ച്ചി​ട്ടി​ല്ല. ആ​യി​ര​ക്ക​ണ​ക്കി​ന് മ​ത്സ്യ​ത്തൊ​ഴി​ലാ​ളി​ക​ളാ​ണ് പെ​ർ​മി​റ്റ് ല​ഭി​ക്കാ​തെ ക​ഷ്ട​പ്പെ​ടു​ന്ന​ത്. വ​ലി​യ വി​ല ന​ൽ​കി ക​രി​ഞ്ച​ന്ത​യി​ൽ​നി​ന്നാ​ണ്​ ഇ​വ​ർ മ​ണ്ണെ​ണ്ണ വാ​ങ്ങു​ന്ന​ത്.

പെ​ർ​മി​റ്റി​ൽ അ​നു​വ​ദി​ച്ച മ​ണ്ണെ​ണ്ണ ത​ന്നെ പ​ല​പ്പോ​ഴും ല​ഭി​ക്കാ​റി​ല്ല. സ്​​റ്റോ​ക്കി​ന്റെ തോ​ത് അ​നു​സ​രി​ച്ച് അ​നു​വ​ദി​ക്ക​പ്പെ​ട്ട മ​ണ്ണെ​ണ്ണ​യു​ടെ 40 മു​ത​ൽ 60 ശ​ത​മാ​നം വ​രെ​യാ​ണ് ല​ഭ്യ​മാ​വു​ക.

അ​തി​നാ​ൽ പെ​ർ​മി​റ്റ് കൈ​വ​ശ​മു​ള്ള​വ​രും പ​ല​പ്പോ​ഴും ക​രി​ഞ്ച​ന്ത​യി​ൽ​നി​ന്ന് മ​ണ്ണെ​ണ്ണ വാ​ങ്ങി​യാ​ണ് തൊ​ഴി​ലി​നി​റ​ങ്ങു​ന്ന​ത്. അ​ന​ന്ത​മാ​യി നീ​ളു​ന്ന പ​രി​ശോ​ധ​ന സ​മ്പ്ര​ദാ​യം മാ​റ്റി ര​ണ്ടു വ​ർ​ഷ​ത്തി​ലൊ​രി​ക്ക​ൽ ന​ട​ത്ത​ണ​മെ​ന്നാ​ണ്​ ആ​വ​ശ്യം.

പ​ത്തു വ​ർ​ഷം മു​മ്പ്​ പൊ​തു​വി​പ​ണി​യി​ലെ പെ​ർ​മി​റ്റ് മ​ണ്ണെ​ണ്ണ​യു​ടെ വി​ല 45 രൂ​പ​യാ​യി​രു​ന്ന​പ്പോ​ൾ സ​ർ​ക്കാ​ർ അ​തി​ൽ 25 രൂ​പ സ​മ്പ്സി​ഡി അ​നു​വ​ദി​ച്ചി​രു​ന്നു. ഇ​പ്പോ​ൾ പൊ​തു​മാ​ർ​ക്ക​റ്റി​ൽ 88.90 ഉ​യ​ർ​ന്ന​പ്പോ​ഴും ഇ​തേ 25 രൂ​പ​യാ​ണ് സ​ബ്​​സി​ഡി ന​ൽ​കു​ന്ന​ത്. ബോ​ട്ടു​ക​ൾ​ക്ക് ഡീ​സ​ലി​ന് ന​ൽ​കു​ന്ന പ്ര​ത്യേ​ക സ​ബ്​​സി​ഡി ഇ​ൻ​ബോ​ഡ് എ​ൻ​ജി​നു​മാ​യി മീ​ൻ പി​ടി​ക്കാ​നി​റ​ങ്ങു​ന്ന പ​ര​മ്പ​രാ​ഗ​ത ഫൈ​ബ​ർ ചു​ണ്ട​ൻ വ​ള്ള​ങ്ങ​ൾ​ക്കും ന​ൽ​ക​ണ​മെ​ന്നാ​ണ് പ​ര​മ്പ​രാ​ഗ​ത തൊ​ഴി​ലാ​ളി​ക​ളു​ടെ വാ​ദം. പ​ല​പ്പോ​ഴും കാ​ലി​യാ​യ വ​ല​ക​ളു​മാ​യി തീ​ര​ത്തെ​ത്തു​ന്ന മ​ത്സ്യ​ത്തൊ​ഴി​ലാ​ളി​ക​ൾ പ്രാ​ദേ​ശി​ക സ​ഹ​ക​ര​ണ ബാ​ങ്കു​ക​ളു​ടെ ജ​പ്തി ഭീ​ഷ​ണി നേ​രി​ടു​ന്ന​വ​ർ കൂ​ടി​യാ​ണ്.

ല​ക്ഷ​ങ്ങ​ളു​ടെ വി​ല​യു​ള്ള വ​ല​ക​ൾ ക​ട​ൽ പാ​റ​യി​ൽ ത​ട്ടി​യും ക​ട​ൽ മാ​ക്രി​ക​ൾ ക​ടി​ച്ചു കീ​റി​യും സം​ഭ​വി​ക്കു​ന്ന ന​ഷ്ട​ങ്ങ​ൾ​ക്ക് ഇ​ൻ​ഷു​റ​ൻ​സ് പ​രി​ര​ക്ഷ പോ​ലും ല​ഭി​ക്കു​ന്നി​ല്ല.