വെ​ള്ള​ക്കെ​ട്ടും ചാ​ഞ്ഞ മ​ര​വും; കൊട​പ്പാ​ളി​യി​ൽ യാ​ത്രാ​ദു​രി​തം

പ​ര​പ്പ​ന​ങ്ങാ​ടി: കോ​ഴി​ക്കോ​ട്-​പ​ര​പ്പ​ന​ങ്ങാ​ടി പാ​ത​യി​ൽ കൊ​ട​പ്പാളി​യി​ൽ യാ​ത്രാ​ദു​രി​തം. റോ​ഡി​ലെ വെ​ള്ള​ക്കെ​ട്ടും റോ​ഡി​ലേ​ക്ക് ചാ​ഞ്ഞ മ​ര​വുമാ​ണ് അ​പ​ക​ട​ഭീ​ഷ​ണി ഉ​യ​ർ​ത്തു​ന്ന​ത്. നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തു​വ​ഴി പോ​കു​ന്ന​ത്. അ​തു​കൊ​ണ്ട് ത​ന്നെ ചാ​ഞ്ഞ കൊ​മ്പു​ക​ൾ വീ​ണ് അ​പ​ക​ട​മു​ണ്ടാ​കാ​ൻ സാ​ധ്യ​ത​യേ​റെ​യാ​ണ്. അ​ഴു​ക്കു​ചാ​ൽ ഇ​ല്ലാ​ത്ത​തി​നാ​ൽ മ​ഴ പെ​യ്താ​ൽ റോ​ഡി​ലാ​ണ് വെ​ള്ളം കെ​ട്ടി​നി​ൽ​ക്കു​ന്ന​ത്. ചെ​റി​യ വാ​ഹ​ന​ങ്ങ​ൾ തെ​ന്നി വെ​ള്ള​ക്കെ​ട്ടി​ലേ​ക്ക് മ​റി​യു​ന്ന​ത് പ​തി​വാ​ണ്. അ​ഴു​ക്കു​ചാ​ൽ പ​ണി​യാ​തെ റോ​ഡ് നി​ർ​മി​ച്ച​തി​നാ​ൽ അ​ടി​ക്ക​ടി പൊ​ട്ടി പൊ​ളി​ഞ്ഞ് റോ​ഡി​ലു​ട​നീ​ളം ച​തി​ക്കു​ഴി​ക​ൾ രൂ​പ​പ്പെ​ടു​ന്ന​തും വാ​ഹ​ന​ങ്ങ​ൾ മ​റി​യു​ന്ന​തും പ​തി​വാ​ണ്. പ്ര​തി​ഷേ​ധം ശ​ക്ത​മാ​കു​മ്പോ​ൾ അ​ഴു​ക്കു​ചാ​ൽ ആ​വ​ശ്യം ജ​ന​പ്ര​തി​നി​ധി​ക​ൾ മു​ന്നോ​ട്ടു​വെ​ച്ച് വീ​ണ്ടും റോ​ഡ് പ​ണി ആ​രം​ഭി​ക്കും.

എ​ന്നാ​ൽ അ​ഴു​ക്കു​ചാ​ൽ ഉ​ണ്ടാ​വി​ല്ല. റോ​ഡ് ന​ന്നാ​ക്കാ​ൻ ടെ​ൻ​ഡ​ർ വി​ളി​ച്ച് ക​രാ​ർ ലോ​ബി​യെ സ​ഹാ​യി​ക്ക​ലും പൊ​തു​ഫ​ണ്ട് ദു​ർ​വ്യ​യം ചെ​യ്യ​ലു​മാ​ണ് അ​ധി​കൃ​ത​രു​ടെ സ​മീ​പ​ന​മെ​ന്ന് നാ​ട്ടു​കാ​ർ കു​റ്റ​പ്പെ​ടു​ത്തുന്നു. കൊ​ട​പ്പാ​ളി ട്രാ​ൻ​സ്ഫോ​ർ​മ​റി​ന് ചാ​ര​ത്തെ വ​ൻ​മ​ര​വും സ​മീ​പ​ത്തെ ഹൈ​ദ്രോ​സ് പ​ള്ളി​ക്ക​ടു​ത്ത് ഏ​റെ ഉ​യ​ര​ത്തി​ൽ റോ​ഡി​ന് മീ​തെ മാ​വി​ൻ ശി​ഖി​ര​ങ്ങ​ൾ ഉ​ണ​ങ്ങി നി​ൽ​ക്കു​ന്ന​തും യാ​ത്ര​ക്കാ​ർ​ക്കും വാ​ഹ​ന​ങ്ങ​ൾ​ക്കും ഭീ​ഷ​ണി​യാ​ണ്. നി​ലം​പൊ​ത്താ​റാ​യി നി​ൽ​ക്കു​ന്ന ഈ ​മ​ര​ക്കൊ​മ്പു​ക​ൾ ഉ​ട​ൻ മു​റി​ച്ചു മാ​റ്റ​ണ​മെ​ന്ന് നാ​ട്ടു​കാ​ർ നി​ര​വ​ധി ത​വ​ണ ആ​വ​ശ്യ​പ്പെട്ടെ​ങ്കി​ലും ന​ട​പ​ടി​യാ​യി​ല്ല.

വി​ഷ​യ​ങ്ങ​ളി​ൽ ഉ​ട​ൻ പ​രി​ഹാ​ര​ന​ട​പ​ടി വേ​ണ​മെ​ന്ന് ന​ഗ​ര​സ​ഭ കൗ​ൺ​സി​ല​ർ പി.​വി. മു​സ്ത​ഫ ആ​വ​ശ്യ​പെ​ട്ടു. ഇ​ക്കാ​ര്യം സ​ർ​ക്കാ​റി​ന്‍റെ ശ്ര​ദ്ധ​യി​ൽപെ​ടു​ത്തി​യി​ട്ടും സ​മീ​പ​നം നി​രാ​ശ​ജ​ന​ക​മാ​യിരുന്നെന്നും അ​ദ്ദേ​ഹം പ​റ​ഞ്ഞു.