കാറും ബൈക്കും കൂട്ടിയിടിച്ച് ബൈക്ക് യാത്രികന് പരിക്ക്

പരപ്പനങ്ങാടി: കാറും ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്ക്. ചെട്ടിപ്പടി കോയംകുളത്തിനും കുപ്പിവളവിനുമിടയിലാണ് അപകടം. കോയംകുളം സ്വദേശിയായ ബൈക്ക് യാത്രികൻ അൽത്താഫിനെ (21) പരിക്കുകളോടെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചു.

ചേളാരി ഭാഗത്തു നിന്നു വരികയായിരുന്ന കാർ തിരിക്കവേ എതിർദിശയിൽ നിന്നും വരികയായിരുന്ന ബൈക്കുമായി കൂട്ടിയിടിക്കുകയായിരുന്നു. നിയന്ത്രണംവിട്ട കാർ സമീപത്തെ വീട്ടുമതിലിൽ ഇടിച്ചാണ് നിന്നത്.