നിർത്തിയിട്ട ലോറിക്ക് പിറകിലിടിച്ച്​ സ്കൂട്ടർ യാത്രക്കാരന് പരിക്ക്

പരപ്പനങ്ങാടി: റോഡരികില്‍ നിര്‍ത്തിയിട്ടിരുന്ന ലോറിയില്‍ സ്‌കൂട്ടറിടിച്ച് സ്‌കൂട്ടര്‍ യാത്രക്കാരന് പരിക്കേറ്റു. പുലര്‍ച്ചെ അഞ്ചുമണിയോടെ പരപ്പനങ്ങാടി -താനൂര്‍ റോഡില്‍ ചിറമംഗലം മനക്ക് മുന്നിലാണ് അപകടമുണ്ടായത്. അപകടത്തില്‍ പരിക്കേറ്റ സ്‌കൂട്ടര്‍ യാത്രികനെ നാട്ടുകാരാണ്​ ആശുപത്രിയിലെത്തിച്ചത്​.

എറണാകുളത്ത് നിന്നും കുന്നമംഗലത്തേക്ക് സിമിൻറുമായി പോകുകയായിരുന്ന ലോറി റോഡിലെ വളവിൽ പാര്‍ക്ക് ചെയ്തതായിരുന്നു. ലോറിയുടെ പകുതിയോളം റോഡിലായാണ് പാര്‍ക്ക് ചെയ്തിരുന്നത്. വളവ് തിരിഞ്ഞുവന്ന സ്‌കൂട്ടര്‍ ലോറിയുടെ പിറകില്‍ ഇടിക്കുകയായിരുന്നു. ഇതാണ് അപകടത്തിന് കാരണമായതെന്ന് നാട്ടുകാര്‍ പറയുന്നു. ഇടിയുടെ ആഘാതത്തില്‍ സ്‌കൂട്ടറി​െൻറ മുന്‍ഭാഗം തകര്‍ന്നു.