ചീനിക്കപ്പാറയിലെ ആദിവാസികൾ ഇനി സ്വപ്​നവീട്ടിൽ അന്തിയുറങ്ങും

പ​ട്ടി​ക്കാ​ട്​: പ​തി​റ്റാ​ണ്ടു​ക​ളാ​യി മ​ല​മു​ക​ളി​ൽ ദു​രി​ത​ജീ​വി​തം ന​യി​ക്കു​ന്ന ആ​ദി​വാ​സി​ക​ൾ​ക്ക്​ സ്വ​പ്​​ന ഭ​വ​ന​ങ്ങ​ളു​യ​ർ​ന്നു. വെ​ട്ട​ത്തൂ​ർ ഗ്രാ​മ​പ​ഞ്ചാ​യ​ത്തി​ലെ മ​ണ്ണാ​ർ​മ​ല ചീ​നി​ക്ക​പ്പാ​റ ആ​ദി​വാ​സി ന​ഗ​റി​ൽ താ​മ​സി​ച്ചി​രു​ന്ന മൂ​ന്ന്​ കു​ടും​ബ​ങ്ങ​ൾ​ക്കാ​ണ്​ മ​ല​യു​ടെ താ​ഴ്​​ഭാ​ഗ​ത്ത്​ വീ​ട്​ നി​ർ​മി​ച്ച​ത്. നി​ല​ക്കാ​തെ മ​ഴ പെ​യ്യു​ന്ന പ​ശ്ചാ​ത്ത​ല​ത്തി​ൽ ഉ​രു​ൾ​പൊ​ട്ട​ൽ ഭീ​ഷ​ണി നി​ല​നി​ൽ​ക്കു​ന്ന മ​ല​യി​ൽ​നി​ന്നി​റ​ങ്ങി​യ ഇ​വ​ർ നി​ർ​മാ​ണം പൂ​ർ​ത്തി​യാ​യ വീ​ട്ടി​ൽ താ​മ​സം തു​ട​ങ്ങി. മി​നു​ക്കു​പ​ണി​ക​ൾ കൂ​ടി പൂ​ർ​ത്തി​യാ​കാ​നു​ണ്ട്.

മ​ല​മു​ക​ളി​ൽ മ​ര​ക്ക​മ്പു​ക​ളും ടാ​ർ​പോ​ളി​ൻ​ ഷീ​റ്റു​ക​ളും കൊ​ണ്ട്​ നി​ർ​മി​ച്ച വീ​ടു​ക​ളി​ലാ​ണ്​ മ​ഴ​യും വെ​യി​ലു​മേ​റ്റ്​ ഇ​വ​ർ ദു​രി​ത​ജീ​വി​തം ന​യി​ച്ചി​രു​ന്ന​ത്. ഇ​വ​രെ മ​ല​യു​ടെ താ​ഴ്​​വാ​ര​ത്തേ​ക്ക്​ മാ​റ്റി​ത്താ​മ​സി​പ്പി​ക്ക​ണ​മെ​ന്ന ആ​വ​ശ്യ​ത്തി​ന്​ വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. വെ​ട്ട​ത്തൂ​ർ ഗ്രാ​മ​പ​ഞ്ചാ​യ​ത്തി​ൽ​ പു​തി​യ ഭ​ര​ണ​സ​മി​തി നി​ല​വി​ൽ​വ​രി​ക​യും തു​ട​ർ​ന്ന്​ പ​ഞ്ചാ​യ​ത്ത്​ പ്ര​സി​ഡ​ൻ​റ്​ സി.​എം. മു​സ്​​ത​ഫ​യും വാ​ർ​ഡം​ഗം ഹൈ​ദ​ർ തോ​ര​പ്പ​യും പ്ര​ദേ​ശം സ​ന്ദ​ർ​ശി​ച്ച് കു​ടും​ബ​ങ്ങ​ളു​ടെ ദു​രി​തം മ​ന​സി​ലാ​ക്കു​ക​യും ചെ​യ്ത​തോ​ടെ​യാ​ണ്​ വീ​ട്​ നി​ർ​മാ​ണ ന​ട​പ​ടി തു​ട​ങ്ങി​യ​ത്. ലൈ​ഫ്​ മി​ഷ​ൻ ഭൂ​ര​ഹി​ത-​ഭ​വ​ന​ര​ഹി​ത പ​ദ്ധ​തി​യി​ലു​ൾ​പ്പെ​ടു​ത്തി​യാ​ണ്​ മൂ​ന്ന്​ കു​ടും​ബ​ങ്ങ​ൾ​ക്ക്​ മൂ​ന്ന്​ സെൻറ്​ വീ​തം ര​ജി​സ്​​റ്റ​ർ ചെ​യ്​​ത് ന​ൽ​കു​ക​യും വീ​ട്​ നി​ർ​മാ​ണം പൂ​ർ​ത്തി​യാ​ക്കു​ക​യും ചെ​യ്​​ത​ത്. അ​ക്ക, പു​ള്ള, നീ​ലി എ​ന്നി​വ​രു​ടെ കു​ടും​ബ​ങ്ങ​ളാ​ണ്​ ​ബു​ധ​നാ​ഴ്​​ച താ​മ​സം ആ​രം​ഭി​ച്ച​ത്. ചീ​നി​ക്ക​പ്പാ​റ ആ​ദി​വാ​സി കു​ടും​ബ​ങ്ങ​ളു​ടെ ദു​രി​ത​ജീ​വി​തം വി​വ​രി​ച്ച്​ ‘മാ​ധ്യ​മം’ വാ​ർ​ത്ത​ക​ൾ ന​ൽ​കി​യി​രു​ന്നു.