ക​രാ​ർ ഡോ​ക്ട​ർ​മാ​രു​ടെ നി​യ​മ​നം വൈ​കി; 40 ആരോഗ്യ കേ​ന്ദ്ര​ങ്ങ​ളി​ൽ സാ​യാ​ഹ്ന ഒ.​പി മു​ട​ങ്ങി

പെ​രി​ന്ത​ൽ​മ​ണ്ണ: ആ​രോ​ഗ്യ​സ്ഥാ​പ​ന​ങ്ങ​ളി​ൽ ക​രാ​റ​ടി​സ്ഥാ​ന​ത്തി​ൽ ഡോ​ക്ട​ർ​മാ​രെ നി​യ​മി​ക്കാ​നു​ള്ള നി​ർ​ദേ​ശം സ​മ​യ​ബ​ന്ധി​ത​മാ​യി ന​ട​പ്പാ​ക്കാ​ത്ത​തി​നാ​ൽ ജി​ല്ല​യി​ൽ തി​ങ്ക​ളാ​ഴ്ച മു​ത​ൽ 40ൽ​പ​രം ആ​രോ​ഗ്യ കേ​ന്ദ്ര​ങ്ങ​ളി​ൽ സാ​യാ​ഹ്ന ഒ.​പി മു​ട​ങ്ങി. ജൂ​ൺ അ​വ​സാ​ന​ത്തോ​ടെ നി​ല​വി​ലെ ഡോ​ക്ട​ർ​മാ​രു​ടെ കാ​ലാ​വ​ധി ക​ഴി​യു​ന്ന​തി​നാ​ൽ നേ​ര​ത്തേ അ​ഭി​മു​ഖം ന​ട​ത്തി ഡോ​ക്ട​ർ​മാ​രെ നി​യ​മി​ക്കാ​ൻ ജി​ല്ല മെ​ഡി​ക്ക​ൽ ഓ​ഫി​സ​ർ വേ​ണ്ട​ത്ര താ​ൽ​പ​ര്യ​മെ​ടു​ക്കാ​ത്ത​താ​ണ് ഇ​ത്ര​യേ​റെ കു​ടും​ബാ​രോ​ഗ്യ കേ​ന്ദ്ര​ങ്ങ​ളി​ലും സാ​മൂ​ഹി​കാ​രോ​ഗ്യ കേ​ന്ദ്ര​ങ്ങ​ളി​ലും സാ​യാ​ഹ്ന ഒ.​പി മു​ട​ങ്ങാ​നി​ട​യാ​യ​ത്.

ജി​ല്ല മെ​ഡി​ക്ക​ൽ ഓ​ഫി​സ​ർ, എ​ൻ.​എ​ച്ച്.​എം ജി​ല്ല പ്രോ​ഗ്രാം മാ​നേ​ജ​ർ, ജി​ല്ല ക​ല​ക്ട​ർ എ​ന്നി​വ​ര​ട​ങ്ങി​യ സ​മി​തി​യാ​ണ് ഡോ​ക്ട​ർ​മാ​രെ അ​ഭി​മു​ഖം ന​ട​ത്തി നി​യ​മ​ന പ​ട്ടി​ക ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ന​ൽ​കേ​ണ്ട​ത്. തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​നി​ന്ന​തി​നാ​ൽ മാ​ർ​ച്ച് 31ന് ​അ​വ​സാ​നി​ക്കേ​ണ്ടി​യി​രു​ന്ന ക​രാ​ർ ജൂ​ൺ 30വ​രെ നീ​ട്ടി​ന​ൽ​കി​യി​രു​ന്നു. ജൂ​ൺ നാ​ലി​ന് ഫ​ലം പ്ര​ഖ്യാ​പി​ച്ച ശേ​ഷം ജൂ​ൺ അ​ഞ്ചു​മു​ത​ൽ വേ​ണ്ട​ത്ര സ​മ​യ​മു​ണ്ടാ​യി​ട്ടും അ​ഭി​മു​ഖം ന​ട​ത്തി​യി​ല്ല.

ഒ​ടു​വി​ൽ ജൂ​ൺ 20നു​ശേ​ഷം അ​ഭി​മു​ഖം ന​ട​ത്തി ശ​നി​യാ​ഴ്ച പു​ല​ർ​ച്ച ര​ണ്ടി​നാ​ണ് ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ഇ-​മെ​യി​ലി​ൽ ഡോ​ക്ട​ർ​മാ​രു​ടെ പ​ട്ടി​ക ന​ൽ​കി​യ​ത്. അ​താ​ക​ട്ടെ ബ്ലോ​ക്ക് പ​ഞ്ചാ​യ​ത്ത് ത​ല​ത്തി​ൽ ഏ​ഴ് പ​ഞ്ചാ​യ​ത്തു​ണ്ടെ​ങ്കി​ൽ ഏ​ഴി​ട​ത്തേ​ക്കും ഒ​രേ പ​ട്ടി​ക. ആ​രെ എ​വി​ടെ നി​യ​മി​ക്ക​ണ​മെ​ന്ന് വ്യ​ക്ത​മ​ല്ല. ഞാ​യ​റാ​ഴ്ച പൊ​തു അ​വ​ധി​യാ​യ​തി​നാ​ൽ പ​ഞ്ചാ​യ​ത്ത് സെ​ക്ര​ട്ട​റി​മാ​ർ​ക്ക് ഇ​ത് ഒ​ന്നും ചെ​യ്യാ​നാ​യി​ല്ല. ത​രം​തി​രി​ച്ച് ഡോ​ക്ട​ർ​മാ​ർ ഏ​ത് കേ​ന്ദ്ര​ങ്ങ​ളി​ൽ സേ​വ​നം ചെ​യ്യു​മെ​ന്ന് ഉ​റ​പ്പാ​ക്കി സാ​യാ​ഹ്ന ഒ.​പി പു​ന​രാ​രം​ഭി​ക്കാ​ൻ ഒ​രാ​ഴ്ച​യോ​ളം വൈ​കാ​ൻ ഇ​ട​യു​ണ്ട്. ജൂ​ൺ 20, 21 തീ​യ​തി​ക​ളി​ലാ​ണ് അ​ഭി​മു​ഖം ന​ട​ത്തി​യ​ത്.

നേ​ര​ത്തേ അ​ത​ത് പ​ഞ്ചാ​യ​ത്ത് മെ​ഡി​ക്ക​ൽ ഓ​ഫി​സ​റും പ​ഞ്ചാ​യ​ത്ത് പ്ര​സി​ഡ​ന്റും അ​ട​ക്ക​മു​ള്ള​വ​രാ​ണ് അ​ഭി​മു​ഖം ന​ട​ത്തി നി​യ​മി​ച്ചി​രു​ന്ന​ത്. ക​ഴി​ഞ്ഞ വ​ർ​ഷം മു​ത​ലാ​ണ് ജി​ല്ല​യി​ൽ കേ​ന്ദ്രീ​കൃ​ത സം​വി​ധാ​ന​ത്തി​ലാ​ക്കി​യ​ത്. 95 പ്രാ​ഥ​മി​ക കു​ടും​ബാ​രോ​ഗ്യ കേ​ന്ദ്ര​ങ്ങ​ളു​ള്ള​തി​ൽ 60ൽ​താ​ഴെ കേ​ന്ദ്ര​ങ്ങ​ളി​ലാ​ണ് സാ​യാ​ഹ്ന ഒ.​പി. എ​ന്നാ​ൽ, ഡി.​എം.​ഒ ന​ൽ​കു​ന്ന റാ​ങ്ക് പ​ട്ടി​ക കാ​ത്തി​രി​ക്കാ​തെ ചി​ല ത​ദ്ദേ​ശ സ്ഥാ​പ​ന​ങ്ങ​ൾ സ്വ​ന്ത​മാ​യി അ​ഭി​മു​ഖം ന​ട​ത്തി ഡോ​ക്ട​ർ​മാ​രെ നി​യ​മി​ക്കാ​ൻ ശ്ര​മം ന​ട​ത്തി. ഇ​ത് പ​ഞ്ചാ​യ​ത്തു​ക​ളി​ൽ ഓ​ഡി​റ്റ് ഒ​ബ്ജ​ക്ഷ​നി​ട​യാ​ക്കും.