പെ​രി​ന്ത​ൽ​മ​ണ്ണ ജി​ല്ല ആ​ശു​പ​ത്രി​യി​ൽ ഡ​യാ​ലി​സി​സ് മൂ​ന്ന് ഷി​ഫ്റ്റാ​ക്കും

പെ​രി​ന്ത​ൽ​മ​ണ്ണ: ജി​ല്ല ആ​ശു​പ​ത്രി​യി​ൽ ന​ട​ന്നു വ​രു​ന്ന ഡ​യാ​ലി​സി​സ് മൂ​ന്നു ഷി​ഫ്റ്റാ​ക്കാ​ൻ തീ​രു​മാ​നം. എ​ഫ്ലു​വ​ന്റ് ട്രീ​റ്റ്മെ​ന്റ് പ്ലാ​ന്റ് സ്ഥാ​പി​ക്കാ​ൻ ജി​ല്ല പ​ഞ്ചാ​യ​ത്തി​ന്റെ 30 ല​ക്ഷം രൂ​പ​യു​ടെ പ​ദ്ധ​തി. പ്ലാ​ന്റ് സ്ഥാ​പി​ക്കാ​നു​ള്ള വി​ശ​ദ​പ​ദ്ധ​തി​രേ​ഖ ഐ.​ആ​ർ.​സി.​ടി എ​ന്ന ഏ​ജ​ൻ​സി​യെ ജി​ല്ല പ​ഞ്ചാ​യ​ത്ത് ഏ​ൽ​പി​ച്ചു.

2024-‘25 സാ​മ്പ​ത്തി​ക വ​ർ​ഷ​ത്തി​ൽ ജി​ല്ല പ​ഞ്ചാ​യ​ത്തി​ന്റെ പ​ദ്ധ​തി​യി​ലു​ൾ​പ്പെ​ടു​ത്തി​യാ​ണ് ഇ​ത് സ്ഥാ​പി​ക്കു​ക. അ​ഞ്ചു മാ​സ​മെ​ങ്കി​ലും വേ​ണം പ്ലാ​ന്റ് സ്ഥാ​പി​ക്കാ​ൻ. അ​ടു​ത്ത ഡി.​പി.​സി​യി​ൽ അം​ഗീ​കാ​രം ന​ൽ​കു​ന്ന പ​ദ്ധ​തി​ക​ളി​ൽ ഇ​തു​കൂ​ടി ഉ​ൾ​പ്പെ​ടു​ത്തു​മെ​ന്ന് ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് എം.​കെ. റ​ഫീ​ഖ അ​റി​യി​ച്ചു.

2021 ജൂ​ലൈ 14നാ​ണ് പെ​രി​ന്ത​ൽ​മ​ണ്ണ ജി​ല്ല ആ​ശു​പ​ത്രി​യി​ൽ ഒ​മ്പ​ത് മെ​ഷീ​നു​ക​ളു​മാ​യി ഡ​യാ​ലി​സി​സ് ആ​രം​ഭി​ച്ച​ത്. ഒ​രേ​സ​മ​യം എ​ട്ട് മെ​ഷീ​നു​ക​ൾ ഉ​പ​യോ​ഗി​ച്ച് ര​ണ്ടു ഷി​ഫ്റ്റി​ൽ പ്ര​തി​ദി​നം 16 ഡ​യാ​ലി​സി​സ് ന​ട​ക്കു​ന്നു​ണ്ട്. സ്വ​കാ​ര്യ സ്ഥാ​പ​ന​ങ്ങ​ളി​ൽ ഇ​ത് നാ​ലു ഷി​ഫ്റ്റ് വ​രെ ന​ട​ത്തു​ന്നു​ണ്ട്. ജി​ല്ല ആ​ശു​പ​ത്രി​യി​ൽ മൂ​ന്നു ഷി​ഫ്റ്റാ​ക്കാ​ൻ നേ​ര​ത്തെ ആ​ലോ​ച​ന ന​ട​ത്തി​യി​രു​ന്നു.

പ്ലാ​ന്റ് ത​യാ​റാ​യാ​ൽ സാ​ങ്കേ​തി​ക ത​ട​സം തീ​രും. അ​തേ​സ​മ​യം അ​ധി​ക ജീ​വ​ന​ക്കാ​രെ നി​യ​മി​ക്കേ​ണ്ടി വ​രും. മൂ​ന്നാം ഷി​ഫ്റ്റി​ലേ​ക്ക് പു​തു​താ​യി രോ​ഗി​ക​ളു​ടെ ഗു​ണ​ഭോ​ക്തൃ പ​ട്ടി​ക ത​യാ​റാ​യി​ട്ടു​ണ്ട്. ഡ​യാ​ലി​സി​സ് യൂ​നി​റ്റ് തു​ട​ങ്ങി​യ ശേ​ഷം ജൂ​ലൈ 31 വ​രെ 12,187 ഡ​യാ​ലി​സി​സ് ന​ട​ത്തി. നി​ർ​ധ​ന രോ​ഗി​ക​ൾ ഇ​പ്പോ​ഴും സേ​വ​ന​ത്തി​ന് കാ​ത്തി​രി​ക്കു​ന്നു​ണ്ട്. ജി​ല്ല ആ​ശു​പ​ത്രി​യി​ൽ ഡ​യാ​ലി​സി​സ് ടെ​ക്നീ​ഷ്യ​ൻ​മാ​രു​ടെ ത​സ്തി​ക സൃ​ഷ്ടി​ക്കാ​ത്ത​തി​നാ​ൽ താ​ൽ​ക്കാ​ലി​കാ​ടി​സ്ഥാ​ന​ത്തി​ൽ ജീ​വ​ന​ക്കാ​രെ നി​യ​മി​ച്ചാ​ണ് യൂ​നി​റ്റ് പ്ര​വ​ർ​ത്തി​പ്പി​ക്കു​ന്ന​ത്.

അ​ർ​ബു​ദ ചി​കി​ത്സ യൂ​നി​റ്റി​ൽ 2023ൽ 1161 ​കീ​മോ​തെ​റാ​പി ചെ​യ്തു. ഈ ​വ​ർ​ഷം ജൂ​ൺ അ​വ​സാ​നം വ​രെ 557 കീ​മോ ചെ​യ്തു. ആ​ശു​പ​ത്രി​യു​ടെ ദൈ​നം​ദി​ന കാ​ര്യ​ങ്ങ​ളും വി​ക​സ​ന​വും ബു​ധ​നാ​ഴ്ച ചേ​ർ​ന്ന എ​ച്ച്.​എം.​സി യോ​ഗം ച​ർ​ച്ച ചെ​യ്തു. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് എം.​കെ. റ​ഫീ​ഖ, ബ്ലോ​ക്ക് പ്ര​സി​ഡ​ന്റ് അ​ഡ്വ.​എ.​കെ. മു​സ്ത​ഫ, വി. ​ബാ​ബു​രാ​ജ്, കു​റ്റീ​രി മാ​നു​പ്പ, ഡോ. ​അ​ബൂ​ബ​ക്ക​ർ ത​യ്യി​ൽ, ആ​ശു​പ​ത്രി സൂ​പ്ര​ണ്ട്, ആ​ർ.​എം.​ഒ, ന​ഴ്സി​ങ് ഓ​ഫി​സ​ർ തു​ട​ങ്ങി​യ​വ​ർ പ​ങ്കെ​ടു​ത്തു.