വീ​ടെ​ന്ന സ്വ​പ്നം ബാ​ക്കി; പാ​ണ​മ്പി​യി​ലെ ആ​ദി​വാ​സി​ക​ൾ ഉ​ദ്യോ​ഗ​സ്ഥ അ​നാ​സ്ഥ​യു​ടെ ഇ​ര

പെ​രി​ന്ത​ൽ​മ​ണ്ണ: പാ​ണ​മ്പി ഇ​ടി​ഞ്ഞാ​ടി​യി​ലെ ഒ​മ്പ​ത് ആ​ദി​വാ​സി കു​ടും​ബ​ങ്ങ​ൾ​ക്ക്​ വാ​സ​യോ​ഗ്യ​മാ​യ വീ​ടു​ണ്ടാ​ക്കി​ക്കൊ​ടു​ക്കു​ന്ന കാ​ര്യം ഈ ​പ്ര​ള​യ​കാ​ല​ത്തും ച​ർ​ച്ച. ഒാ​രോ കാ​ല​വ​ർ​ഷ​ക്കെ​ടു​തി​യി​ലും ഇ​വി​ട​ത്തെ പാ​വ​പ്പെ​ട്ട കു​ടും​ബ​ങ്ങ​ളു​ടെ കാ​ര്യ​ങ്ങ​ൾ റ​വ​ന്യൂ, ത​ദ്ദേ​ശ ഉ​ദ്യോ​ഗ​സ്ഥ​രു​ടെ മു​ഖ്യ​പ​രി​ഗ​ണ​ന​യി​ൽ വ​രാ​റു​ള്ള​ത് പി​ന്നീ​ട് ത​ന്ത്ര​പൂ​ർ​വം വി​സ്മ​രി​ക്കാ​റാ​ണ്. മൂ​ന്നു​പ​തി​റ്റാ​ണ്ടാ​യി ഈ ​മ​ല​മേ​ട്ടി​ൽ പ്ലാ​സ്​​റ്റി​ക് വ​ലി​ച്ചു​കെ​ട്ടി​യും ഒാ​ല​മെ​ട​ൽ ചാ​രി​വെ​ച്ചും താ​ൽ​ക്കാ​ലി​ക ഷെ​ഡി​ൽ കു​ടും​ബ​ങ്ങ​ൾ ക​ഴി​യു​ന്നു.

വീ​ടു​നി​ർ​മാ​ണ​ത്തി​ന് ഒ​രു​മി​ച്ച് ഭൂ​മി വാ​ങ്ങി ഇ​ത്ര​യും കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കാ​നാ​ണ് ജി​ല്ല ഭ​ര​ണ​കൂ​ടം ഒ​രു​ഘ​ട്ട​ത്തി​ൽ ആ​ലോ​ചി​ച്ച​ത്. ഇ​തി​നാ​യി സ​ർ​ക്കാ​ർ ഫ​ണ്ടും ല​ഭ്യ​മാ​ക്കി. അ​നു​യോ​ജ്യ​മാ​യ ഭൂ​മി അ​ന്വേ​ഷി​ക്കു​ന്നെ​ന്നാ​ണ് ഒ​രു​വ​ർ​ഷം മു​മ്പ് പെ​രി​ന്ത​ൽ​മ​ണ്ണ സ​ബ് ക​ല​ക്ട​ർ അ​റി​യി​ച്ച​ത്. ഇ​പ്പോ​ഴും ഭൂ​മി ക​ണ്ടെ​ത്താ​നാ​യി​ട്ടി​ല്ല. മു​ഴു​വ​ൻ കു​ടും​ബ​ങ്ങ​ൾ​ക്കും ഭൂ​മി​യും വീ​ടും ന​ൽ​കു​ന്ന പ​ദ്ധ​തി​യി​ൽ തൊ​ട്ട​ടു​ത്തു​ള്ള പെ​രി​ന്ത​ൽ​മ​ണ്ണ ന​ഗ​ര​സ​ഭ പ​രി​ധി​യി​ൽ 680 കു​ടും​ബ​ങ്ങ​ൾ​ക്കാ​ണ് വീ​ടു​യ​രു​ന്ന​ത്. ഒ​രു​വ​ർ​ഷ​ത്തി​നി​ടെ പ​കു​തി​യോ​ളം പൂ​ർ​ത്തി​യാ​യി.

പ​ണം ഗു​ണ​ഭോ​ക്താ​ക്ക​ൾ​ക്ക് ന​ൽ​കാ​തെ ന​ഗ​ര​സ​ഭ വീ​ടു​നി​ർ​മി​ച്ച് കൈ​മാ​റു​ക​യാ​ണ്. ലൈ​ഫ് പ​ദ്ധ​തി​യി​ൽ​ത​ന്നെ ഭൂ​മി ല​ഭ്യ​മാ​ക്കാ​നും വീ​ടു​നി​ർ​മി​ച്ചു ന​ൽ​കാ​നും താ​ഴേ​ക്കോ​ട് പ​ഞ്ചാ​യ​ത്തി​നു​മേ​ൽ സ​മ്മ​ർ​ദ​മു​ണ്ടാ​യി​രു​ന്നെ​ങ്കി​ലും ആ​ദി​വാ​സി കു​ടും​ബ​ങ്ങ​ളു​ടെ കാ​ര്യം​കാ​ല​ങ്ങ​ളാ​യി വി​സ്മ​രി​ക്കു​ക​യാ​ണ്. അ​ധി​കൃ​ത​രു​ടെ അ​വ​ഗ​ണ​ന തി​രി​ച്ച​റി​ഞ്ഞാ​ണ് ക​ന​ത്ത മ​ഴ​യും ഉ​രു​ൾ​പൊ​ട്ട​ൽ സാ​ധ്യ​ത​യും കാ​ര​ണം ഇ​വി​ട​ത്തെ കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ക്കാ​നെ​ത്തി​യ അ​ധി​കൃ​ത​രോ​ട് മ​ല​യി​റ​ങ്ങി​ല്ലെ​ന്ന് കു​ടും​ബ​ങ്ങ​ൾ ആ​ദ്യം അ​റി​യി​ച്ച​ത്. മൂ​ന്നു​ദി​വ​സം​മു​മ്പ് പാ​ണ​മ്പി എം.​ജെ അ​ക്കാ​ദ​മി​യി​ലേ​ക്ക് മാ​റ്റി​പ്പാ​ർ​പ്പി​ച്ച ചോ​ർ​ന്നൊ​ലി​ക്കാ​ത്ത താ​ൽ​ക്കാ​ലി​ക കേ​ന്ദ്ര​ത്തി​ൽ ഏ​താ​നും ദി​വ​സം ക​ഴി​ഞ്ഞു​കൂ​ടി വീ​ണ്ടും മ​ല ക​യ​റി പ​ഴ​യ ഷെ​ഡു​ക​ളി​ലേ​ക്ക് ത​ന്നെ​യാ​ണ് പോ​വേ​ണ്ട​ത്.