പെ​രി​ന്ത​ൽ​മ​ണ്ണ മത്സ്യ മാർക്കറ്റുകളിൽ പരിശോധന; 75 കിലോ അഴുകിയ മത്സ്യം നശിപ്പിച്ചു

പെ​രി​ന്ത​ൽ​മ​ണ്ണ: അ​ഴു​കി​യ മ​ത്സ്യം വി​ൽ​ക്കു​ന്ന​താ​യ പ​രാ​തി​ക​ളെ​ത്തു​ട​ർ​ന്ന് പെ​രി​ന്ത​ൽ​മ​ണ്ണ​യി​ൽ ഭ​ക്ഷ്യ​സു​ര​ക്ഷ വി​ഭാ​ഗ​വും ന​ഗ​ര​സ​ഭ ആ​രോ​ഗ്യ വി​ഭാ​ഗ​വും ന​ട​ത്തി​യ പ​രി​ശോ​ധ​ന​യി​ൽ 75 കി​ലോ മ​ത്സ്യം പി​ടി​ച്ചെ​ടു​ത്ത് ന​ശി​പ്പി​ച്ചു.

പെ​രി​ന്ത​ൽ​മ​ണ്ണ​യി​ലെ ബൈ​പാ​സ്​ ബ​സ്​ സ്​​റ്റാ​ൻ​ഡി​ലെ റി​ട്ടെ​യ്ൽ മ​ത്സ്യ ക​ട​ക​ൾ, പ​ഴ​യ മാ​ർ​ക്ക​റ്റി​ലെ മ​ത്സ്യ ക​ട​ക​ൾ തു​ട​ങ്ങി​യ​വ​യി​ലാ​യി​ലു​ന്നു പ​രി​ശോ​ധ​ന. രാ​വി​ലെ തു​ട​ങ്ങി​യ പ​രി​ശോ​ധ​ന മ​ണി​ക്കൂ​റു​ക​ൾ നീ​ണ്ടു.

അ​ഴു​കി​യ വ​ത്ത​ൽ, ചെ​മ്മീ​ൻ തു​ട​ങ്ങി 50 കി​ലോ​യോ​ളം ഫോ​ർ​മ​ലി​ൻ ക​ല​ർ​ത്തി​യ മ​ത്സ്യ​മാ​ണ് പി​ടി​ച്ചെ​ടു​ത്ത​ത്. വ​രും​ദി​വ​സ​ങ്ങ​ളി​ലും പ​രി​ശോ​ധ​ന ക​ർ​ശ​ന​മാ​ക്കും. പൊ​തു​ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്നും അ​റി​യി​ച്ചു.

ഭ​ക്ഷ്യ മൊ​ബൈ​ൽ ലാ​ബിെൻറ സ​ഹാ​യ​ത്തോ​ടെ​യാ​യി​രു​ന്നു പ​രി​ശോ​ധ​ന. ഇ​തു​കാ​ര​ണം മ​ത്സ്യ​ത്തിെൻറ പ​ഴ​ക്ക​വും മ​റ്റും ക​ണ്ടെ​ത്തി ന​ശി​പ്പി​ക്കാ​നോ പി​ഴ ചു​മ​ത്താ​നോ പ​രി​ശോ​ധ​ന സ്ഥ​ല​ത്തു​വെ​ച്ച് ത​ന്നെ ഉ​ദ്യോ​ഗ​സ്ഥ​ർ​ക്ക്​ ക​ഴി​യും. ക​ഴി​ഞ്ഞ ദി​വ​സം മ​ങ്ക​ട സ​ർ​ക്കി​ളിെൻറ കീ​ഴി​ലും പ​രി​ശോ​ധ​ന ന​ട​ത്തി മ​ത്സ്യം പി​ടി​ച്ചെ​ടു​ത്ത് ന​ശി​പ്പി​ച്ചി​രു​ന്നു.

പെ​രി​ന്ത​ൽ​മ​ണ്ണ​യി​ൽ ന​ട​ന്ന പ​രി​ശോ​ധ​ന​യി​ൽ ഭ​ക്ഷ്യ​സു​ര​ക്ഷ ഒാ​ഫി​സ​ർ ബി​ബി മാ​ത്യു, ന​ഗ​ര​സ​ഭ ഹെ​ൽ​ത്ത് ഇ​ൻ​സ്പെ​ക്ട​ർ​മാ​രാ​യ കെ. ​ദി​ലീ​പ് കു​മാ​ർ, കെ.​എം. ഗോ​പ​കു​മാ​ർ, സി. ​മു​നീ​ർ, ലാ​ബ് ടെ​ക്നീ​ഷ്യ​ൻ​മാ​രാ​യ റം​ഷാ​ദ്, അ​ഫ്സ​ൽ എ​ന്നി​വ​ർ പ​ങ്കെ​ടു​ത്തു.