ഓരാടംപാലത്തിൽ ലോറിയും പിക്കപ്പും കൂട്ടിയിടിച്ചു; മണിക്കൂറുകൾ വഴിയടഞ്ഞു

പെ​രി​ന്ത​ൽ​മ​ണ്ണ: കോ​ഴി​ക്കോ​ട്-​പാ​ല​ക്കാ​ട് ദേ​ശീ​യ​പാ​ത​യി​ൽ അ​ങ്ങാ​ടി​പ്പു​റ​ത്തെ വീ​തി കു​റ​ഞ്ഞ ഓ​രാ​ടംപാ​ല​ത്തി​ൽ ക​ണ്ടെ​യ്ന​ർ ലോ​റി​യും പ​ച്ച​ക്ക​റി ക​യ​റ്റി​വ​ന്ന പി​ക്ക​പ്പും കൂ​ട്ടി​യി​ടി​ച്ചു. തി​ങ്ക​ളാ​ഴ്ച പു​ല​ർ​ച്ചെ 4.30ഓ​ടെ​യാ​ണ് അ​പ​ക​ടം. തു​ട​ർ​ന്ന് ദേ​ശീ​യ​പാ​ത​യി​ൽ ഗ​താ​ഗ​തം പൂ​ർ​ണ​മാ​യി നി​ല​ച്ചു. പി​ക്ക​പ്പ് ഡ്രൈ​വ​ർ​ക്ക് നി​സ്സാ​ര പ​രി​ക്കേ​റ്റു.

പെ​രി​ന്ത​ൽ​മ​ണ്ണ ഭാ​ഗ​ത്തേ​ക്ക് പോ​കു​ന്ന ലോ​റി എ​തി​ർ ദി​ശ​യി​ൽ വ​ന്ന ക​ർ​ണാ​ട​ക ര​ജി​സ്ട്രേ​ഷ​നു​ള്ള പി​ക്ക​പ്പു​മാ​യി കൂ​ട്ടി​യി​ടി​ക്കു​ക​യാ​യി​രു​ന്നു. അ​പ​ക​ടം ന​ട​ന്ന​തോ​ടെ കാ​ൽ​ന​ട പോ​ലും സാ​ധ്യ​മാ​വാ​ത്ത രീ​തി​യി​ൽ ത​ട​സ്സം രൂ​പ​പ്പെ​ട്ടു. ക്രെ​യി​നെ​ത്തി​ച്ച് വാ​ഹ​ന​ങ്ങ​ൾ നീ​ക്കു​ന്ന​ത് വ​രെ ഗ​താ​ഗ​ത ത​ട​സ്സം തു​ട​ർ​ന്നു. മ​ല​പ്പു​റം, മ​ഞ്ചേ​രി ഭാ​ഗ​ത്തു​നി​ന്ന് പെ​രി​ന്ത​ൽ​മ​ണ്ണ​യി​ലേ​ക്ക് പോ​കു​ന്ന വാ​ഹ​ന​ങ്ങ​ൾ വ​ല​മ്പൂ​ർ-​പ​ട്ടി​ക്കാ​ട് റോ​ഡ് വ​ഴി​യും പെ​രി​ന്ത​ൽ​മ​ണ്ണ​യി​ൽ​നി​ന്ന് മ​ല​പ്പു​റം ഭാ​ഗ​ത്തേ​ക്ക് പോ​കു​ന്ന വാ​ഹ​ന​ങ്ങ​ൾ അ​ങ്ങാ​ടി​പ്പു​റം കെ.​എ​സ്.​ഇ.​ബി ഓ​ഫി​സി​ന് സ​മീ​പ​ത്തെ റോ​ഡി​ലൂ​ടെ ചെ​ര​ക്കാ​പ്പ​റ​മ്പ് വ​ഴി​യും തി​രി​ച്ചു​വി​ട്ടു.

പാ​ല​ത്തി​ന്റെ കൈ​വ​രി ത​ക​ർ​ത്ത് വ​ലി​യ വാ​ഹ​ന​ങ്ങ​ളും ച​ര​ക്ക് വാ​ഹ​ന​ങ്ങ​ളും തോ​ട്ടി​ൽ വീ​ഴു​ന്ന​ത് ഇ​വി​ടെ പ​തി​വാ​ണ്. പാ​ലം പു​തു​ക്കി​പ്പ​ണി​യാ​ൻ നാ​ലു​വ​ർ​ഷം മു​മ്പ് എ​ൻ.​എ​ച്ച് വി​ഭാ​ഗം പ​ദ്ധ​തി സ​മ​ർ​പ്പി​ച്ചി​രു​ന്നു. എ​ന്നാ​ൽ, ഈ ​പാ​ത സം​സ്ഥാ​ന മ​രാ​മ​ത്തി​ലെ എ​ൻ.​എ​ച്ച് വി​ഭാ​ഗ​ത്തി​ൽ​നി​ന്ന് നാ​ഷ​ന​ൽ ഹൈ​വേ​സ് അ​തോ​റി​റ്റി (എ​ൻ.​എ​ച്ച്.​എ) ഏ​റ്റെ​ടു​ത്ത​തോ​ടെ പ​ദ്ധ​തി മു​ട​ങ്ങി.

ദേ​ശീ​യ​പാ​ത ര​ണ്ടു​വ​രി ഗ​താ​ഗ​ത്തി​ന് സൗ​ക​ര്യ​മു​ള്ള​പ്പോ​ൾ നൂ​റ്റാ​ണ്ടു പി​ന്നി​ടു​ന്ന ഓ​രാ​ടം​പാ​ല​ത്തി​ന് റോ​ഡി​ന്റെ പ​കു​തി​യോ​ള​മേ വീ​തി​യു​ള്ളൂ. പ​രി​ച​യ​ക്കു​റ​വു​ള്ള ഡ്രൈ​വ​ർ​മാ​രാ​ണ് ഇ​വി​ടെ അ​പ​ക​ട​ത്തി​ൽ പെ​ടു​ന്ന​ത്. ഓ​രാ​ടം പാ​ലം മു​ത​ൽ മാ​ന​ത്തു​മം​ഗ​ലം വ​രെ​യു​ള്ള നി​ർ​ദി​ഷ്ഠ ബൈ​പാ​സ് പ​ദ്ധ​തി​യും ഇ​രു​ള​ട​ഞ്ഞ നി​ല​യി​ലാ​ണ്. ബൈ​പാ​സി​നോ​ട് സ​ർ​ക്കാ​ർ പു​റം​തി​രി​ഞ്ഞു നി​ന്നി​ട്ടും പ​ദ്ധ​തി​ക്ക് മു​റ​വി​ളി കൂ​ട്ടി​യി​രു​ന്ന പെ​രി​ന്ത​ൽ​മ​ണ്ണ, മ​ങ്ക​ട മ​ണ്ഡ​ല​ങ്ങ​ളി​ലെ എം.​എ​ൽ.​എ​മാ​രും ഇ​പ്പോ​ൾ നി​ശ്ശ​ബ്ദ​രാ​ണ്.

ഡ്രൈ​വ​റെ പു​റ​ത്തെ​ടു​ത്ത​ത് ഏ​റെ​നേ​രം നീ​ണ്ട ശ്ര​മ​ത്തി​നൊടുവിൽ

പെ​രി​ന്ത​ൽ​മ​ണ്ണ: ഓ​രാ​ടം​പാ​ല​ത്തി​ൽ ക​ണ്ട​യ്ന​റും പി​ക്ക​പ്പും കൂ​ട്ടി​യി​ടി​ച്ച് പു​റ​ത്തി​റ​ങ്ങാ​നാ​വാ​ത്ത വി​ധം പി​ക്ക​പ്പി​ന​ക​ത്ത് കു​ടു​ങ്ങി​യ ഡ്രൈ​വ​റെ ഫ​യ​ർ ആ​ൻ​ഡ് റ​സ്ക്യൂ വി​ഭാ​ഗം പു​റ​ത്തെ​ടു​ത്തു. ഒ​രു മ​ണി​ക്കൂ​റോ​ളം നീ​ണ്ട ര​ക്ഷാ​പ്ര​വ​ർ​ത്ത​ന​ത്തി​ന് ശേ​ഷ​മാ​ണ് പു​റ​ത്തെ​ടു​ത്ത​ത്.

ഹൈ​ഡ്രോ​ളി​ക് ക​ട്ട​ർ ഉ​പ​യോ​ഗി​ച്ച് വാ​ഹ​ന​ത്തി​ന്റെ ചി​ല ഭാ​ഗ​ങ്ങ​ൾ അ​ക​ത്തി​യും മു​റി​ച്ചെ​ടു​ത്താ​ണ് ഡ്രൈ​വ​റെ പു​റ​ത്തെ​ടു​ത്ത​ത്. ഡ്രൈ​വ​റു​ടെ കാ​ലാ​ണ് കു​ടു​ങ്ങി​യ​ത്. പെ​രി​ന്ത​ൽ​മ​ണ്ണ​യി​ൽ​നി​ന്ന് സീ​നി​യ​ർ ഫ​യ​ർ ആ​ൻ​ഡ് റ​സ്ക്യൂ ഓ​ഫി​സ​ർ പി. ​ബൈ​ജു​വി​ന്റെ നേ​തൃ​ത്വ​ത്തി​ൽ സം​ഘ​മെ​ത്തി ഒ​രു മ​ണി​ക്കൂ​റോ​ളം ശ്ര​മി​ച്ചാ​ണി​ത് സാ​ധ്യ​മാ​ക്കി​യ​ത്.

വാ​ഹ​ന​ത്തി​ലു​ണ്ടാ​യി​രു​ന്ന​യാ​ൾ​ക്ക് ഗു​രു​ത​ര പ​രി​ക്കി​ല്ല. എ​ങ്കി​ലും ര​ക്ഷാ​പ്ര​വ​ർ​ത്ത​നം ന​ട​ക്കു​മ്പോ​ൾ പൊ​ലീ​സും ആം​ബു​ല​ൻ​സും ത​യാ​റാ​യി നി​ന്നി​രു​ന്നു. മു​റി​വു​ക​ളോ​ടെ ഇ​ദ്ദേ​ഹ​ത്തെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഫ​യ​ർ ആ​ൻ​ഡ് റ​സ്ക്യൂ ഓ​ഫി​സ​ർ​മാ​രാ​യ മു​ഹ​മ്മ​ദ് ഷി​ബി​ൻ, ഫി​റോ​സ്, അ​നീ​ഷ്, സു​ബ്ര​ഹ്മ​ണ്യ​ൻ, വി​ശ്വ​നാ​ഥ​ൻ എ​ന്നി​വ​രാ​യി​ര​ന്നു ര​ക്ഷാ​പ്ര​വ​ർ​ത്ത​ന സം​ഘ​ത്തി​ൽ.