മേ​ലാ​റ്റൂ​ർ-​പു​ലാ​മ​ന്തോ​ൾ റോ​ഡ്; ക​രാ​ർ ക​മ്പ​നി​യെ ഒ​ഴി​വാ​ക്കി​യ ന​ട​പ​ടി കോ​ട​തി ശ​രി​വെ​ച്ചു

പെ​രി​ന്ത​ൽ​മ​ണ്ണ: ഫ​ണ്ട​നു​വ​ദി​ച്ച് അ​ഞ്ചാം വ​ർ​ഷ​ത്തി​ലേ​ക്ക് ക​ട​ന്നി​ട്ടും നി​ർ​മാ​ണം പാ​തി​വ​ഴി​യി​ലാ​യ മേ​ലാ​റ്റൂ​ർ-​പു​ലാ​മ​ന്തോ​ൾ റോ​ഡി​ലെ ക​രാ​ർ ക​മ്പ​നി​യെ ഒ​ഴി​വാ​ക്കി​യ സ​ർ​ക്കാ​ർ ന​ട​പ​ടി കോ​ട​തി ശ​രി​വെ​ച്ചു. മൂ​ന്നു മാ​സ​ത്തോ​ളം മു​മ്പാ​ണ് ക​രാ​ർ റ​ദ്ദാ​ക്കി​യ​ത്. തു​ട​ർ​ന്ന് ക​മ്പ​നി ഹൈ​കോ​ട​തി​യി​ൽ അ​പ്പീ​ൽ ന​ൽ​കി. ഇ​തോ​ടെ ന​ട​പ​ടി താ​ൽ​കാ​ലി​ക​മാ​യി സ്റ്റേ ​ചെ​യ്തു. ഈ ​സ്റ്റേ​യാ​ണ് ഇ​പ്പോ​ൾ നീ​ക്കി​യ​ത്. ഉ​റ​പ്പു പ​റ​ഞ്ഞ തീ​യ​തി​യി​ൽ പ്ര​വൃ​ത്തി പു​ന​രാ​രം​ഭി​ക്കാ​ൻ ക​മ്പ​നി​ക്കാ​യി​ല്ല. അ​തോ​ടെ​യാ​ണ് സ്റ്റേ ​നീ​ക്കി ഉ​ത്ത​ര​വി​റ​ങ്ങി​യ​ത്. റോ​ഡി ന്റെ ​ഇ​പ്പോ​ഴ​ത്തെ സ്ഥി​തി വ്യ​ക്ത​മാ​ക്കു​ന്ന ചി​ത്ര​ങ്ങ​ളും വി​വ​ര​ങ്ങ​ളും കോ​ട​തി​യി​ൽ ന​ൽ​കി​യെ​ന്ന് കേ​ര​ള സ്റ്റേ​റ്റ് ട്രാ​ൻ​സ്പോ​ർ​ട്ട് പ്രോ​ജ​ക്ട് (കെ.​എ​സ്.​ടി.​പി) വി​ഭാ​ഗം ഉ​ദ്യോ​ഗ​സ്ഥ​ർ അ​റി​യി​ച്ചു.

2020 സെ​പ്റ്റം​ബ​റി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​മാ​ണോ​ദ്ഘാ​ട​നം ന​ട​ത്തി​യ​താ​ണി​ത്. 144 കോ​ടി അ​ട​ങ്ക​ൽ ക​ണ​ക്കാ​ക്കി റീ​ബി​ൽ​ഡ് കേ​ര​ള ഇ​നീ​ഷ്യേ​റ്റീ​വ് (ആ​ർ.​കെ.​ഐ) പ​ദ്ധ​തി​യി​ലാ​ണ് ഫ​ണ്ട​നു​വ​ദി​ച്ച​ത്. മ​ല​പ്പു​റം, പാ​ല​ക്കാ​ട്, തൃ​ശൂ​ർ ജി​ല്ല​ക​ളെ ബ​ന്ധി​പ്പി​ക്കു​ന്ന നി​ല​മ്പൂ​ർ-​പെ​രു​മ്പി​ലാ​വ് സം​സ്ഥാ​ന പാ​ത​യി​ൽ മേ​ലാ​റ്റൂ​ർ മു​ത​ൽ പു​ലാ​മ​ന്തോ​ൾ വ​രെ 30.88 കി.​മീ ആ​ണ് പ്ര​വ​ൃ​ത്തി ന​ട​ത്തേ​ണ്ട റോ​ഡ്. 139 കോ​ടി​ക്ക് ഒ​ന്ന​ര വ​ർ​ഷം കൊ​ണ്ട് തീ​ർ​ക്കാ​നാ​ണ് ക​രാ​ർ ന​ൽ​കി​യ​ത്. നാ​ലു വ​ർ​ഷം പി​ന്നി​ട്ടി​ട്ടും 51.06 ശ​ത​മാ​ന​ത്തി​ലാ​ണ്. റോ​ഡ് പ​ണി ഇ​ഴഞ്ഞുനീങ്ങുന്നതി​നെ​തി​രെ ക​രാ​ർ ക​മ്പ​നി​യും ഉ​ദ്യോ​ഗ​സ്ഥ​രു​മാ​ണ് കു​റ്റ​ക്കാ​രെ​ന്ന് ആ​രോ​പി​ച്ച് ജ​ന​കീ​യ സ​മ​ര​സ​മി​തി 24 ന് ​പു​ലാ​മ​ന്തോ​ൾ ക​ട്ടു​പ്പാ​റ​യി​ൽ റോ​ഡ് ഉ​പ​രോ​ധിക്കാൻ തീ​രു​മാ​നി​ച്ചി​ട്ടു​ണ്ട്.

ക​രാ​ർ ക​മ്പ​നി റോ​ഡ് ഏ​റ്റെ​ടു​ത്തി​ട്ടും പ്ര​വൃ​ത്തി വേ​ണ്ട​പോ​ലെ നീ​ങ്ങാ​താ​യ​പ്പോ​ൾ മ​രാ​മ​ത്ത് വ​കു​പ്പ് മ​ന്ത്രി​ക്ക് പ​ല​വ​ട്ടം പ​രാ​തി​ക​ൾ ന​ൽ​കി​യി​രു​ന്നെ​ങ്കി​ലും ഫ​ല​പ്ര​ദ​മാ​യി ഇ​ട​പെ​ട്ടി​ല്ല. നാ​ട്ടു​കാ​രു​ടെ പ​രാ​തി കൂ​ടി​യ​തോ​ടെ 2022 ൽ ​മ​ന്ത്രി മു​ഹ​മ്മ​ദ് റി​യാ​സ് പെ​രി​ന്ത​ൽ​മ​ണ്ണ​യി​ൽ റോ​ഡ് പ്ര​വ​ൃ​ത്തി സ​ന്ദ​ർ​ശി​ച്ച് ഉ​ദ്യോ​ഗ​സ്ഥ​രു​ടെ യോ​ഗം വി​ളി​ച്ചി​രു​ന്നു. കെ.​എ​സ്.​ടി.​പി​യു​ടെ ഉ​യ​ർ​ന്ന ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി​യി​രു​ന്നു. എ​ന്നാ​ൽ ഏ​റ്റെ​ടു​ത്ത ക​മ്പ​നി​യെ കൊ​ണ്ട് പ​ണി പൂ​ർ​ത്തി​യാ​ക്കി​ക്കാ​ൻ ക​ഴി​ഞ്ഞി​ല്ല.

റോ​ഡ് പ​ണി പൂ​ർ​ത്തി​യാ​കാ​ൻ ഇ​നി​യും ക​ട​മ്പ​ക​ൾ; ത​ൽ​ക്കാ​ലം കു​ഴി​യ​ട​ക്ക​ൽ

പെ​രി​ന്ത​ൽ​മ​ണ്ണ: പ​ര​മാ​വ​ധി ഒ​രു വ​ർ​ഷം കൊ​ണ്ട് തീ​ർ​ക്കാ​വു​ന്ന പു​ലാ​മ​ന്തോ​ൾ-​മേ​ലാ​റ്റൂ​ർ പാ​ത​യു​ടെ വീ​തി​കൂ​ട്ടി​യു​ള്ള ന​വീ​ക​ര​ണ​വും അ​ഴു​ക്കു​ചാ​ൽ നി​ർ​മാ​ണ​വും ഏ​റ്റെ​ടു​ത്ത ക​രാ​ർ ക​മ്പ​നി​യെ മാ​റ്റി​യെ​ങ്കി​ലും റോ​ഡ് നി​ർ​മാ​ണം ഇ​നി​യും വൈ​കും. ശേ​ഷി​ക്കു​ന്ന ഭാ​ഗ​ത്തെ എ​സ്റ്റി​മേ​റ്റ് ത​യാ​റാ​ക്കി സ​ർ​ക്കാ​റി​ൽ​നി​ന്ന് അം​ഗീ​കാ​രം വാ​ങ്ങ​ണം. ശ​രാ​ശ​രി 71.5 കോ​ടി​യു​ടെ പ്ര​വൃ​ത്തി​യാ​ണ് പൂ​ർ​ത്തി​യാ​യ​ത്. പ​ദ്ധ​തി​യു​ടെ അ​ട​ങ്ക​ൽ തു​ക​യി​ൽ പ​കു​തി​യോ​ള​മാ​ണ് ചെ​ല​വി​ടാ​നു​ള്ള​ത്. 2016 ലെ ​നി​ര​ക്ക് വെ​ച്ചാ​ണ് നി​ല​വി​ലെ എ​സ്റ്റി​മേ​റ്റ്. ഇ​ത് 2018 ലെ ​നി​ര​ക്ക് വെ​ച്ച് എ​സ്റ്റി​മേ​റ്റി​ടു​മ്പോ​ൾ പ്ര​വ​ർ​ത്തി പൂ​ർ​ത്തി​യാ​ക്കാ​ൻ അ​ധി​കം തു​ക വേ​ണ്ടി വ​രും. എ​സ്റ്റി​മേ​റ്റി​ന് അം​ഗീ​കാ​രം ല​ഭി​ക്ക​ൽ, അ​ധി​കം വ​രു​ന്ന തു​ക അ​നു​വ​ദി​ക്ക​ൽ എ​ന്നി​വ​യെ​ല്ലാം ക​ഴി​ഞ്ഞ് ടെ​ൻ​ഡ​ർ ന​ട​ത്തി പു​തി​യ ക​രാ​റു​കാ​ർ ഏ​റ്റെ​ടു​ത്താ​ണ് പ​ണി ന​ട​ത്തേ​ണ്ട​ത്. മേ​ലാ​റ്റൂ​ർ മു​ത​ൽ പു​ലാ​മ​ന്തോ​ൾ വ​രെ വ​ലി​യ കു​ഴി​ക​ളാ​ണ്.

റോ​ഡ് ടാ​റി​ങ് അ​ട​ർ​ന്ന് ഗ​താ​ഗ​തം സാ​ധ്യ​മ​ല്ലാ​ത്ത വി​ധം പ​ല​യി​ട​ത്തും ത​ക​ർ​ന്നി​ട്ടു​ണ്ട്. സു​ഗ​മ​മാ​ക്കാ​ൻ 50 ല​ക്ഷം മ​തി​പ്പ് ചെ​ല​വു ക​ണ​ക്കാ​ക്കി കു​ഴി​യ​ട​ക്കാ​നു​ള്ള എ​സ്റ്റി​മേ​റ്റ് കെ.​എ​സ്.​ടി.​പി ത​യാ​റാ​ക്കു​ക​യാ​ണ്. ഈ ​തു​ക ആ​രു​ടെ ചെ​ല​വി​ൽ ചേ​ർ​ക്കു​മെ​ന്ന അ​നി​ശ്ചി​ത​ത്വ​വു​മു​ണ്ട്. ഇ​ക്കാ​ര്യ​ങ്ങ​ൾ വീ​ണ്ടും വ്യ​വ​ഹാ​ര​ങ്ങ​ളി​ലേ​ക്ക് നീ​ങ്ങാ​നും ഇ​ട​യു​ണ്ട്. റോ​ഡ്പ​ണി ക​ഴി​യു​ന്ന​ത് വ​രെ കാ​ത്തി​രി​ക്കാ​നാ​വാ​ത്ത വി​ധ​മാ​ണ് റോ​ഡി​ലെ കു​ഴി​ക​ൾ. അ​തി​നി​ടെ സ​ർ​ക്കാ​റി​നെ​യും മ​ന്ത്രി​യെ​യും പ​രാ​മ​ർ​ശി​ക്കാ​തെ ക​രാ​റു​കാ​രെ​യും ഉ​ദ്യോ​ഗ​സ്ഥ​രെ​യും​കു​റ്റ​പ്പെ​ടു​ത്തു​ക​യാ​ണ് ഉ​ത്ത​ര​വാ​ദ​പ്പെ​ട്ട ജ​ന​പ്ര​തി​നി​ധി​ക​ൾ.