കാരുണ്യവഴിയിൽ 73 ബ​സു​ക​ളു​ടെ സ​ർ​വി​സ്

പെ​രി​ന്ത​ൽ​മ​ണ്ണ: സ​ർ​വി​സി​നി​ടെ ബ​സി​ൽ​നി​ന്ന് വീ​ണു​മ​രി​ച്ച ജീ​വ​ന​ക്കാ​ര​ൻ ഫൈ​സ​ൽ ബാ​ബു​വി​ന്റെ കു​ടും​ബ​ത്തി​ന് താ​ങ്ങാ​യി ഏ​ക​ദി​ന ക​ല​ക്ഷ​നാ​യി ബസ് ജീ​വ​ന​ക്കാ​ർ സ്വ​രൂ​പി​ച്ച​ത് 20,42969 രൂ​പ. പെ​രി​ന്ത​ൽ​മ​ണ്ണ വ​ഴി സ​ർ​വി​സ് ന​ട​ത്തു​ന്ന 73 ബ​സു​ക​ളി​ലെ ജീ​വ​ന​ക്കാ​ർ ഒ​രു​ദി​വ​സ​ത്തെ ക​ല​ക്ഷ​നും നാ​ട്ടു​കാ​രി​ൽ​നി​ന്ന് പി​രി​ച്ച​തു​മ​ട​ക്ക​മാ​ണ് ഈ ​തു​ക.

20 ല​ക്ഷം രൂ​പ കു​ടും​ബ​ത്തി​ന്റെ പേ​രി​ൽ ബാ​ങ്കി​ൽ നി​ക്ഷേ​പി​ക്കു​ക​യും ബാ​ക്കി പി​താ​വ് അ​ബൂ​ബ​ക്ക​റി​ന്റെ കൈ​വ​ശം ഏ​ൽ​പി​ക്കു​ക​യും ചെ​യ്തു. ന​വം​ബ​ർ 14നാ​ണ് ജോ​ലി​ക്കി​ടെ നാ​ട്ടു​ക​ൽ 53 ാം മൈ​ലി​ൽ മ​ണ​ലും​പു​റം ത​ല​യ​പ്പാ​ടി​യി​ൽ ഫൈ​സ​ൽ ബാ​ബു (38) പെ​രി​ന്ത​ൽ​മ​ണ്ണ​യി​ൽ ബ​സി​ൽ​നി​ന്ന് വീ​ണ് ഗു​രു​ത​ര പ​രി​ക്കേ​റ്റ​ത്. 15ന് ​മ​ര​ണ​പ്പെ​ടു​ക​യും ചെ​യ്തു.

പെ​രി​ന്ത​ൽ​മ​ണ്ണ-​മ​ണ്ണാ​ർ​ക്കാ​ട് റൂ​ട്ടി​ലോ​ടു​ന്ന പി.​എം.​എ​സ് ബ​സി​ലെ ക​ണ്ട​ക്ട​റാ​യി​രു​ന്നു ഫൈ​സ​ൽ ബാ​ബു. ഭാ​ര്യ​യും മൂ​ന്ന് ചെ​റി​യ മ​ക്ക​ളു​മാ​ണ് കു​ടും​ബം. ജീ​വ​ന​ക്കാ​രു​ടെ കൂ​ലി​യ​ട​ക്കം ഒ​രു​ദി​വ​സ​ത്തെ ക​ല​ക്ഷ​ൻ ഇ​വ​ർ കു​ടും​ബ​സ​ഹാ​യ നി​ധി​യി​ലേ​ക്ക് മാ​റ്റി​വെ​ച്ചാ​യി​രു​ന്നു സ​ർ​വി​സ്. ന​വം​ബ​ർ 20ന് ​ശേ​ഷ​മാ​യി​രു​ന്നു മൂ​ന്നു​ദി​വ​സ​ത്തെ സ​ർ​വി​സ്. പെ​രി​ന്ത​ൽ​മ​ണ്ണ മു​നി​സി​പ്പ​ൽ ബ​സ് സ്റ്റാ​ൻ​ഡി​ൽ​നി​ന്ന് പു​റ​പ്പെ​ടു​ന്ന ബ​സു​ക​ൾ ഇ​ന്ധ​ന​ച്ചെ​ല​വു മാ​ത്ര​മെ​ടു​ത്ത് ബാ​ക്കി കു​ടും​ബ​സ​ഹാ​യ​നി​ധി​യി​ലേ​ക്ക് ന​ൽ​കി​യാ​ണ് സ​ർ​വി​സ് ന​ട​ത്തി​യ​ത്.

ഫൈ​സ​ൽ ബാ​ബു​വി​ന്റെ 13 വ​യ​സ്സു​ള്ള മ​ക​ളു​ടെ പേ​രി​ൽ എ​ട്ടു​ല​ക്ഷ​വും ര​ണ്ട് ആ​ൺ​കു​ട്ടി​ക​ളു​ടെ​യും മാ​താ​വി​ന്റെ​യും പേ​രി​ൽ അ​ഞ്ചു​ല​ക്ഷം വീ​ത​വും മാ​താ​വി​ന്റെ പേ​രി​ൽ ര​ണ്ടു​ല​ക്ഷ​വും കു​ട്ടി​ക​ളു​ടെ പ​ഠ​ന​ത്തി​നും മ​റ്റു​മാ​യാ​ണ് നി​ക്ഷേ​പി​ച്ച​ത്. യാ​ത്ര​ക്കൂ​ലി പി​രി​ക്കു​ന്ന​തി​നു​പു​റ​മെ നാ​ട്ടു​കാ​രി​ൽ​നി​ന്നും യാ​ത്ര​ക്കാ​രി​ൽ​നി​ന്നും സ​ഹാ​യ​ധ​ന​വും സ്വീ​ക​രി​ച്ചു. 1.37 ല​ക്ഷം രൂ​പ വ​രെ ഒ​രു​ദി​വ​സം ഒ​രു ബ​സി​ൽ ജീ​വ​ന​ക്കാ​ർ ഇ​ത്ത​ര​ത്തി​ൽ സ്വ​രൂ​പി​ച്ചു. പ്രൈ​വ​റ്റ് ബ​സു​ട​മ സം​ഘ​വും ബ​സ് ജീ​വ​ന​ക്കാ​രു​ടെ സം​ഘ​ട​ന​ക​ളും സം​യു​ക്ത​മാ​യാ​ണ് ഉ​ദ്യ​മം വി​ജ​യി​പ്പി​ച്ച​തെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

വാ​ർ​ത്ത​സ​മ്മേ​ള​ന​ത്തി​ൽ ബ​സു​ട​മ സം​ഘം താ​ലൂ​ക്ക് സെ​ക്ര​ട്ട​റി കെ. ​മു​ഹ​മ്മ​ദ​ലി ഹാ​ജി, നി​നു ക​രീം, കെ. ​ഷൗ​ക്ക​ത്ത​ലി ക​രി​ങ്ക​ല്ല​ത്താ​ണി, സ​ഫാ​ന മു​ഹ​മ്മ​ദ​ലി, പി.​ജ​ബ്ബാ​ർ, ബ​സ് തൊ​ഴി​ലാ​ളി യൂ​നി​യ​ൻ പ്ര​തി​നി​ധി​ക​ളാ​യ മാ​ടാ​ല മു​ഹ​മ്മ​ദ​ലി, അ​നി​ൽ കു​റു​പ്പ​ത്ത്, കെ.​ടി. ഹം​സ തു​ട​ങ്ങി​യ​വ​ർ പ​ങ്കെ​ടു​ത്തു.