പരിഗണിക്കണം, പെരിന്തൽമണ്ണയെ

പെ​രി​ന്ത​ൽ​മ​ണ്ണ: വോ​ട്ടു​ബ​ലം കൊ​ണ്ട് ഇ​ട​തു വ​ല​തു​പ​ക്ഷ​ങ്ങ​ൾ ബ​ലാ​ബ​ലം നി​ൽ​ക്കു​ന്ന പെ​രി​ന്ത​ൽ​മ​ണ്ണ​യി​ൽ മു​ഖ്യ​മ​ന്ത്രി​യും മ​ന്ത്രി​മാ​രും പ​ങ്കെ​ടു​ക്കു​ന്ന ന​വ​കേ​ര​ള സ​ദ​സ്സി​ലേ​ക്ക് കു​ന്നോ​ള​മാ​ണ് വി​വി​ധ സം​ഘ​ട​ന​ക​ളും വ്യ​ക്തി​ക​ളും ഉ​ന്ന​യി​ക്കു​ന്ന ആ​വ​ശ്യ​ങ്ങ​ളും പ​രാ​തി​ക​ളും.

250 കോ​ടി വ​രെ മ​തി​പ്പ് ചെ​ല​വു ക​ണ​ക്കാ​ക്കു​ന്ന ഓ​രാ​ടം​പാ​ലം-​മാ​ന​ത്തു​മം​ഗ​ലം ബൈ​പാസ് മു​ത​ൽ താ​ഴേ​ക്കോ​ട് ആ​ദി​വാ​സി കോ​ള​നി​ക​ളി​ൽ ആ​ധാ​ർ കാ​ർ​ഡി​ല്ലാ​ത്ത​തി​ന്റെ പേ​രി​ൽ ക്ഷേ​മ പെ​ൻ​ഷ​നും വി​ധ​വ പെ​ൻ​ഷ​നും ത​ഴ​യ​പ്പെ​ട്ട ആ​ദി​വാ​സി വ​നി​ത​ക​ളു​ടെ സ​ങ്ക​ട​ങ്ങ​ൾ വ​രെ​യു​ണ്ട് ഈ ​പ​ട്ടി​ക​യി​ൽ.

വാ​ട​ക കെ​ട്ടി​ട​ങ്ങ​ളി​ൽ തു​ട​രു​ന്ന സ​ർ​ക്കാ​ർ ഓ​ഫി​സു​ക​ൾ

നാ​ലു നി​ല​ക​ളി​ൽ കോ​ടി​ക​ൾ മു​ട​ക്കി പെ​രി​ന്ത​ൽ​മ​ണ്ണ​യി​ൽ നി​ർ​മി​ച്ച മി​നി സി​വി​ൽ സ്റ്റേ​ഷ​നു​ണ്ടാ​യി​ട്ടും ഇ​പ്പോ​ഴും ഏ​താ​നും സ​ർ​ക്കാ​ർ ഓ​ഫി​സു​ക​ൾ വാ​ട​ക കെ​ട്ടി​ട​ങ്ങ​ളി​ലാ​ണ്. പെ​രി​ന്ത​ൽ​മ​ണ്ണ സ​ബ് ട്ര​ഷ​റി​ക്ക് നേ​ര​ത്തെ പ​ത്തു​സെ​ന്റ് ഭൂ​മി ക​ണ്ടെ​ത്തി കെ​ട്ടി​ട​ത്തി​ന് പ്ലാ​ൻ ത​യാ​റാ​ക്കി ന​ട​പ​ടി​ക​ൾ പൂ​ർ​ത്തി​യാ​യ ഘ​ട്ട​ത്തി​ലാ​ണ് ബ​സ് സ്റ്റാ​ൻ​ഡി​ലേ​ക്ക് റോ​ഡ് നി​ർ​മി​ച്ച് ഈ ​ഭൂ​മി​യു​ടെ ന​ല്ലൊ​രു ഭാ​ഗം ക​വ​ർ​ന്ന​ത്.

ഇ​നി​യ​തി​ൽ നി​ർ​ദ്ദി​ഷ്ട മാ​തൃ​ക​യി​ൽ കെ​ട്ടി​ടം നി​ർ​മി​ക്കാ​നാ​വി​ല്ല. ട്ര​ഷ​റി പു​തി​യ വാ​ട​ക കെ​ട്ടി​ട​ത്തി​ലേ​ക്ക് മാ​റ്റു​ന്ന​ത് അ​വ​സാ​ന ഒ​രു​ക്ക​ത്തി​ലാ​ണ്. ഇ​റി​ഗേ​ഷ​ൻ മേ​ജ​ർ വി​ഭാ​ഗ​വും മൈ​ന​ർ വി​ഭാ​ഗ​വും ഇ​ത്ത​ര​ത്തി​ൽ പ​ഴ​യ കെ​ട്ടി​ട​ത്തി​ലാ​ണ്.

പ​ഞ്ചാ​യ​ത്തു​ക​ൾ​ക്കു​മു​ണ്ട് വി​ക​സ​ന മോ​ഹം

താ​ഴേ​ക്കോ​ട്, പു​ലാ​മ​ന്തോ​ൾ, ആ​ലി​പ്പ​റ​മ്പ്, ഏ​ലം​കു​ളം, വെ​ട്ട​ത്തൂ​ർ, മേ​ലാ​റ്റൂ​ർ പ​ഞ്ചാ​യ​ത്തു​ക​ളാ​ണ് പെ​രി​ന്ത​ൽ​മ​ണ്ണ ന​ഗ​ര​സ​ഭ​ക്ക് പു​റ​മെ മ​ണ്ഡ​ല​ത്തി​ൽ. മേ​ലാ​റ്റൂ​ർ കമ്യൂ​ണി​റ്റി ഹെ​ൽ​ത്ത് സെ​ന്റ​റി​ൽ മ​തി​യാ​യ ഡോ​ക്ട​ർ​മാ​രെ​യും ജീ​വ​ന​ക്കാ​രെ​യും നി​യ​മി​ച്ച് സൗ​ക​ര്യം വ​ർ​ധി​പ്പി​ക്ക​ലാ​ണ് ഒ​രാ​വ​ശ്യം.

താ​ഴേ​ക്കോ​ട് പ​ഞ്ചാ​യ​ത്തി​ൽ അ​ര​ക്കു​പ​റ​മ്പ് വി​ല്ലേ​ജി​ൽ പ്രൈ​മ​റി പ​ഠ​നം ക​ഴി​ഞ്ഞാ​ൽ ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി വി​ദ്യാ​ഭ്യാ​സ​ത്തി​ന് മേ​ഖ​ല​യി​ൽ സൗ​ക​ര്യ​മി​ല്ലാ​ത്ത വി​ഷ​യ​മു​ണ്ട്. ഏ​ലം​കു​ളം പ​ഞ്ചാ​യ​ത്തി​ൽ പ​തി​റ്റാ​ണ്ടു​ക​ളാ​യി ഉ​യ​രു​ന്ന​താ​ണ് മാ​ട്ടാ​യ പ​റ​യും​തു​രു​ത്ത് പാ​ലം. കു​ന്തി​പ്പു​ഴ​ക്ക് കു​റു​കെ കു​ലു​ക്ക​ല്ലൂ​ർ പ​ഞ്ചാ​യ​ത്തു​മാ​യി ബ​ന്ധി​പ്പി​ക്കു​ന്ന​താ​ണ്.

ഇ​പ്പോ​ഴും യാ​ഥാ​ർ​ഥ്യ​മാ​യി​ട്ടി​ല്ല. പു​ലാ​മ​ന്തോ​ൾ പ​ഞ്ചാ​യ​ത്തി​ൽ പാ​ട​ശേ​ഖ​ര​ങ്ങ​ൾ കൂ​ടു​ത​ലു​ള്ള​തി​നാ​ൽ നി​ല​വി​ലെ ഇ​റി​ഗേ​ഷ​ൻ പ​ദ്ധ​തി വി​പു​ല​പ്പെ​ടു​ത്തി വേ​ന​ലി​ലും ക​ർ​ഷ​ക​ർ​ക്ക് വെ​ള്ളം ല​ഭ്യ​മാ​ക്കു​ന്ന​തി​ന് ആ​വ​ശ്യ​മു​യ​ർ​ന്നി​ട്ടു​ണ്ട്. കൃ​ഷി, ഇ​റി​ഗേ​ഷ​ൻ വ​കു​പ്പു​ക​ളു​ടെ ശ്ര​ദ്ധ​യി​ൽ വ​രേ​ണ്ട​താ​ണ് വി​ഷ​യം. വെ​ട്ട​ത്തൂ​രി​ൽ പൂ​ങ്കാ​വ​നം ഡാ​മി​നു വേ​ണ്ടി ഇ​റി​ഗേ​ഷ​ൻ വ​ർ​ഷ​ങ്ങ​ൾ മു​മ്പ് ഏ​റ്റെ​ടു​ത്ത ഭൂ​മി ഫ​ല​പ്ര​ദ​മാ​യി ഉ​പ​യോ​ഗ​പ്പെ​ടു​ത്തി പ​ദ്ധ​തി​ക​ൾ ആ​വി​ഷ്ക​രി​ക്ക​ണ​മെ​ന്ന് വെ​ട്ട​ത്തൂ​ർ പ​ഞ്ചാ​യ​ത്ത് വ​ർ​ഷ​ങ്ങ​ളാ​യി ഉ​ന്ന​യി​ക്കു​ന്ന ആ​വ​ശ്യ​മാ​ണ്.

ജി​ല്ല ആ​ശു​പ​ത്രി​യി​ൽ കി​ട​ക്ക​ക​ളും ത​സ്തി​ക​യും കൂ​ട്ട​ണം

ആ​ശു​പ​ത്രി ന​ഗ​ര​ത്തി​ൽ 177 കി​ട​ക്ക​ക​ളും 40 ഓ​ളം ഡോ​ക്ട​ർ​മാ​രു​മു​ള്ള പെ​രി​ന്ത​ൽ​മ​ണ്ണ ജി​ല്ല ആ​ശു​പ​ത്രി​യു​ടെ വി​ക​സ​ന​മാ​ണ് മു​ഖ്യം. ഇ​വി​ടെ കി​ട​ക്ക​ക​ളു​ടെ എ​ണ്ണം കൂ​ട്ടി ഡോ​ക്ട​ർ​മാ​രു​ടെ​യും സ്റ്റാ​ഫ് ന​ഴ്സു​മാ​രു​ടെ​യും ത​സ്തി​ക സൃ​ഷ്ടി​ക്ക​ണം. കി​ട​ക്ക​ക​ൾ 250 വ​രെ​യെ​ങ്കി​ലും ആ​ക്കി ഉ​യ​ർ​ത്തി​യാ​ലേ ആ​നു​പാ​തി​ക​മാ​യി ബ​ജ​റ്റ് വി​ഹി​തം ല​ഭി​ക്കൂ.

സ്പെ​ഷ്യാ​ലി​റ്റി ഡോ​ക്ട​ർ​മാ​രു​ടെ​യും കാ​ഷ്വാ​ലി​റ്റി മെ​ഡി​ക്ക​ൽ ഓ​ഫി​സ​ർ​മാ​രു​ടെ​യും വ​ലി​യ കു​റ​വു​ണ്ട്. ഒ​ന്ന​ര വ​ർ​ഷ​മാ​യി സൂ​പ്ര​ണ്ടി​ല്ലാ​ത്ത ജി​ല്ല ആ​ശു​പ​ത്രി​യാ​ണി​ത്. ഉ​ള്ള സൗ​ക​ര്യ​ങ്ങ​ൾ വെ​ച്ച് സേ​വ​നം വ​ർ​ധി​പ്പി​ക്കാ​ൻ പ്രാ​യോ​ഗി​ക ന​ട​പ​ടി സ്വീ​ക​രി​ക്കാ​ൻ മു​ൻ ക​ല​ക്ട​ർ, ചു​മ​ത​ല​യു​ള്ള ഡോ​ക്ട​ർ​റോ​ടും റ​സി​ഡ​ന്റ് മെ​ഡി​ക്ക​ൽ ഓ​ഫി​സ​റോ​ടും നി​ർ​ദേ​ശി​ച്ച​ത് ഇ​പ്പോ​ഴും ഗൗ​നി​ച്ചി​ട്ടി​ല്ല.

മാ​തൃ​ശി​ശു ബ്ലോ​ക്കി​ൽ കേ​ന്ദ്ര പ​ദ്ധ​തി​യി​ൽ അ​നു​വ​ദി​ച്ച സൗ​ക​ര്യ​ങ്ങ​ൾ ജ​ന​ങ്ങ​ൾ​ക്ക് ല​ഭ്യ​മാ​വാ​ൻ ഇ​നി​യും ത​സ്തി​ക വേ​ണം. ഗു​രു​ത​ര​മാ​യ ഒ​രു കാ​ര്യം കി​ഫ്ബി പ​ദ്ധ​തി​യി​ൽ 11.89 കോ​ടി രൂ​പ ഒ.​പി ബ്ലോ​ക്കി​നും കാ​ഷ്വാ​ലി​റ്റി​ക്കും അ​നു​വ​ദി​ച്ച​ത് മൂ​ന്ന​ര വ​ർ​ഷ​മാ​യി​ട്ടും സ​ർ​ക്കാ​ർ ത​ന്നി​ട്ടു​മി​ല്ല, വാ​ങ്ങി​യെ​ടു​ക്കാ​ൻ ജി​ല്ല പ​ഞ്ചാ​യ​ത്ത് ശ്ര​മി​ച്ചി​ട്ടു​മി​ല്ല. ഇ​നി അ​ങ്ങ​നെ​യൊ​രു ഫ​ണ്ട് കി​ട്ടു​മെ​ന്ന് ഉ​റ​പ്പു​മി​ല്ല.

വി​നോ​ദ സൗ​ക​ര്യ​ങ്ങ​ൾ​ക്ക് പ​ദ്ധ​തി വേ​ണം

താ​ഴേ​ക്കോ​ട് പ​ഞ്ചാ​യ​ത്തി​ൽ കൊ​ടി​കു​ത്തി മ​ല കേ​കേ​ന്ദ്രീ​ക​രി​ച്ച് വി​നോ​ദ സ​ഞ്ചാ​ര പ​ദ്ധ​തി​ക​ൾ വേ​ണം. യാ​ത്രാ​സൗ​ക​ര്യ​വും അ​ടി​സ്ഥാ​ന സൗ​ക​ര്യ​വും കൂ​ട്ട​ണം. ടൂ​റി​സം ഡ​സ്റ്റി​നേ​ഷ​ൻ പ​ദ്ധ​തി​യാ​യി ആ​ലി​പ്പ​റ​മ്പി​ൽ നി​ന്ന് നി​ർ​ദേ​ശി​ച്ച​താ​ണ് ആ​ലി​പ്പ​റ​മ്പ് ടി​പ്പു സു​ൽ​ത്താ​ൻ റോ​ഡി​ൽ ടൂ​റി​സം പാ​ർ​ക്ക്. 1.5 കോ​ടി ചെ​ല​വു​വ​രും. ഇ​ത്ര​യേ​റെ പൊ​തു സ്ഥാ​പ​ന​ങ്ങ​ളും തി​ര​ക്കു​മു​ള്ള പെ​രി​ന്ത​ൽ​മ​ണ്ണ ന​ഗ​ര​ത്തി​ൽ വി​നോ​ദ​ത്തി​നോ ഉ​ല്ലാ​സ​ത്തി​നോ ഒ​രു പാ​ർ​ക്കി​ല്ല. 25 വ​ർ​ഷ​മാ​യി ന​ഗ​ര​സ​ഭ​യാ​യി തു​ട​രു​ന്ന​തി​നി​ട​യി​ൽ അ​ത്ത​രം ആ​ലോ​ച​ന പോ​ലും ന​ട​ന്നി​ട്ടി​ല്ല.

ആ​ശു​പ​ത്രി ന​ഗ​ര​ത്തി​ന് ശ്വാ​സം വി​ട​ണം

സൂ​പ്പ​ർ സ്പെ​ഷാ​ലി​റ്റി ആ​ശു​പ​ത്രി​ക​ളു​ടെ ന​ഗ​ര​മാ​യ പെ​രി​ന്ത​ൽ​മ​ണ്ണ​യി​ൽ പു​തി​യ കൂ​ടു​ത​ൽ ഷോ​പ്പി​ങ് മാ​ളു​ക​ൾ ഉ​യ​രു​ന്നു​ണ്ട്. എ​ന്നാ​ൽ ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടു​ന്ന​താ​ണ് പെ​രി​ന്ത​ൽ​മ​ണ്ണ ടൗ​ൺ നേ​രി​ടു​ന്ന മു​ഖ്യ പ്ര​ശ്നം. പെ​രി​ന്ത​ൽ​മ​ണ്ണ​യി​ലെ വ്യാ​പാ​രി​ക​ൾ ഇ​ക്കാ​ര്യം നി​ര​വ​ധി ത​വ​ണ ഉ​ന്ന​യി​ക്കു​ന്ന​താ​ണ്.

പു​തി​യ ബൈ​പ്പാ​സും സ​മീ​പ പ്ര​ദേ​ശ​ങ്ങ​ളി​ൽ​നി​ന്ന് ആ​ളു​ക​ൾ​ക്ക് ന​ഗ​ര​ത്തി​ലെ​ത്തി മ​ട​ങ്ങാ​നു​ള്ള യാ​ത്രാ​സൗ​ക​ര്യ​വു​മാ​ണ് വേ​ണ്ട​ത്. ദേ​ശീ​യ​പാ​ത നി​ശ്ച​ല​മാ​വു​ന്ന​തും ആം​ബു​ല​ൻ​സു​ക​ള​ട​ക്കം കു​ടു​ങ്ങി​ക്കി​ട​ക്കു​ന്ന​തു​മാ​ണ് നി​ത്യ കാ​ഴ്ച​ക​ളി​ലൊ​ന്ന്.

പെ​രി​ന്ത​ൽ​മ​ണ്ണ​യി​ൽ ഇ​ന്ന് ഗ​താ​ഗ​ത നി​യ​ന്ത്ര​ണം

പെ​രി​ന്ത​ൽ​മ​ണ്ണ: ന​വ​കേ​ര​ള സ​ദ​സ്സി​ന്റെ ഭാ​ഗ​മാ​യി പെ​രി​ന്ത​ൽ​മ​ണ്ണ​യി​ൽ ഇ​ന്ന് ഉ​ച്ച​യോ​ടെ ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തും. പ​ട്ടാ​മ്പി ചെ​ർ​പ്പു​ള​ശ്ശേ​രി റോ​ഡ് വ​ഴി വ​രു​ന്ന ബ​സ്സു​ക​ൾ ഉ​ച്ച​ക്ക് ര​ണ്ട് മ​ണി​ക്കു​ശേ​ഷം ജൂ​ബി​ലി റോ​ഡ് വ​ഴി മൂ​സ​ക്കു​ട്ടി സ്റ്റാ​ൻ​ഡി​ലേ​ക്ക് പ്ര​വേ​ശി​ച്ച് അ​തു​വ​ഴി ത​ന്നെ തി​രി​ച്ച് പോ​ക​ണം.

പ​ട്ടി​ക്കാ​ട് ഭാ​ഗ​ത്തുനി​ന്നും വ​രു​ന്ന ബ​സു​ക​ൾ മാ​ന​ത്തുമം​ഗ​ലം ജ​ങ്ഷ​നി​ൽ നി​ന്നും വ​ല​ത്തോ​ട്ട് തി​രി​ഞ്ഞു ആ​യി​ഷ കോം​പ്ല​ക്സ് ജ​ങ്ഷ​ൻ വ​ഴി മൂ​സ​ക്കു​ട്ടി സ്റ്റാ​ൻ​ഡി​ൽ പ്ര​വേ​ശി​ച്ച് അ​തുവ​ഴി ത​ന്നെ തി​രി​ച്ച് പോ​ക​ണ​ണം. ഉ​ച്ച​ക്ക് ര​ണ്ടി​ന് ശേ​ഷം സ​ബ്രീ​ന ജ​ങ്ഷ​ൻ വ​ഴി ബ​സു​ക​ൾ​ക്ക് പ്ര​വേ​ശ​നം ഉ​ണ്ടാ​യി​രി​ക്കി​ല്ല. താ​ഴെ​ക്കോ​ട് ആ​ലി​പ്പ​റ​മ്പ് ഭാ​ഗ​ത്തുനി​ന്ന് വ​രു​ന്ന​വർ ജ​യി​ൽ റോ​ഡ് സ്റ്റോ​പ്പി​ൽ ആ​ളെ ഇ​റ​ക്കി പ​ട്ടാ​മ്പി റോ​ഡി​ൽ ത​യാ​റാ​ക്കി​യ പാ​ർ​ക്കി​ങ് ഏ​രി​യ​യി​ൽ നി​ർ​ത്ത​ണം.

മേ​ലാ​റ്റൂ​ർ, വെ​ട്ട​ത്തൂ​ർ, പ​ട്ടി​ക്കാ​ട് ഭാ​ഗ​ത്ത് നി​ന്നു​വ​രു​ന്ന ചെ​റു​വാ​ഹ​ന​ങ്ങ​ൾ മാ​ന​ത്തുമം​ഗ​ലം ജ​ങ്ഷ​നി​ൽ നി​ന്ന് വ​ല​ത്തോ​ട്ട് തി​രി​ഞ്ഞു ബൈ​പാസ് റോ​ഡി​ൽ നി​ശ്ച​യി​ച്ച പാ​ർ​ക്കി​ങ് ഏ​രി​യ​യി​ൽ നി​ർ​ത്തണം. വ​ലി​യ വാ​ഹ​ന​ങ്ങ​ൾ വൈ​കീ​ട്ട് 4.30 വ​രെ ഊ​ട്ടി റോ​ഡി​ലൂ​ടെ വ​ന്ന് ജ​ങ്ഷ​നി​ൽ വ​ന്ന് ഇ​ട​ത്തോ​ട്ട് തി​രി​ഞ്ഞ് മ​ന​ഴി ബ​സ് സ്റ്റാ​ൻ​ഡി​ലോ പൊ​ന്ന്യാ​കു​ർ​ശ്ശി ബൈ​പാ​സ് റോ​ഡി​ലോ നി​ർ​ത്തണം. 4.30 നു​ശേ​ഷം വ​രു​ന്ന വാ​ഹ​ന​ങ്ങ​ൾ മാ​ന​ത്തുമം​ഗ​ലം ജ​ങ്ഷ​നി​ൽ നി​ന്നു ഇ​ട​ത്തോ​ട്ട് തി​രി​ഞ്ഞു ന​മ്പ്യാ​ർ​പ​ടി ജ​ങ്ഷ​നി​ൽ ആ​ളെ ഇ​റ​ക്കി ബൈ​പാ​സ് റോ​ഡ് സൈ​ഡി​ൽ പാ​ർ​ക്ക് ചെ​യ്യ​ണം.

പ​ട്ടാ​മ്പി, ചെ​ർ​പ്പു​ള​ശ്ശേ​രി ഭാ​ഗ​ത്തുനി​ന്നും വ​രു​ന്ന​വ വൈ​കീ​ട്ട് നാ​ലുവ​രെ ചെ​റു​കാ​ട് ജ​ങ്ഷ​നി​ൽ ആ​ളെ ഇ​റ​ക്കി തി​രി​ച്ച് പി​റ​കി​ൽ പോ​യി പ​ട്ടാ​മ്പി റോ​ഡി​ൽ ത​ന്നെ പാ​ർ​ക്കി​ങ് സ്ഥ​ല​ത്ത് നി​ർ​ത്തി​യി​ട​ണം.