ടാ​ങ്ക​ർ അ​പ​ക​ടം: വി​ന​യാ​യ​ത് പൊ​തു​മ​രാ​മ​ത്ത് അ​നാ​സ്ഥ

പെ​രി​ന്ത​ൽ​മ​ണ്ണ: ഊ​ട്ടി റോ​ഡി​ൽ മു​ണ്ട​ത്ത​പ്പാ​ലം പൊ​ളി​ച്ചു നി​ർ​മി​ക്കു​ന്ന ഭാ​ഗ​ത്ത് ടാ​ങ്ക​ർ ലോ​റി നി​യ​ന്ത്ര​ണം വി​ട്ട് മ​റി​ഞ്ഞ​തി​ന്റെ പ്ര​ധാ​ന കാ​ര​ണം പ്ര​വൃ​ത്തി സ​മ​യ​ത്തി​ന് തീ​ർ​ക്കാ​ത്ത​തും വേ​ണ്ട മു​ന്ന​റി​യി​പ്പ് ബോ​ർ​ഡു​ക​ൾ വെ​ക്കാ​ത്ത​തും. പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​രും കെ.​എ​സ്.​ടി.​പി​യു​മാ​ണ് കു​റ്റ​ക്കാ​രെ​ന്ന് ആ​ക്ഷേ​പ​മു​യ​ർ​ന്നി​ട്ടു​ണ്ട്. സം​സ്ഥാ​ന പ​ത​യി​ൽ മേ​ലാ​റ്റൂ​ർ മു​ത​ൽ പു​ലാ​മ​ന്തോ​ൾ വ​രെ 30 കി​ലോ​മീ​റ്റ​ർ ഭാ​ഗം 140 കോ​ടി എ​സ്റ്റി​മേ​റ്റി​ട്ട് പൂ​ർ​ത്തി​യാ​ക്കാ​ൻ ക​രാ​ർ ക​മ്പ​നി​ക്ക് സ​മ​യം നീ​ട്ടി ന​ൽ​കി​യി​രി​ക്കു​ക​യാ​ണ്. പ​ണി പൂ​ർ​ത്തി​യാ​ക്കി​യി​ല്ലെ​ങ്കി​ൽ അ​തി​നെ​തി​രെ എ​ടു​ക്കേ​ണ്ട ന​ട​പ​ടി​ക​ളി​ലേ​ക്കൊ​ന്നും ക​ട​ന്ന​തു​മി​ല്ല.

മാ​ർ​ച്ച് 18നാ​ണ് ഊ​ട്ടി റോ​ഡി​ലെ മു​ണ്ട​ത്ത​പ്പാ​ലം പൊ​ളി​ച്ച​ത്. 2020 സെ​പ്റ്റം​ബ​റി​ൽ മു​ഖ്യ​മ​ന്ത്രി ഉ​ദ്ഘാ​ട​നം ചെ​യ്ത റോ​ഡ് പ്ര​വൃ​ത്തി 2022 മാ​ർ​ച്ചി​ൽ പൂ​ർ​ത്തി​യാ​വേ​ണ്ട​താ​യി​രു​ന്നു. എ​ന്നാ​ൽ, ഇ​പ്പോ​ഴും 52 ശ​ത​മാ​നം മാ​ത്ര​മാ​ണ് ക​ഴി​ഞ്ഞ​ത്. 2023 ഡി​സം​ബ​ർ 31 വ​രെ ക​രാ​ർ കാ​ലാ​വ​ധി മ​രാ​മ​ത്ത് വ​കു​പ്പ് നീ​ട്ടി ന​ൽ​കു​ക​യും ചെ​യ്തി​ട്ടു​ണ്ട്.

ആ​ഗ​സ്റ്റ് 20ന് ​സ​മാ​ന രീ​തി​യി​ൽ അ​ങ്ങാ​ടി​പ്പു​റം പ​രി​യാ​പു​ര​ത്ത് ഡീ​സ​ൽ ടാ​ങ്ക​ർ മ​റി​ഞ്ഞ് 20,000 ലി​റ്റ​ർ ഇ​ന്ധ​നം പൂ​ർ​ണ​മാ​യി ചോ​ർ​ന്നി​രു​ന്നു. ഇ​ന്ധ​നം കി​ണ​റു​ക​ളി​ൽ ക​ല​ർ​ന്ന് ക​ത്തി​യി​രു​ന്നു. ഈ ​ഭാ​ഗ​ത്തെ കു​ടും​ബ​ങ്ങ​ൾ ദു​രി​ത​ത്തി​ലാ​ണ്. അ​പ​ക​ടാ​വ​സ്ഥ​യി​ലാ​യ പ​രി​യാ​പു​രം റോ​ഡി​ൽ വേ​ണ്ട മു​ന്ന​റി​യി​പ്പ് ബോ​ർ​ഡു​ക​ൾ ഇ​ല്ലാ​ത്ത​തും റോ​ഡി​ന് സം​ര​ക്ഷ​ണ ഭി​ത്തി​യി​ല്ലാ​ത്ത​തു​മാ​യി​രു​ന്നു അ​പ​ക​ട കാ​ര​ണം.

പൊ​തു​മ​രാ​മ​ത്ത് വ​കു​പ്പ് ചൊ​വ്വാ​ഴ്ച​യാ​ണ് ഈ ​ഭാ​ഗ​ത്ത് സൂ​ച​ന ബോ​ർ​ഡ് വെ​ച്ച​ത്.