കു​ന്ന​പ്പ​ള്ളി ആ​ലും​കൂ​ട്ടത്തിൽ റോ​ഡി​ലെ വെ​ള്ള​ക്കെ​ട്ടി​ന് താൽക്കാലിക പ​രി​ഹാ​രം

പെ​രി​ന്ത​ല്‍മ​ണ്ണ: അ​ശാ​സ്ത്രീ​യ റോ​ഡ് നി​ർ​മാ​ണ​ത്തി​ൽ നാ​ട്ടു​കാ​ർ​ക്കും യാ​ത്ര​ക്കാ​ർ​ക്കും ദു​രി​ത​മാ​യി മാ​റി​യെ കു​ന്ന​പ്പ​ള്ളി ആ​ലും​കൂ​ട്ട​ത്തി​ല്‍ രൂ​പ​പ്പെ​ട്ട വെ​ള്ള​ക്കെ​ട്ടി​ന് താ​ൽ​ക്കാ​ലി​ക പ​രി​ഹാ​രം. ഇ​വി​ടെ​യു​ള്ള ക​ല്‍വ​ൾ​ട്ട് മ​ണ്ണും ച​ളി​യും നി​റ​ഞ്ഞ് അ​ട​ഞ്ഞാ​ണ് വെ​ള്ള​ക്കെ​ട്ട് രൂ​പ​പ്പെ​ട്ട​ത്. മ​ഴ ക​ന​ത്ത​തോ​ടെ റോ​ഡി​ല്‍ വെ​ള്ളം കെ​ട്ടി​ക്കി​ട​ക്കു​ക​യും വാ​ഹ​ന​ഗ​താ​ഗ​ത​ത്തി​ന് ബു​ദ്ധി​മു​ട്ടാ​വു​ക​യും ചെ​യ്തു. സ​മീ​പ​ത്തെ വീ​ട്ടു​മു​റ്റ​ത്തേ​ക്കും വെ​ള്ളം ക​യ​റി. പ​രാ​തി​ക​ളു​യ​ർ​ന്ന​തോ​ടെ ന​ജീ​ബ് കാ​ന്ത​പു​രം എം.​എ​ൽ.​എ നി​ർ​ദേ​ശി​ച്ച​ത് പ്ര​കാ​രം വ്യാ​ഴാ​ഴ്ച കെ.​എ​സ്.​ടി.​പി അ​സി. എ​ൻ​ജി​നീ​യ​ർ സ്ഥ​ലം സ​ന്ദ​ർ​ശി​ച്ച് വെ​ള്ള​ക്കെ​ട്ട് നീ​ക്കാ​ൻ സാ​ധ്യ​ത നോ​ക്കി. ജ​ല്‍ ജീ​വ​ന്‍ മി​ഷ​ന്‍ പ​ദ്ധ​തി​ക്കാ​യി സ്ഥാ​പി​ച്ച വ​ലി​യ പൈ​പ്പും ജ​ല ഒ​ഴു​ക്കി​ന് ത​ട​സ്സം സൃ​ഷ്ടി​ച്ചി​രു​ന്നു. വെ​ള്ളി​യാ​ഴ്ച ജെ.​സി.​ബി ഉ​പ​യോ​ഗി​ച്ച് ഓ​വു​ചാ​ലി​ല്‍ അ​ട​ഞ്ഞ മ​ണ്ണു​നീ​ക്കം ചെ​യ്യു​ക​യും പ​ഴ​യ ഓ​വു​പൈ​പ്പു​ക​ള്‍ പൊ​ട്ടി​ക്കു​ക​യും ചെ​യ്താ​ണ് പ്ര​ശ്‌​ന​പ​രി​ഹാ​ര​മു​ണ്ടാ​ക്കി​യ​ത്.

ന​ജീ​ബ് കാ​ന്ത​പു​രം എം.​എ​ല്‍.​എ​യും ഉ​ദ്യോ​ഗ​സ്ഥ​രും വെ​ള്ളി​യാ​ഴ്ച സ്ഥ​ലം സ​ന്ദ​ർ​ശി​ച്ച് വെ​ള്ള​ക്കെ​ട്ട് പൂ​ർ​ണ​മാ​യും നീ​ക്കാ​ൻ ന​ട​പ​ടി കൈ​ക്കൊ​ണ്ടു. കെ.​എ​സ്.​ടി.​പി, ജ​ല വ​കു​പ്പ് ഉ​ദ്യോ​ഗ​സ്ഥ​ര്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് വെ​ള്ള​ക്കെ​ട്ട് നീ​ക്കി​യ​ത്.