മാല മോഷണക്കേസിലെ രണ്ടുപേർ കൂടി അറസ്റ്റിൽ
text_fieldsപെരുമ്പടപ്പ്: അന്തർജില്ല മാല മോഷണക്കേസിലെ രണ്ടുപേരെ കൂടി പെരുമ്പടപ്പ് പൊലീസ് അറസ്റ്റ് ചെയ്തു. മുഖ്യപ്രതികളായ രണ്ടുപേർ നേരത്തേ പിടിയിലായിരുന്നു.
പ്രതികളുടെ സഹായികളെയാണ് അറസ്റ്റ് ചെയ്തത്. മലപ്പുറം, പാലക്കാട്, തൃശൂർ, ആലപ്പുഴ ജില്ലകളിലായി നാൽപതോളം മാല മോഷണക്കേസിലെ പ്രതികളായ ആലപ്പുഴ കുട്ടനാട് കാവാലം സ്വദേശി ചെങ്കൽത്തിൽ വീട്ടിൽ ദീപക് (49), ചങ്ങനാശ്ശേരി വാഴപ്പള്ളി സ്വദേശി രാജ് ഭവനിൽ ബൈജു (49) എന്നിവരാണ് അറസ്റ്റിലായത്. ആലപ്പുഴ ഹരിപ്പാട് മണ്ണാറശാല സ്വദേശി തറയിൽ ഉണ്ണികൃഷ്ണൻ (31), കൊല്ലം അഞ്ചാലുംമൂട് പെരുനാട് സ്വദേശി കൊച്ചുഴിയത്ത് പാണയിൽ വീട്ടിൽ ശശി (43) എന്നിവരാണ് നേരേത്ത പിടിയിലായവർ. മോഷ്ടിച്ച ശേഷം വിൽക്കാനായി മാല ഏൽപിച്ചിരുന്നത് ദീപക്കിനെയും ബൈജുവിനെയുമായിരുന്നു. ഇരുവരും വിവിധയിടങ്ങളിലായി വിൽക്കുകയും പണം മോഷ്ടാക്കളെ ഏൽപിക്കുകയുമായിരുന്നു. പെരുമ്പടപ്പ് സി.ഐ വി.എം. കേഴ്സൺ മാർക്കോസ്, പൊന്നാനി എസ്.ഐ രതീഷ് ഗോപി എന്നിവരുടെ നേതൃത്വത്തിലാണ് പ്രതികളെ അറസ്റ്റ് ചെയ്തത്. ഇരുവരെയും റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.