പു​തി​യി​രു​ത്തി​യി​ലെ വെ​ള്ള​ക്കെ​ട്ടി​ന് പ​രി​ഹാ​ര​മി​ല്ല; ര​ണ്ടാം ദി​ന​വും പ​ഞ്ചാ​യ​ത്ത് സെ​ക്ര​ട്ട​റി​യെ ഉ​പ​രോ​ധി​ച്ച് നാ​ട്ടു​കാ​ർ

പെ​രു​മ്പ​ട​പ്പ്: പാ​ല​പ്പെ​ട്ടി ഒ​ന്നാം വാ​ർ​ഡ് പു​തി​യി​രു​ത്തി​യി​ലെ വെ​ള്ള​ക്കെ​ട്ടി​ന് പ​രി​ഹാ​രം കാ​ണു​മെ​ന്ന് ഉ​റ​പ്പ് ന​ൽ​കി​യി​ട്ടും വെ​ള്ള​ക്കെ​ട്ട് ഒ​ഴി​വാ​ക്കു​ന്ന ന​ട​പ​ടി​ക​ൾ യ​ഥാ​സ​മ​യം ന​ട​ക്കാ​ത്ത​തി​നെ​ത്തു​ട​ർ​ന്ന് തു​ട​ർ​ച്ച​യാ​യി ര​ണ്ടാം ദി​ന​വും നാ​ട്ടു​കാ​ർ പ​ഞ്ചാ​യ​ത്ത് സെ​ക്ര​ട്ട​റി​യെ ഉ​പ​രോ​ധി​ച്ചു.

വെ​ള്ള​ക്കെ​ട്ട് ദു​രി​ത ബാ​ധി​ത​രാ​യ പ്ര​ദേ​ശ​വാ​സി​ക​ളും കോ​ൺ​ഗ്ര​സ് പ്ര​വ​ർ​ത്ത​ക​രും ചേ​ർ​ന്നാ​ണ് പെ​രു​മ്പ​ട​പ്പ് പ​ഞ്ചാ​യ​ത്ത് സെ​ക്ര​ട്ട​റി ടി.​എം. അ​മ്പി​ളി​യെ ഉ​പ​രോ​ധി​ച്ച​ത്.

പ്ര​ശ്ന പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് വെ​ള്ളി​യാ​ഴ്ച അ​ഞ്ച് മ​ണി​ക്കൂ​ർ ഉ​പ​രോ​ധി​ച്ചി​രു​ന്നു. ശ​നി​യാ​ഴ്ച ത​ന്നെ വെ​ള്ള​ക്കെ​ട്ട് ഒ​ഴി​വാ​ക്കാ​ൻ ന​ട​പ​ടി​ക​ൾ സ്വീ​ക​രി​ക്കു​മെ​ന്ന ഉ​റ​പ്പ് ലം​ഘി​ച്ച​തോ​ടെ​യാ​ണ് നാ​ട്ടു​കാ​ർ വീ​ണ്ടും ഉ​പ​രോ​ധ​വു​മാ​യി രം​ഗ​ത്തെ​ത്തി​യ​ത്. തു​ട​ർ​ന്ന് ഞാ​യ​റാ​ഴ്ച പ​രി​ഹാ​രം കാ​ണു​മെ​ന്ന ഉ​റ​പ്പി​ലാ​ണ് പ്ര​തി​ഷേ​ധം അ​വ​സാ​നി​പ്പി​ച്ച​ത്.

പ​ഞ്ചാ​യ​ത്തി​ലെ പു​തി​യി​രു​ത്തി​യി​ലെ 50 വീ​ടു​ക​ൾ​ക്ക് ചു​റ്റും മ​ഴ പെ​യ്ത​തി​നെ തു​ട​ർ​ന്ന് വെ​ള്ള​ക്കെ​ട്ട് തു​ട​രു​ക​യാ​ണ്. പ​ഞ്ചാ​യ​ത്ത് സെ​ക്ര​ട്ട​റി​യു​ടെ​യും പൊ​ന്നാ​നി ത​ഹ​സി​ൽ​ദാ​റു​ടെ​യും ക​ത്ത് പ്ര​കാ​രം ജി​ല്ല ഭ​ര​ണ​കൂ​ടം വെ​ള്ള​ക്കെ​ട്ട് വേ​ഗ​ത്തി​ൽ ഒ​ഴി​വാ​ക്കാ​ൻ സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി​യി​രു​ന്നു. ശ​നി​യാ​ഴ്ച ന​ട​ന്ന ഭ​ര​ണ​സ​മി​തി യോ​ഗ​ത്തി​ൽ വെ​ള്ള​ക്കെ​ട്ട് ഒ​ഴി​വാ​ക്കാ​നു​ള്ള തീ​രു​മാ​ന​മെ​ടു​ത്തു. മ​ണ്ണു​മാ​ന്തി ഉ​പ​യോ​ഗി​ച്ച് താ​ൽ​ക്കാ​ലി​ക​മാ​യി വെ​ള്ളം ഒ​ഴു​ക്കി​വി​ടാ​നാ​ണ് തീ​രു​മാ​നം.