പൊന്നാനി മാതൃ-ശിശു ആശുപത്രിയിൽ രക്തം മാറ്റിക്കയറ്റിയ സംഭവം; ജീവനക്കാർക്കെതിരെ കർശന നടപടി

പൊ​ന്നാ​നി: മാ​തൃ-​ശി​ശു ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ഗ​ർ​ഭി​ണി​ക്ക് ഗ്രൂ​പ്പ് മാ​റി ര​ക്തം ന​ൽ​കാ​നി​ട​യാ​യ സം​ഭ​വ​ത്തി​ൽ നി​രു​ത്ത​ര​വാ​ദ​പ​ര​മാ​യി, കൃ​ത്യ​വി​ലോ​പം കാ​ണി​ച്ച ജീ​വ​ന​ക്കാ​ർ​ക്കെ​തി​രെ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കു​വാ​ൻ ന​ഗ​ര​സ​ഭ ചെ​യ​ർ​മാ​ൻ ജി​ല്ല മെ​ഡി​ക്ക​ൽ ഓ​ഫി​സ​റോ​ട് ആ​വ​ശ്യ​പ്പെട്ടു.

ഇ​ക്കാ​ര്യ​ത്തി​ൽ സം​ഭ​വം അ​റി​ഞ്ഞ​യു​ട​ൻ വ​സ്തു​ത​ക​ൾ അ​ന്വേ​ഷി​ക്കു​ന്ന​തി​നും കു​റ്റ​ക്കാ​രെ ക​ണ്ടെ​ത്തി ന​ട​പ​ടി​ക​ൾ സ്വീ​ക​രി​ക്കാ​നും ചെ​യ​ർ​മാ​ൻ ആ​ശു​പ​ത്രി സൂ​പ്ര​ണ്ടി​ന് നി​ർ​ദ്ദേ​ശം ന​ൽ​കി​യി​രു​ന്നു. ആ​ശു​പ​ത്രി​യി​ലെ​ത്തി വി​ശ​ദാം​ശ​ങ്ങ​ൾ ആ​രാ​യു​ക​യും ന​ട​പ​ടി​ക്ക് ശു​പാ​ർ​ശ ചെ​യ്യു​ക​യു​മാ​യി​രു​ന്നു. ജി​ല്ല മെ​ഡി​ക്ക​ൽ ഓ​ഫി​സ​ർ ഇ​ന്ന് ആ​ശു​പ​തി സ​ന്ദ​ർ​ശി​ച്ച് കു​റ്റ​ക്കാ​ർ​ക്കെ​തി​രെ ന​ട​പ​ടി​ക​ൾ സം​ബ​ന്ധി​ച്ച ഉ​ത്ത​ര​വു ന​ൽ​കും. സം​ഭ​വ​ത്തി​ൽ നി​ർ​ണാ​യ​ക​മാ​യ​ത് യു.​ഡി.​എ​ഫ് കൗ​ൺ​സി​ല​ർ​മാ​രു​ടെ ഇ​ട​പെ​ട​ൽ.

സം​ഭ​വം മൂ​ടി​വെ​ക്കാ​നു​ള്ള ശ്ര​മം ആ​ശു​പ​ത്രി​യു​ടെ ഭാ​ഗ​ത്തു​നി​ന്ന് ഉ​ണ്ടാ​യെ​ങ്കി​ലും വെ​ള്ളി​യാ​ഴ്ച രാ​വി​ലെ വി​ഷ​യം ശ്ര​ദ്ധ​യി​ൽ​പെ​ട്ട​തോ​ടെ അ​ടി​യ​ന്തി​ര ന​ട​പ​ടി ആ​വ​ശ്യ​പ്പെ​ട്ട് ഇ​വ​ർ രം​ഗ​ത്തെ​ത്തി. ആ​ശു​പ​ത്രി സൂ​പ്ര​ണ്ടി​നെ ഉ​പ​രോ​ധി​ച്ചു. കു​റ്റ​ക്കാ​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ടാ​ണ് ഉ​പ​രോ​ധം ന​ട​ത്തി​യ​ത്. നാ​ല് മ​ണി​ക്കൂ​ർ നീ​ണ്ട സ​മ​രം ജി​ല്ല മെ​ഡി​ക്ക​ൽ ഓ​ഫി​സ​റു​ടെ ഉ​റ​പ്പി​നെ തു​ട​ർ​ന്ന് അ​വ​സാ​നി​പ്പി​ച്ചു. സ​മ​ര​ത്തി​ന് പ്ര​തി​പ​ക്ഷ നേ​താ​വ് ഫ​ർ​ഹാ​ൻ ബി​യ്യം, കൗ​ൺ​സി​ല​ർ​മാ​രാ​യ മി​നി ജ​യ​പ്ര​കാ​ശ്, കെ.​എം. ഇ​സ്മാ​യീ​ൽ, ശ്രീ​ക​ല ച​ന്ദ്ര​ൻ, അ​ബ്‌​ദു​ൽ റാ​ഷി​ദ് നാ​ല​ക​ത്ത്, എം.​പി. ഷ​ബീ​റാ​ബി, പ്രി​യ​ങ്ക വേ​ലാ​യു​ധ​ൻ എ​ന്നി​വ​ർ നേ​തൃ​ത്വം ന​ൽ​കി.