പൊന്നാനി കടൽഭിത്തി നിർമാണം; ടെൻഡർ അനുമതിക്കായി സർക്കാറിന് മുന്നിൽ

പൊ​ന്നാ​നി: പൊ​ന്നാ​നി താ​ലൂ​ക്കി​ലെ ക​ട​ലാ​ക്ര​മ​ണ​ത്തി​ന് ത​ട​യി​ടാ​ൻ അ​നു​വ​ദി​ച്ച 10 കോ​ടി രൂ​പ​യു​ടെ ക​ട​ൽ​ഭി​ത്തി നി​ർ​മാ​ണ​ത്തി​നു​ള്ള ടെ​ൻ​ഡ​ർ അ​നു​മ​തി​ക്കാ​യി സ​ർ​ക്കാ​റി​ന് മു​ന്നി​ൽ.

ടെ​ൻ​ഡ​റി​ൽ പ​ങ്കെ​ടു​ത്ത ക​മ്പ​നി 25 ശ​ത​മാ​നം അ​ധി​കം ആ​വ​ശ്യ​പ്പെ​ട്ട​തോ​ടെ​യാ​ണ് സ​ർ​ക്കാ​ർ അ​നു​മ​തി​ക്കാ​യി സ​മ​ർ​പ്പി​ച്ചി​രി​ക്കു​ന്ന​ത്. സ​ർ​ക്കാ​ർ അ​നു​മ​തി ല​ഭി​ക്കു​ന്ന മു​റ​ക്ക് മാ​ത്ര​മേ ടെ​ൻ​ഡ​ർ അം​ഗീ​ക​രി​ച്ച് നി​ർ​മാ​ണം ആ​രം​ഭി​ക്കു​ക​യു​ള്ളൂ. അ​തേ​സ​മ​യം ശ​ക്ത​മാ​യ ക​ട​ലാ​ക്ര​മ​ണ മേ​ഖ​ല​ക​ളി​ലേ​ക്ക് അ​നു​വ​ദി​ച്ച തു​ക ഉ​പ​യോ​ഗി​ച്ചു​ള്ള അ​ടി​യ​ന്ത​ര ഭി​ത്തി നി​ർ​മാ​ണം പു​രോ​ഗ​മി​ക്കു​ക​യാ​ണ്. പൊ​ന്നാ​നി എം.​ഇ.​എ​സ് കോ​ള​ജി​ന് പി​ൻ​വ​ശ​ത്ത് ഏ​റെ നാ​ശ​ന​ഷ്ടം സം​ഭ​വി​ച്ച ഇ​ട​ങ്ങ​ളി​ൽ 218 മീ​റ്റ​ർ നീ​ള​ത്തി​ലു​ള്ള ക​രി​ങ്ക​ൽ ഭി​ത്തി നി​ർ​മാ​ണം പു​രോ​ഗ​മി​ക്കു​ക​യാ​ണ്. കൂ​ടാ​തെ 134 മീ​റ്റ​ർ ഭാ​ഗ​ത്തെ ജി​യോ​ബാ​ഗ് നി​ർ​മാ​ണ​വും അ​ന്തി​മ​ഘ​ട്ട​ത്തി​ലാ​ണ്.

65 ല​ക്ഷം രൂ​പ ചെ​ല​വി​ലാ​ണ് താ​ൽ​ക്കാ​ലി​ക ക​ട​ൽ​ഭി​ത്തി നി​ർ​മി​ക്കു​ന്ന​ത്. 16 ല​ക്ഷം രൂ​പ വി​നി​യോ​ഗി​ച്ചാ​ണ് ജി​യോ​ബാ​ഗും ഇ​ടു​ന്ന​ത്. കൂ​ടാ​തെ പാ​ല​പ്പെ​ട്ടി അ​ജ്മീ​ർ ന​ഗ​റി​ൽ 84 മീ​റ്റ​ർ നീ​ള​ത്തി​ൽ 10 ല​ക്ഷം രൂ​പ ചെ​ല​വി​ൽ ജി​യോ​ബാ​ഗ് നി​ർ​മി​ക്കാ​നും തീ​രു​മാ​ന​മാ​യി