ദേ​ശീ​യ​പാ​ത വി​ക​സ​നം; പു​തു​പൊ​ന്നാ​നി​യി​ൽ അ​ടി​പ്പാ​ത പ​രി​ഗ​ണി​ക്ക​ണ​മെ​ന്ന് ഹൈ​കോ​ട​തി

പൊ​ന്നാ​നി: ദേ​ശീ​യ​പാ​ത വി​ക​സ​ന​ത്തി​ൽ പു​തു​പൊ​ന്നാ​നി മേ​ഖ​ല​യി​ൽ അ​ടി​പ്പാ​ത നി​ർ​മ്മി​ക്കു​ന്ന​ത് സം​ബ​ന്ധി​ച്ച് അ​നു​ഭാ​വ പൂ​ർ​ണ പ​രി​ഗ​ണ​ന​യു​ണ്ടാ​ക​ണ​മെ​ന്ന് ദേ​ശീ​യപാ​ത അ​തോ​റി​റ്റി​യോ​ട് ഹൈ​കോ​ട​തി. അ​ടി​പ്പാ​ത ആ​വ​ശ്യ​പ്പെ​ട്ട് ന​ൽ​കി​യ ഹ​ര​ജി​യി​ലാ​ണ് ഹൈ​കോ​ട​തി നി​ർ​ദേ​ശം. അ​ടി​പ്പാ​ത അ​നു​വ​ദി​ച്ചി​ല്ലെ​ങ്കി​ൽ പൊ​തു​ജ​ന​ങ്ങ​ൾ​ക്കു​ണ്ടാ​കു​ന്ന പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി എം.​ഐ അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി എ.​എം. അ​ബ്ദു സ​മ​ദ്, വി.​പി. അ​ബ്ദു​ൽ മ​ജീ​ദ് എ​ന്നി​വ​രാ​ണ് കോ​ട​തി​യെ സ​മീ​പി​ച്ച​ത്. ജ​ന​ങ്ങ​ൾ​ക്കു​ണ്ടാ​കു​ന്ന പ്ര​യാ​സ​ങ്ങ​ളി​ൽ അ​നു​ഭാ​വ പൂ​ർ​ണ പ​രി​ഗ​ണ​ന​യു​ണ്ടാ​ക​ണ​മെ​ന്ന് ദേ​ശീ​യ പാ​ത അ​തോ​റി​റ്റി​യോ​ട് നി​ർ​ദേ​ശി​ച്ച് കോ​ട​തി ഹ​ര​ജി തീ​ർ​പ്പാ​ക്കി. ഹ​ര​ജി​ക്കാ​ർ​ക്കുവേ​ണ്ടി അ​ഡ്വ. രാ​ജേ​ഷ് നാ​രാ​യ​ണ​ൻ, കെ.പി. അ​ബ്ദു​ൽ ജ​ബ്ബാ​ർ എ​ന്നി​വ​ർ ഹാ​ജ​രാ​യി.

അ​ടി​പ്പാ​ത നി​ർ​മി​ക്കാ​ത്ത​ത് പു​തു​പൊ​ന്നാ​നി, ക​ട​വ​നാ​ട് മേ​ഖ​ല​യി​ലെ 25000ത്തി​ലേ​റെ വ​രു​ന്ന താ​മ​സ​ക്കാ​രേ​യും, അ​ഞ്ച് വി​ദ്യാ​ല​യ​ങ്ങ​ളി​ലെ വി​ദ്യാ​ർ​ഥി​ക​ളെ​യും നേ​രി​ട്ട് ബാ​ധി​ക്കു​മെ​ന്ന​ത് ചൂ​ണ്ടി​കാ​ട്ടി​യാ​ണ് ഹ​ര​ജി​ക്കാ​ർ ഹൈ​കോ​ട​തി​യെ സ​മീ​പി​ച്ച​ത്. നി​ല​വി​ലെ അ​ലൈ​ൻ​മെ​ന്റ് പ്ര​കാ​രം ദേ​ശീ​യ പാ​ത​യി​ലെ ആ​ന​പ്പ​ടി​ക്കും വെ​ളി​യ​ങ്കോ​ടി​നു​മി​ട​യി​ൽ 4.3 കി​ലോ​മീ​റ്റ​ർ ഭാ​ഗ​ത്ത് അ​ണ്ട​ർ പാ​സു​ക​ളി​ല്ലാ​ത്ത​തി​നാ​ൽ ഈ ​മേ​ഖ​ല​യി​ലു​ള്ള​വ​ർ​ക്ക് റോ​ഡ് മു​റി​ച്ചു ക​ട​ക്കാ​ൻ ദീ​ർ​ഘദൂ​രം സ​ഞ്ച​രി​ക്കേ​ണ്ട സ്ഥി​തി​യാ​ണ്. പു​തു​പൊ​ന്നാ​നി എം.ഐ ഗേ​ൾ​സ് ഹ​യ​ർ സെ​ക്ക​ൻഡറി സ്കൂ​ൾ, ബി.​എ​ഡ് കോ​ള​ജ്, അ​റ​ബി​ക് കോ​ള​ജ്, എ.​യു.​പി സ്കൂൾ, ജി.​എ​ഫ്.​യു.​പി സ്കൂൾ, ക​ട​വ​നാ​ട് ജി.​എ​ഫ്.​എ​ൽ.​പി സ്കൂ​ൾ, പു​തു​പൊ​ന്നാ​നി ജി.​എ​ഫ്. എ​ൽ.​പി സ്കൂ​ൾ തു​ട​ങ്ങി​യ​വ ഈ ​മേ​ഖ​ല​യി​ലാ​ണ്. ദി​നേ​ന ആ​റാ​യി​ര​ത്തോ​ളം കു​ട്ടി​ക​ളാ​ണ് ഇ​വി​ടെ വ​ന്നു​പോ​കു​ന്ന​ത്. നി​ല​വി​ലെ അ​വ​സ്ഥ​യി​ൽ കു​ട്ടി​ക​ൾ​ക്ക് സ്കൂ​ളി​ലെ​ത്താ​നും തി​രി​ച്ചു പോ​കാ​നും റോ​ഡ് മു​റി​ച്ചു ക​ട​ക്ക​ൽ ദു​ഷ്ക​ര​മാ​യി​രി​ക്കും.

മൂ​ന്ന് ക്ഷേ​ത്ര​ങ്ങ​ളും അ​ഞ്ച് പ​ള്ളി​ക​ളും തീ​ർ​ഥാ​ട​ന കേ​ന്ദ്ര​മാ​യ പു​തു​പൊ​ന്നാ​നി മു​ന​മ്പ​ത്ത് ബീ​വി ജാ​റ​വും ഈ ​മേ​ഖ​ല​യി​ലാ​ണ്. മൃ​ത​ദേ​ഹ​ങ്ങ​ൾ ഖ​ബ​റ​ട​ക്കാ​ൻ കൊ​ണ്ടു​വ​രാ​നും പ്ര​യാ​സ​പ്പെ​ടും. പു​തു​പൊ​ന്നാ​നി പാ​ല​ത്തി​നും ആ​ന​പ്പ​ടി​ക്കു​മി​ട​യി​ൽ അ​ണ്ട​ർ പാ​സ് വ​രു​ന്ന​തോ​ടെ യാ​ത്രാ സൗ​ക​ര്യ​മാ​കു​മെ​ന്ന് നി​യ​മ പോ​രാ​ട്ട​ത്തി​നാ​യി രൂ​പ​വ​ത്ക​രി​ച്ച ജ​ന​കീ​യ സ​മി​തി ചൂ​ണ്ടി​കാ​ണി​ക്കു​ന്നു. നേ​ര​ത്തേ മെ​ട്രോ​മാ​ൻ ഇ. ​ശ്രീ​ധ​ര​ൻ വി​ഷ​യ​ത്തി​ൽ ഇ​ട​പെ​ടു​ക​യും കേ​ന്ദ്ര​മ​ന്ത്രി നി​തി​ൻ ഗ​ഡ്ക​രി​ക്ക് ക​ത്ത​യ​ക്കു​ക​യും ചെ​യ്തി​രു​ന്നു. എ​ന്നാ​ൽ, അ​നു​കൂ​ല മ​റു​പ​ടി​യ​ല്ല ല​ഭി​ച്ച​ത്. ഇ​തേ​തു​ട​ർ​ന്നാ​ണ് കോ​ട​തി​യെ സ​മീ​പി​ക്കാ​ൻ തീ​രു​മാ​നി​ച്ച​ത്.

അ​നു​കൂ​ല ന​ട​പ​ടി​യി​ല്ലാ​ത്ത പ​ക്ഷം നി​യ​മ പോ​രാ​ട്ട​വു​മാ​യി മു​ന്നോ​ട്ടുപോ​കു​മെ​ന്നും ജ​ന​കീ​യ സ​മി​തി അ​റി​യി​ച്ചു. വാ​ർ​ത്തസ​മ്മേ​ള​ന​ത്തി​ൽ കെ.​പി. അ​ബ്ദു​ൽ ജ​ബ്ബാ​ർ, എ.​എം. അ​ബ്ദു​സ​മ​ദ്, സു​നി​ൽ​കു​മാ​ർ എ​ന്നി​വ​ർ പ​ങ്കെ​ടു​ത്തു