ക​ട​ലി​ൽ കാ​ണാ​താ​യ​വ​ർ​ക്കു​ വേണ്ടിയുള്ള തി​ര​ച്ചി​ൽ; ര​ക്ഷാ​പ്ര​വ​ർ​ത്ത​നം പു​ന​രാ​രം​ഭി​ച്ചു, തി​ര​ച്ചി​ൽ ന​ട​ത്തു​ന്ന ബോ​ട്ടു​ക​ളെ കോ​സ്​​റ്റ്​ ഗാ​ർ​ഡ് നി​രീ​ക്ഷി​ക്കും

പൊ​ന്നാ​നി: ക​ട​ലി​ൽ കാ​ണാ​താ​യ​വ​രെ ക​ണ്ടെ​ത്താ​നു​ള്ള തി​ര​ച്ചി​ലി​നാ​യി 15 മ​ത്സ്യ​ബ​ന്ധ​ന ബോ​ട്ടു​ക​ൾ​ക്ക് അ​ടി​യ​ന്ത​ര അ​നു​മ​തി ന​ൽ​കി. തി​ര​ച്ചി​ൽ ഊ​ർ​ജി​ത​മാ​ക്കാ​ൻ തി​രൂ​ർ ആ​ർ.​ഡി.​ഒ​യു​ടെ നേ​തൃ​ത്വ​ത്തി​ൽ ചേ​ർ​ന്ന യോ​ഗ​ത്തി​ലാ​ണ് തീ​രു​മാ​ന​മാ​യ​ത്. മ​ത്സ്യ​ബ​ന്ധ​ന ബോ​ട്ടു​ക​ളു​ടെ നേ​തൃ​ത്വ​ത്തി​ൽ ര​ക്ഷാ​പ്ര​വ​ർ​ത്ത​നം പു​ന​രാ​രം​ഭി​ച്ചു.

പൊ​ന്നാ​നി സ്വ​ദേ​ശി​ക​ളാ​യ മൂ​ന്ന് പേ​രെ മ​ത്സ്യ​ബ​ന്ധ​ന​ത്തി​നി​ടെ ക​ട​ലി​ലി​ൽ കാ​ണാ​താ​യി​ട്ട് അ​ഞ്ച് ദി​വ​സം പി​ന്നി​ട്ടി​ട്ടും തി​ര​ച്ചി​ൽ നി​ഷ്ക്രി​യ​മാ​ണെ​ന്ന പ​രാ​തി വ്യാ​പ​ക​മാ​യ​തി​നെ​ത്തു​ട​ർ​ന്നാ​ണ് പ്ര​തി​കൂ​ല കാ​ലാ​വ​സ്ഥ​യി​ലും ര​ക്ഷാ​ദൗ​ത്യ​ത്തി​ന് മ​ത്സ്യ​ബ​ന്ധ​ന ബോ​ട്ടു​ക​ൾ​ക്ക് അ​നു​മ​തി ന​ൽ​കി​യ​ത്. തി​ര​ഞ്ഞെ​ടു​ത്ത 15 ബോ​ട്ടു​ക​ൾ മാ​ത്ര​മാ​ണ് തി​ര​ച്ചി​ലി​നാ​യി ക​ട​ലി​ലി​റ​ങ്ങി​യ​ത്. പ​രാ​തി വ്യാ​പ​ക​മാ​യ​തി​നെ​ത്തു​ട​ർ​ന്ന് തി​രൂ​ർ ആ​ർ.​ഡി.​ഒ ടി. ​സു​രേ​ഷ് കു​മാ​ർ മ​ത്സ്യ​ത്തൊ​ഴി​ലാ​ളി പ്ര​തി​നി​ധി​ക​ളു​ടെ അ​ടി​യ​ന്ത​ര യോ​ഗം വി​ളി​ച്ചു​ചേ​ർ​ത്തു. മ​ത്സ്യ​ത്തൊ​ഴി​ലാ​ളി​ക​ളെ കാ​ണാ​താ​യി അ​ഞ്ച് ദി​വ​സം പി​ന്നി​ട്ടി​ട്ടും സ​ർ​ക്കാ​ർ സം​വി​ധാ​ന​ങ്ങ​ൾ ഉ​പ​യോ​ഗി​ച്ചു​ള്ള തി​ര​ച്ചി​ൽ പേ​രി​ന് മാ​ത്ര​മാ​ണെ​ന്ന് യോ​ഗ​ത്തി​ൽ പ​ങ്കെ​ടു​ത്ത മ​ത്സ്യ​ത്തൊ​ഴി​ലാ​ളി​ക​ൾ പ​റ​ഞ്ഞു. ഹെ​ലി​കോ​പ്ട​റും ക​പ്പ​ലും ഉ​പ​യോ​ഗി​ച്ചു​ള്ള തി​ര​ച്ചി​ൽ വാ​ഗ്ദാ​ന​ങ്ങ​ളി​ൽ മാ​ത്ര​മാ​ണെ​ന്നും തൊ​ഴി​ലാ​ളി​ക​ൾ കു​റ്റ​പ്പെ​ടു​ത്തി. മൂ​ന്ന് ദി​വ​സം തി​ര​ച്ചി​ലി​ന് നേ​തൃ​ത്വം ന​ൽ​കി​യ മ​ത്സ്യ​ബ​ന്ധ​ന ബോ​ട്ടു​ക​ൾ​ക്ക് ഇ​ന്ധ​ന ചെ​ല​വ് ന​ൽ​കാ​ൻ സ​ർ​ക്കാ​ർ ത​യാ​റാ​ക​ണ​മെ​ന്നും ആ​വ​ശ്യ​മു​യ​ർ​ന്നു.

തു​ട​ർ​ന്ന് ആ​ർ.​ഡി.​ഒ ക​ല​ക്ട​റു​മാ​യി ബ​ന്ധ​പ്പെ​ട്ട് ബോ​ട്ടു​ക​ൾ​ക്ക് ക​ട​ലി​ലി​റ​ങ്ങാ​ൻ അ​നു​മ​തി ന​ൽ​കു​ക​യാ​യി​രു​ന്നു. സ​ർ​ക്കാ​ർ സം​വി​ധാ​ന​ങ്ങ​ൾ ഉ​പ​യോ​ഗി​ച്ചു​ള്ള തി​ര​ച്ചി​ലും ഊ​ർ​ജി​ത​മാ​ക്കി​യ​താ​യി ആ​ർ.​ഡി.​ഒ പ​റ​ഞ്ഞു. ര​ക്ഷാ​പ്ര​വ​ർ​ത്ത​ന​ത്തി​നി​റ​ങ്ങു​ന്ന ബോ​ട്ടു​ക​ൾ​ക്കു​ള്ള ഇ​ന്ധ​ന ചെ​ല​വ് ന​ഗ​ര​സ​ഭ​യും എം.​എ​ൽ.​എ വ​ഴി സ​ർ​ക്കാ​റും വ​ഹി​ക്കു​മെ​ന്ന് ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പു​റം പ​റ​ഞ്ഞു. ഒ​രു നോ​ട്ടി​ക്ക​ൽ മൈ​ൽ അ​ക​ലം പാ​ലി​ച്ച് ഒ​രേ ദി​ശ​യി​ലു​ള്ള തി​ര​ച്ചി​ലാ​ണ് മ​ത്സ്യ​ബ​ന്ധ​ന ബോ​ട്ടു​ക​ളു​ടെ നേ​തൃ​ത്വ​ത്തി​ൽ ന​ട​ക്കു​ന്ന​ത്. തി​ര​ച്ചി​ൽ ന​ട​ത്തു​ന്ന ബോ​ട്ടു​ക​ളെ കോ​സ്​​റ്റ്​ ഗാ​ർ​ഡ് യ​ഥാ​സ​മ​യം നി​രീ​ക്ഷി​ക്കും. പൊ​ന്നാ​നി മു​ത​ൽ കാ​സ​ർ​കോ​ട് വ​രെ ഒ​രേ സ​മ​യ​മു​ള്ള തി​ര​ച്ചി​ലാ​ണ് ന​ട​ക്കു​ക.

പൊ​ന്നാ​നി ഹാ​ർ​ബ​ർ എ​ൻ​ജി​നീ​യ​റി​ങ് ഓ​ഫി​സി​ൽ ന​ട​ന്ന യോ​ഗ​ത്തി​ൽ ആ​ർ.​ഡി.​ഒ​ക്കും പൊ​ന്നാ​നി ന​ഗ​ര​സ​ഭ ചെ​യ​ർ​മാ​നും പു​റ​മെ തി​രൂ​ർ ഡി​വൈ.​എ​സ്.​പി വി.​വി. ബെ​ന്നി, ത​ഹ​സി​ൽ​ദാ​ർ എം.​എ​സ്. സു​രേ​ഷ് കു​മാ​ർ, ഡെ​പ്യൂ​ട്ടി ത​ഹ​സി​ൽ​ദാ​ർ​മാ​ർ ടി.​കെ. സു​രേ​ഷ്, കോ​സ്​​റ്റ​ൽ സി.​ഐ രാ​ജ് മോ​ഹ​ൻ, പൊ​ന്നാ​നി സി.​ഐ വി​നോ​ദ് വ​ലി​യാ​റ്റൂ​ർ, മ​ത്സ്യ​ത്തൊ​ഴി​ലാ​ളി സം​ഘ​ട​ന നേ​താ​ക്ക​ൾ, ബോ​ട്ട് ഉ​ട​മ​ക​ൾ, മ​ത്സ്യ​ത്തൊ​ഴി​ലാ​ളി​ക​ൾ എ​ന്നി​വ​ർ സം​ബ​ന്ധി​ച്ചു.