പ്രതീക്ഷ തെറ്റിയില്ല; വല നി​റ​യെ കി​ളി​മീ​ൻ

പൊ​ന്നാ​നി: മാ​സ​ങ്ങ​ളു​ടെ വി​ശ്ര​മ​ത്തി​നൊ​ടു​വി​ൽ ചാ​ക​ര തേ​ടി ക​ട​ലി​ലി​റ​ങ്ങി​യ ബോ​ട്ടു​ക​ൾ​ക്ക് നി​രാ​ശ​യി​ല്ലാ​ത്ത മ​ട​ക്കം. പൊ​ന്നാ​നി ഹാ​ർ​ബ​റി​ൽ നി​ന്ന് മ​ത്സ്യ​ബ​ന്ധ​ന​ത്തി​ന് പു​റ​പ്പെ​ട്ട ചെ​റു​ബോ​ട്ടു​ക​ളി​ൽ നാ​ലെ​ണ്ണം മാ​ത്ര​മാ​ണ് തി​രി​കെ​യെ​ത്തി​യ​ത്.

വ​ലി​യ ചാ​ക​ര പ്ര​തീ​ക്ഷി​ച്ചാ​ണ് ക​ട​ലി​ലി​റ​ങ്ങി​യ​തെ​ങ്കി​ലും വ​ല നി​റ​യെ കി​ളി​മീ​നു​മാ​യാ​ണ് ബോ​ട്ടു​ക​ൾ ഹാ​ർ​ബ​റി​ലെ​ത്തി​യ​ത്. ചെ​റി​യ കേ​ടു​പാ​ടു​ക​ൾ സം​ഭ​വി​ച്ച ബോ​ട്ടു​ക​ൾ ഉ​ച്ച​യോ​ടെ തീ​ര​ത്തെ​ത്തി. തു​ട​ർ​ന്ന് വൈ​കീ​ട്ട്​ ര​ണ്ട് ബോ​ട്ടു​ക​ൾ കൂ​ടി തീ​ര​മ​ണ​ഞ്ഞു. എ​ല്ലാ ബോ​ട്ടു​ക​ൾ​ക്കും വ​ലി​യ കി​ളി​മീ​നാ​ണ് ല​ഭി​ച്ച​ത്.

30 കി​ലോ​യു​ടെ കൊ​ട്ട​ക്ക് 2500 രൂ​പ നി​ര​ക്കി​ലാ​ണ് മൊ​ത്ത ക​ച്ച​വ​ടം ന​ട​ന്ന​ത്. പ്രാ​ദേ​ശി​ക മാ​ർ​ക്ക​റ്റു​ക​ളി​ൽ 120 രൂ​പ​യോ​ള​മാ​യി​രു​ന്നു വി​ല. ട്രോ​ളി​ങ് നി​രോ​ധ​ന സ​മ​യ​ത്ത് മ​ത്സ്യ​ങ്ങ​ളു​ടെ പ്ര​ജ​ന​ന​സ​മ​യ​മാ​യ​തി​നാ​ൽ വ​ലി​യ മ​ത്സ്യ​ങ്ങ​ൾ ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് ബോ​ട്ടു​ക​ൾ ക​ട​ലി​ലി​റ​ങ്ങി​യ​ത്. ട്രോ​ളി​ങ് നി​രോ​ധ​ന​ത്തി​ന് ശേ​ഷം കൂ​ന്ത​ൽ, ചെ​മ്മീ​ൻ എ​ന്നി​വ യ​ഥേ​ഷ്​​ടം ല​ഭി​ക്കു​മെ​ന്നാ​ണ് പ്ര​തീ​ക്ഷ. അ​തേ​സ​മ​യം, ക​ഴി​ഞ്ഞ ദി​വ​സം ക​ട​ലി​ലി​റ​ങ്ങി​യ വ​ള്ള​ങ്ങ​ൾ ശ​നി​യാ​ഴ്ച തി​രി​ച്ചെ​ത്തും. വെ​ള്ളി​യാ​ഴ്ച അ​വ​ധി​യാ​യ​തി​നാ​ലാ​ണ് ശ​നി​യാ​ഴ്ച ബോ​ട്ടു​ക​ൾ മ​ട​ങ്ങി​യെ​ത്തു​ക