മണിക്കൂറുകളോളം ഗതാഗത സ്തംഭനം; കു​ണ്ടു​ക​ട​വ് ജ​ങ്ഷ​നി​ൽ ‘ച​തി​ക്കു​ഴി’​യൊ​രു​ക്കി ജ​ൽ ജീ​വ​ൻ മി​ഷ​ൻ

പൊ​ന്നാ​നി: ജ​ൽ ജീ​വ​ൻ പ​ദ്ധ​തി​ക്കാ​യി വെ​ട്ടി​പ്പൊ​ളി​ക്കു​ന്ന റോ​ഡു​ക​ൾ അ​റ്റ​കു​റ്റ​പ്പണി ന​ട​ത്തു​മെ​ന്ന വാ​ട്ട​ർ അ​തോ​റി​റ്റി​യു​ടെ​യും ക​രാ​റു​കാ​രു​ടെ​യും വാ​ഗ്ദാ​നം ഇ​തു​വ​രെ ന​ട​പ്പാ​യി​ല്ല. പ്ര​തി​ഷേ​ധ​ത്തെ​ത്തു​ട​ർ​ന്ന് ദി​വ​സ​ങ്ങ​ളോ​ളം റോ​ഡ് പൊ​ളി​ക്ക​ൽ നി​ർ​ത്തി​വെ​ച്ചെ​ങ്കി​ലും പൈ​പ്പി​ടാ​നാ​യി റോ​ഡ് പൊ​ളി തു​ട​ർ​ന്ന​തോ​ടെ​യാ​ണ് വീ​ണ്ടും ദു​രി​ത​മാ​രം​ഭി​ച്ച​ത്. കു​ഴി​ക​ളി​ൽ വെ​ള്ളം നി​റ​ഞ്ഞ് ബൈ​ക്കു​ക​ൾ വീ​ണ് പ​രി​ക്കേ​ൽ​ക്കു​ന്ന​തും വ​ലി​യ വാ​ഹ​ന​ങ്ങ​ൾ കു​ഴി​ക​ളി​ലെ മ​ണ്ണി​ൽ താ​ഴു​ന്ന​തും പ​തി​വാ​ണ്. ഇ​തുമൂ​ലം മ​ണി​ക്കൂ​റു​ക​ളോ​ള​മാ​ണ് മേ​ഖ​ല​യി​ൽ ഗ​താ​ഗ​ത സ്തം​ഭ​ന​മു​ണ്ടാ​കു​ന്ന​ത്. കൂ​ടാ​തെ റോ​ഡി​ന്റെ ഒ​രു​വ​ശ​ത്ത് കൂ​ടി മാ​ത്ര​മെ ഇ​പ്പോ​ൾ വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ ക​ഴി​യു​ന്നു​ള്ളൂ.

കൂ​ടാ​തെ പൊ​ടി​ശ​ല്യം മൂ​ലം സ​മീ​പ​ത്തെ ക​ച്ച​വ​ട സ്ഥാ​പ​ന​ങ്ങ​ളും ദു​രി​ത​ത്തി​ലാ​ണ്. ക​ട​ക​ളി​ൽ മാ​സ്ക് ധ​രി​ച്ച് ഇ​രി​ക്കേ​ണ്ട സ്ഥി​തി​യി​ലാ​ണ്. ക​ട​ക​ളി​ലെ സാ​ധ​ന​ങ്ങ​ൾ പൊ​ടി​പി​ടി​ച്ച് ന​ശി​ക്കു​ന്നു​മു​ണ്ട്. കു​ഴി​യെ​ടു​ക്കു​ന്ന ഭാ​ഗ​ങ്ങ​ളി​ൽ അ​ടി​യ​ന്ത​ര അ​റ്റ​കു​റ്റ​പ​ണി​ക​ൾ ന​ട​ത്തു​മെ​ന്നാ​ണ് വാ​ട്ട​ർ അ​തോ​റി​റ്റി​യും ക​രാ​റു​കാ​രും പ​റ​യു​ന്ന​തെ​ങ്കി​ലും ഇ​തെ​ല്ലാം വൈ​കു​ക​യാ​ണ്.