മ​ല​യാ​ള​ത്തി​ന്‍റെ ക​ബ​ഡി​പ്പെ​രു​മ ഇ​നി ഇം​ഗ്ല​ണ്ടിലും

പൊ​ന്നാ​നി: ക​ബ​ഡി​യി​ൽ ഉ​യ​ര​ങ്ങ​ൾ കീ​ഴ​ട​ക്കി​യ പൊ​ന്നാ​നി സ്വ​ദേ​ശി മ​ഷ്ഹൂ​ദ് ക​ബ​ഡി ലോ​ക​ക​പ്പി​ൽ ഇം​ഗ്ല​ണ്ടി​നാ​യി ക​ള​ത്തി​ലി​റ​ങ്ങും. ക​ബ​ഡി​യി​ൽ കേ​ര​ള​പ്പെ​രു​മ ലോ​ക​നെ​റു​ക​യി​ൽ അ​ട​യാ​ള​പ്പെ​ടു​ത്തു​ക​യാ​ണ് പൊ​ന്നാ​നി ബ​സ് സ്റ്റാ​ൻ​ഡ് സ്വ​ദേ​ശി മ​ഷ്ഹൂ​ദ്. ആ​ഗ​സ്റ്റ് 20 മു​ത​ൽ ക​മ്പോ​ഡി​യ​യി​ൽ ന​ട​ക്കു​ന്ന ലോകക​പ്പി​ൽ ഇം​ഗ്ല​ണ്ട് ടീ​മി​ലാ​ണ് മ​ഷ്ഹൂ​ദ് ഇ​ടം നേ​ടി​യ​ത്.

വി​ദ്യാ​ർ​ഥി​യാ​യി​രി​ക്കു​മ്പോ​ൾ ത​ന്നെ ക​ബ​ഡി​യി​ൽ പ്രാ​ഗ​ത്ഭ്യം തെ​ളി​യി​ച്ച മ​ഷ്ഹൂ​ദി​ന്‍റെ ക​ളി​മി​ക​വ് ലോ​ക​ത്തി​ന് മു​ന്നി​ൽ പ്ര​ദ​ർ​ശി​പ്പി​ക്കാ​നു​ള്ള അ​വ​സ​ര​മാ​ണ് ഇ​തോ​ടെ സാ​ധ്യ​മാ​യ​ത്. പൊ​ന്നാ​നി എം.​ഇ.​എ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ പ​ഠി​ക്കു​മ്പോ​ൾ ത​ന്നെ സം​സ്ഥാ​ന ക​ബ​ഡി ടീ​മിൽ താ​ര​മാ​യി​രു​ന്നു. കോ​ള​ജ് ത​ല​ത്തി​ലും ഇ​ന്‍റ​ർ​സോ​ൺ മ​ത്സ​ര​ങ്ങ​ളി​ലും സ്ഥി​ര​സാ​ന്നി​ധ്യ​മാ​യി​രു​ന്നു.

ജോ​ലി​യാ​വ​ശ്യാ​ർ​ത്ഥം ഇം​ഗ്ല​ണ്ടി​ലേ​ക്ക് ചേ​ക്കേ​റി​യ മ​ഷ്ഹൂ​ദ് ഇം​ഗ്ല​ണ്ട്, വെ​യ്ൽ​സ്, സ്കോ​ട്ട്ല​ന്‍റ് എ​ന്നീ രാ​ജ്യ​ങ്ങ​ളി​ലെ ക്ല​ബു​ക​ൾ ഉ​ൾ​പ്പെ​ടു​ന്ന ബ്രി​ട്ടീ​ഷ് ക​ബ​ഡി ലീ​ഗി​ൽ നോ​ട്ടി​ങ്ഹാം റോ​യ​ൽ​സി​ന്‍റെ താ​ര​മാ​ണ്. ബ്രി​ട്ടീ​ഷ് ക​ബ​ഡി ലീ​ഗി​ലെ മി​ന്നും പ്ര​ക​ട​ന​മാ​ണ് ഇം​ഗ്ല​ണ്ട് ടീ​മി​ലേ​ക്കു​ള്ള വ​ഴി തു​റ​ന്ന​ത്. ഇം​ഗ്ല​ണ്ടി​ൽ ജെ.​ഡി സ്പോ​ർ​ട്സ് ഫാ​ക്ട​റി​യി​ലെ സെ​യി​ൽ​സ്മാ​നാ​ണ് മ​ഷ്ഹൂ​ദ് . മ​ക​ന്‍റെ നേ​ട്ട​ത്തി​ൽ ഏ​റെ സ​ന്തോ​ഷ​ത്തി​ലാ​ണ് പൊ​ന്നാ​നി സ്വ​ദേ​ശി കൂ​രാ​റ്റ​ന്‍റെ ഖ​മ​റു​ദ്ദീ​നും ഭാ​ര്യ ഫാ​ത്തി​മ​യും.