ലസ്ക്കറും എഞ്ചിൻ ഡ്രൈവറുമില്ല; ബോട്ട് സർവീസിന് പൂട്ടിട്ട് തുറമുഖവകുപ്പ്

പൊ​ന്നാ​നി: ല​സ്ക​റും എ​ൻ​ജി​ൻ ഡ്രൈ​വ​റു​മി​ല്ലാ​തെ പൊ​ന്നാ​നി-​പ​ടി​ഞ്ഞാ​റെ​ക്ക​ര റൂ​ട്ടി​ൽ സ​ർ​വീ​സ് ന​ട​ത്തി​യ യാ​ത്ര ബോ​ട്ട് സ​ർ​വീ​സി​ന് പൂ​ട്ടി​ട്ട് തു​റ​മു​ഖ​വ​കു​പ്പ്. വ​കു​പ്പ​ധി​കൃ​ത​ർ ബു​ധ​നാ​ഴ്ച ന​ട​ത്തി​യ മി​ന്ന​ൽ പ​രി​ശോ​ധ​ന​യി​ലാ​ണ് യാ​ത്രബോ​ട്ടി​ൽ അം​ഗീ​കൃ​ത ല​സ്ക്ക​റും എ​ൻ​ജി​ൻ ഡ്രൈ​വ​റു​മി​ല്ലെ​ന്ന് ക​ണ്ടെ​ത്തി​യ​ത്. മാ​സ​ങ്ങ​ളാ​യി സ​ർ​വീ​സ് നി​ർ​ത്തി​വെ​ച്ചി​രു​ന്ന ബോ​ട്ട് സ​ർ​വീ​സ് മൂ​ന്നാ​ഴ്ച മു​മ്പാ​ണ് പു​ന​രാ​രം​ഭി​ച്ച​ത്. താ​നൂ​ർ ബോ​ട്ട​പ​ക​ട​ത്തി​ന്റെ പ​ശ്ചാ​ത്ത​ല​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ ല​സ്ക്ക​റി​ല്ലാ​തെ​യാ​ണ് സ​ർ​വീ​സ് ന​ട​ത്തി​യ​തെ​ന്ന് ക​ണ്ടെ​ത്തി​യി​രു​ന്നു.

തു​ട​ർ​ന്ന് നി​ർ​ത്തി​വെ​ക്കാ​ൻ നി​ർ​ദ്ദേ​ശം ന​ൽ​കി​യി​രു​ന്നു. പി​ന്നീ​ട് ഇ​ൻ ലാ​ൻ​റ് നാ​വി​ഗേ​ഷ​ൻ സ​ർ​ട്ടി​ഫി​ക്ക​റ്റും ല​സ്ക്ക​ർ ത​സ്തി​ക​യി​ൽ ജീ​വ​ന​ക്കാ​ര​നെ​യും നി​യ​മി​ച്ച് രേ​ഖ​ക​ൾ സ​മ​ർ​പ്പി​ച്ച​തോ​ടെ​യാ​ണ് മൂ​ന്നാ​ഴ്ച മു​മ്പ് സ​ർ​വീ​സി​ന് അ​നു​മ​തി ല​ഭ്യ​മാ​യ​ത്. ഇ​തി​നി​ടെ​യാ​ണ് ബു​ധ​നാ​ഴ്ച ന​ട​ത്തി​യ പ​രി​ശോ​ധ​ന​യി​ൽ നി​യ​മം ലം​ഘി​ച്ച് സ​ർ​വീ​സ് ന​ട​ത്തി​യ​താ​യി ക​ണ്ടെ​ത്തി​യ​ത്. അ​തേ​സ​മ​യം, ല​സ്ക്ക​ർ അ​വ​ധി​യി​ൽ പോ​യ​തി​നാ​ലാ​ണ് താ​ൽ​ക്കാ​ലി​ക ഡ്രൈ​വ​റെ വെ​ച്ച് സ​ർ​വീ​സ് ന​ട​ത്തി​യ​തെ​ന്നാ​ണ് ക​രാ​റു​കാ​ർ പ​റ​യു​ന്ന​ത്.

അം​ഗീ​കൃ​ത ജീ​വ​ന​ക്കാ​രി​ല്ലാ​തെ സ​ർ​വീ​സ് ന​ട​ത്തു​ന്ന​ത് നി​യ​മ ലം​ഘ​ന​മാ​യ​തി​നാ​ലാ​ണ് നി​ർ​ത്തി​വെ​പ്പി​ച്ച​തെ​ന്ന് അ​ധി​കൃ​ത​ർ പ​റ​ഞ്ഞു. വി​ദ്യാ​ർ​ഥി​ക​ളും, മ​ത്സ്യ​ത്തൊ​ഴി​ലാ​ളി​ക​ളു​മു​ൾ​പ്പെ​ടെ ആ​ശ്ര​യി​ക്കു​ന്ന പൊ​ന്നാ​നി -പ​ടി​ഞ്ഞാ​റെ​ക്ക​ര ബോ​ട്ട് സ​ർ​വീ​സ് ക​രാ​റു​കാ​രു​ടെ നി​രു​ത്ത​വാ​ദ സ​മീ​പ​നം മൂ​ലം നി​ർ​ത്തി​വെ​ക്കാ​നി​ട​യാ​യ​തി​ൽ യാ​ത്ര​ക്കാ​രും പ്ര​തി​ഷേ​ധ​ത്തി​ലാ​ണ്. പൊ​ന്നാ​നി ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ പു​റ​ത്തൂ​രി​ൽ നി​ന്നു​ള്ള സ്വ​കാ​ര്യ വ്യ​ക്തി​യാ​ണ് താ​ൽ​ക്കാ​ലി​ക സ​ർ​വീ​സ് ന​ട​ത്തി​യി​രു​ന്ന​ത്.

ഈ ​റൂ​ട്ടി​ൽ ജ​ങ്കാ​ർ സ​ർ​വ്വീ​സ് പു​ന​രാ​രം​ഭി​ക്കാ​നു​ള്ള നീ​ക്കം ന​ഗ​ര​സ​ഭ ന​ട​ത്തു​ന്നു​ണ്ട്. ജ​ങ്കാ​ർ സ​ർ​വീ​സ് ന​ട​ത്തു​ന്ന​വ​രു​മാ​യി ബ​ന്ധ​പ്പെ​ട്ട് ജ​ങ്കാ​ർ പൊ​ന്നാ​നി​യി​ലെ​ത്തി​ച്ച് പു​ന​രാ​രം​ഭി​ക്കാ​നാ​ണ് ശ്ര​മം. നേ​ര​ത്തെ​യു​ണ്ടാ​യി​രു​ന്ന ജ​ങ്കാ​ർ സ​ർ​വീ​സ് യാ​ത്ര​കൂ​ലി​യി​ൽ വ​ർ​ധ​ന ആ​വ​ശ്യ​പ്പെ​ട്ട​തോ​ടെ​യാ​ണ് നി​ല​ക്കാ​നി​ട​യാ​യ​ത്.