ന​വീ​ക​ര​ണം ഈ ​മാ​സ​ത്തോ​ടെ പൂ​ർ​ത്തി​യാ​കും; പു​തു​മോ​ടി​യി​ലേ​ക്ക് പൊ​ന്നാ​നി ബി​യ്യം പാ​ർ​ക്ക്

പൊ​ന്നാ​നി: പൊ​ന്നാ​നി ബി​യ്യം പാ​ർ​ക്കി​ലെ ന​വീ​ക​ര​ണം ഒ​ക്ടോ​ബ​ർ മാ​സ​ത്തോ​ടെ പൂ​ർ​ത്തി​യാ​കും. കു​ട്ടി​ക​ൾ​ക്ക് വേ​ണ്ടി​യു​ള്ള വി​വി​ധ റൈ​ഡു​ക​ളും ഉ​പ​ക​ര​ണ​ങ്ങ​ളും ഉ​പ​യോ​ഗി​ക്കാ​ൻ പ​റ്റാ​ത്ത​വി​ധം തു​രു​മ്പെ​ടു​ത്ത് ന​ശി​ച്ച​തി​നെ​ത്തു​ട​ർ​ന്നാ​ണ് ജി​ല്ല ടൂ​റി​സം വ​കു​പ്പി​ന്റെ നേ​തൃ​ത്വ​ത്തി​ൽ അ​റ്റ​കു​റ്റ​പ​ണി​ക​ൾ ന​ട​ക്കു​ന്ന​ത്. തു​രു​മ്പെ​ടു​ത്ത ഉ​പ​ക​ര​ണ​ങ്ങ​ൾ കു​ട്ടി​ക​ൾ അ​ട​ക്ക​മു​ള്ള​വ​ർ​ക്ക് വ​ലി​യ ഭീ​ഷ​ണി​യാ​യി​രു​ന്നു. വ​ർ​ഷ​ങ്ങ​ളാ​യി ഇ​വ ഉ​പ​യോ​ഗി​ക്കാ​ൻ ക​ഴ​യാ​തി​രു​ന്നി​ട്ടും അ​ധി​കൃ​ത​ർ സ​മ​യ​ബ​ന്ധി​ത​മാ​യി ന​ന്നാ​ക്കാ​ൻ ത​യാ​റാ​കു​ന്നി​ല്ലെ​ന്ന പ​രാ​തി വ്യാ​പ​ക​മാ​യി​രു​ന്നു. ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലി​ന്റെ കീ​ഴി​ലു​ള്ള പാ​ർ​ക്കി​നോ​ട് ചി​റ്റ​മ്മ ന​യ​മാ​ണ് ടൂ​റി​സം വ​കു​പ്പ് സ്വീ​ക​രി​ക്കു​ന്ന​തെ​ന്നും ആ​ക്ഷേ​പ​മു​യ​ർ​ന്നി​രു​ന്നു. ര​ണ്ട് സ്ഥി​രം ജീ​വ​ന​ക്കാ​ര​ട​ക്കം നാ​ല് പേ​രാ​ണ് പാ​ർ​ക്കി​ലു​ള്ള​ത്.

ര​ണ്ട് സെ​ക്യൂ​രി​റ്റി ജീ​വ​ന​ക്കാ​രും ര​ണ്ട് ശു​ചീ​ക​ര​ണ തൊ​ഴി​ലാ​ളി​ക​ളു​മു​ള്ള പാ​ർ​ക്ക് വേ​ണ്ട രീ​തി​യി​ൽ പ​രി​പാ​ലി​ക്കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി. പൂ​ർ​ണ​മാ​യും ത​ക​ർ​ന്ന ഉ​പ​ക​ര​ണ​ങ്ങ​ൾ​ക്ക് പ​ക​രം പു​തി​യ​വ സ്ഥാ​പി​ച്ചും മ​റ്റു​ള്ള​വ അ​റ്റ​കു​റ്റ​പ​ണി ന​ട​ത്തു​ക​യും ചെ​യ്യു​ന്ന പ്ര​വ​ർ​ത്ത​ന​ങ്ങ​ളാ​ണ് പു​രോ​ഗ​മി​ക്കു​ന്ന​ത്. ഈ ​മാ​സം അ​വ​സാ​ന​ത്തോ​ടെ പ്ര​വൃ​ത്തി​ക​ൾ പൂ​ർ​ത്തീ​ക​രി​ക്കാ​നാ​ണ് തീ​രു​മാ​നം.