പൊ​ന്നാ​നി: വികസന സ്ഥിരം സമിതി അധ്യക്ഷസ്ഥാനം വേണ്ടെന്ന്​ സി.പി.ഐ

പൊ​ന്നാ​നി: ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ സ്ഥാ​ന​മൊ​ഴി​കെ മ​റ്റു സ്ഥി​രം​സ​മി​തി അ​ധ്യ​ക്ഷ പ​ദ​വി വേ​ണ്ടെ​ന്ന നി​ല​പാ​ടി​ൽ സി.​പി.​ഐ ഉ​റ​ച്ചു​നി​ന്ന​തോ​ടെ ന​ഗ​ര​സ​ഭ​യി​ലെ സ്ഥി​രം​സ​മി​തി ചെ​യ​ർ​മാ​ൻ​മാ​രെ​ല്ലാം സി.​പി.​എ​മ്മി​നും ഐ.​എ​ൻ.​എ​ല്ലി​നും മാ​ത്ര​മാ​യി ഒ​തു​ങ്ങി. ഭ​ര​ണ​സ​മി​തി​യി​ൽ ഒ​ഴി​വു​ണ്ടാ​യി​രു​ന്ന വി​ക​സ​ന സ്ഥി​രം സ​മി​തി തെ​ര​ഞ്ഞെ​ടു​പ്പ് ക​ഴി​ഞ്ഞ​തോ​ടെ മു​ഴു​വ​ൻ സ്ഥി​രം​സ​മി​തി അ​ധ്യ​ക്ഷ​ൻ​മാ​രാ​യി. 39ാം വാ​ർ​ഡി​ൽ​നി​ന്ന്​ വി​ജ​യി​ച്ച ആ​ബി​ദ​യാ​ണ് വി​ക​സ​ന​കാ​ര്യ സ്ഥി​രം സ​മി​തി അ​ധ്യ​ക്ഷ.

അ​ധ്യ​ക്ഷ തെ​ര​ഞ്ഞെ​ടു​പ്പി​ൽ​നി​ന്ന്​ സി.​പി.​ഐ കൗ​ൺ​സി​ല​ർ​മാ​ർ വി​ട്ടു​നി​ന്നു. വി​ക​സ​ന​കാ​ര്യ സ്ഥി​രം സ​മി​തി സി.​പി.​ഐ​ക്ക് അ​നു​വ​ദി​ച്ചി​രു​ന്ന​താ​ണ്. എ​ന്നാ​ൽ, ആ​രോ​ഗ്യ സ്ഥി​രം സ​മി​തി വേ​ണ​മെ​ന്ന കാ​ര്യ​ത്തി​ൽ സി.​പി.​ഐ വി​ട്ടു​വീ​ഴ്ച​ക്ക് ത​യാ​റാ​വാ​തി​രു​ന്ന​താ​ണ് സി.​പി.​ഐ​ക്ക് ഭ​ര​ണ​സ​മി​തി​യി​ൽ അ​ധ്യ​ക്ഷ​ൻ​മാ​രി​ല്ലാ​തെ പോ​കാ​നി​ട​യാ​ക്കി​യ​ത്.

ആ​ദ്യം വൈ​സ് ചെ​യ​ർ​പേ​ഴ്സ​ൻ സ്ഥാ​നം ആ​വ​ശ്യ​പ്പെ​ട്ട സി.​പി.​ഐ​ക്ക് ഇ​ത് ന​ൽ​കാ​ൻ സി.​പി.​എം ത​യാ​റാ​യി​ല്ല. പി​ന്നീ​ട് ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ സ്ഥാ​നം ത​ങ്ങ​ൾ​ക്ക് ന​ൽ​ക​ണ​മെ​ന്ന് ആ​വ​ശ്യ​പ്പെ​ടു​ക​യും, ഇ​ത് ന​ൽ​കാ​മെ​ന്ന് സ​മ്മ​തി​ക്കു​ക​യും ചെ​യ്തെ​ങ്കി​ലും അ​വ​സാ​ന നി​മി​ഷം ആ​രോ​ഗ്യ​ത്തി​ന് പ​ക​രം വി​ക​സ​ന സ്ഥി​രം സ​മി​തി അ​ധ്യ​ക്ഷ സ്ഥാ​നം ന​ൽ​കാ​നാ​ണ് സി.​പി.​എം തീ​രു​മാ​നി​ച്ച​ത്. ഇ​തോ​ടെ സ്ഥി​രം സ​മി​തി അം​ഗ​ങ്ങ​ളു​ടെ തെ​ര​ഞ്ഞെ​ടു​പ്പി​ൽ സി.​പി.​എ​മ്മി​നെ​തി​രെ സി.​പി.​ഐ അം​ഗ​ങ്ങ​ൾ മ​ത്സ​രി​ക്കു​ക​യും ചെ​യ്തി​രു​ന്നു.