ബോട്ടുകളുടെ അറ്റകുറ്റപ്പണി; പ്രതിസന്ധിയിൽ

പൊ​ന്നാ​നി: ട്രോ​ളി​ങ് നി​രോ​ധ​നം അ​വ​സാ​നി​ക്കാ​റാ​യി​ട്ടും ബോ​ട്ടു​ക​ൾ അ​റ്റ​കു​റ്റ​പ്പ​ണി ന​ട​ത്താ​നാ​വാ​തെ മ​ത്സ്യ​ത്തൊ​ഴി​ലാ​ളി​ക​ൾ. അ​റ്റ​കു​റ്റ​പ്പ​ണി​ക്കു​ള്ള പ​ണം പോ​ലും ക​ണ്ടെ​ത്താ​നാ​വാ​തെ ദു​രി​ത​ത്തി​ലാ​ണ് ജി​ല്ല​യി​ലെ മ​ത്സ്യ​ത്തൊ​ഴി​ലാ​ളി​ക​ൾ.

52 ദി​വ​സ​ത്തെ ട്രോ​ളി​ങ് നി​രോ​ധ​ന​ത്തി​നു​ശേ​ഷം ബോ​ട്ടു​ക​ള്‍ ക​ട​ലി​ലി​റ​ങ്ങാ​ൻ ഒ​രാ​ഴ്ച മാ​ത്രം ശേ​ഷി​ക്കെ മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യ അ​റ്റ​കു​റ്റ​പ്പ​ണി​യാ​ണ് പ്ര​തി​സ​ന്ധി​യി​ലാ​യ​ത്. ട്രോ​ളി​ങ് നി​രോ​ധ​ന കാ​ല​യ​ള​വ് തീ​ര​ദേ​ശ​ത്തെ സം​ബ​ന്ധി​ച്ച് ബോ​ട്ടു​ക​ളു​ടെ കേ​ടു​പാ​ട് തീ​ർ​ക്കാ​നും ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കു​മു​ള്ള സ​മ​യ​മാ​ണ്.

മു​ൻ വ​ർ​ഷ​ങ്ങ​ളി​ൽ വ​ന്‍തു​ക മു​ട​ക്കി​യാ​ണ് ബോ​ട്ടു​ക​ള്‍ ഒ​ട്ടു​മി​ക്ക​തും അ​റ്റ​കു​റ്റ​പ്പ​ണി ന​ട​ത്തി​യ​ത്. ക​ടം വാ​ങ്ങി​യും ധ​ന​കാ​ര്യ സ്ഥാ​പ​ന​ങ്ങ​ളി​ല്‍നി​ന്ന് വാ​യ്പ​യെ​ടു​ത്തു​മാ​ണ് ഇ​തി​ന് പ​ണം ക​ണ്ടെ​ത്തി​യ​ത്. എ​ന്നാ​ൽ, ക​ഴി​ഞ്ഞ സീ​സ​ണി​ൽ ല​ക്ഷ​ങ്ങ​ളു​ടെ ന​ഷ്ട​മാ​ണ് ബോ​ട്ടു​ട​മ​ക​ൾ​ക്കു​ണ്ടാ​യ​ത്.

കൂ​ടാ​തെ ഫി​ഷ​റീ​സ് വ​കു​പ്പ് ഭീ​മ​മാ​യ പി​ഴ ചു​മ​ത്തു​ന്ന​തും പ്ര​തി​സ​ന്ധി​യാ​യി. ട്രോ​ളി​ങ് നി​രോ​ധ​ന​ത്തി​ന് മു​മ്പ് ത​ന്നെ ആ​ഴ്ച​ക​ളോ​ളം ക​ട​ലി​ലി​റ​ങ്ങാ​നും ക​ഴി​ഞ്ഞി​രു​ന്നി​ല്ല. മു​ൻ വ​ർ​ഷ​ങ്ങ​ളി​ൽ ഇ​ത​ര ജി​ല്ല​ക​ളി​ൽ​നി​ന്ന് വി​ദ​ഗ്ദ തൊ​ഴി​ലാ​ളി​ക​ളെ എ​ത്തി​ച്ചാ​ണ് അ​റ്റ​കു​റ്റ​പ്പ​ണി ന​ട​ത്തി​യി​രു​ന്ന​ത്. എ​ന്നാ​ൽ, വ​ലി​യ തു​ക ന​ൽ​കി തൊ​ഴി​ലാ​ളി​ക​ളെ എ​ത്തി​ക്കാ​നാ​വാ​ത്ത സാ​ഹ​ച​ര്യ​വും തി​രി​ച്ച​ടി​യാ​വു​ന്നു​ണ്ട്.

ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി അ​നി​ശ്ചി​ത​ത്വ​ത്തി​ലാ​യ​തോ​ടെ ട്രോ​ളി​ങ് നി​രോ​ധ​നം ക​ഴി​ഞ്ഞാ​ലും എ​ങ്ങ​നെ ക​ട​ലി​ലി​റ​ങ്ങാ​നാ​വു​മെ​ന്ന ആ​ശ​ങ്ക നി​ല​നി​ൽ​ക്കു​ന്നു​ണ്ട്. അ​തേ​സ​മ​യം, കൂ​ടു​ത​ൽ കേ​ടു​പാ​ട് സം​ഭ​വി​ച്ച ചി​ല ബോ​ട്ടു​ക​ൾ താ​ൽ​ക്കാ​ലി​ക ന​വീ​ക​ര​ണം ന​ട​ത്തു​ന്നു​ണ്ട്.