അശരണർക്ക്​ അഭയകേന്ദ്രമൊരുങ്ങുന്നു: സംസ്ഥാനത്തെ ആദ്യ ഇ.സി.ആർ.സി പ്രവർത്തനം ഉടൻ ആരംഭിക്കും

പൊ​ന്നാ​നി: തെ​രു​വി​ൽ അ​ല​ഞ്ഞു​തി​രി​യുന്ന മാ​ന​സി​ക വെ​ല്ലു​വി​ളി​ക​ൾ നേ​രി​ടു​ന്ന​വ​ർ​ക്ക് സം​സ്ഥാ​ന​ത്ത് ആ​ദ്യ​മാ​യി അ​ടി​യ​ന്ത​ര ചി​കി​ത്സ ന​ൽ​കി പു​ന​ര​ധി​വാ​സ കേ​ന്ദ്ര​മൊ​രു​ക്കാ​ൻ പൊ​ന്നാ​നി ന​ഗ​ര​സ​ഭ. ചെ​ന്നൈ ആ​സ്ഥാ​ന​മാ​ക്കി പ്ര​വ​ർ​ത്തി​ക്കു​ന്ന ദ ​ബ​ന്യ​ൻ, പൊ​ന്നാ​നി ശാ​ന്തി പെ​യി​ൻ ആ​ൻ​ഡ്​ പാ​ലി​യേ​റ്റി​വ് കെ​യ​ർ എ​ന്നീ സ​ന്ന​ദ്ധ സം​ഘ​ട​ന​ക​ളു​ടെ​ സഹകരണത്തോടെയാ​ണ് എ​മ​ർ​ജ​ൻ​സി കെ​യ​ർ ആ​ൻ​ഡ് റി​ക്ക​വ​റി സെ​ന്റ​ർ (ഇ.​സി.​ആ​ർ.​സി) പ്ര​വ​ർ​ത്തി​ക്കു​ക. മാ​ന​സി​ക വി​ഭ്രാ​ന്തി​മൂ​ലം തെ​രു​വി​ൽ അ​ല​ഞ്ഞു​തി​രി​യുന്ന​വ​ർ​ക്ക് പു​ന​ര​ധി​വാ​സ​വും ചി​കി​ത്സ​യും ഉ​റ​പ്പാ​ക്കാ​നു​ള്ള​താ​ണ് പു​ന​ര​ധി​വാ​സ കേ​ന്ദ്രം. സം​സ്ഥാ​ന​ത്തു​ത​ന്നെ ആ​ദ്യ​മാ​യാ​ണ് ഒ​രു ത​ദ്ദേ​ശ സ്ഥാ​പ​ന​ത്തി​ന് കീ​ഴി​ൽ ഇ​ത്ത​ര​ത്തി​ൽ പു​ന​ര​ധി​വാ​സ കേ​ന്ദ്രം ഒ​രു​ങ്ങു​ന്ന​ത്. കേ​ന്ദ്ര​ത്തി​ൽ ഡോ​ക്ട​ർ, സ്റ്റാ​ഫ് ന​ഴ്സ്, മ​നോ​രോ​ഗ വി​ദ​ഗ്​​ധ​ൻ എ​ന്നി​വ​രു​ടെ സേ​വ​ന​വും ല​ഭ്യ​മാ​കും.

രോ​ഗം ഭേ​ദ​മാ​കു​ന്ന​തു​വ​രെ പ​രി​ച​ര​ണം ന​ൽ​കി​യ ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കും. ല​ഹ​രി ഉ​പ​യോ​ഗം​മൂ​ലം മാ​ന​സി​ക വി​ഭ്രാ​ന്തി പ്ര​ക​ടി​പ്പി​ക്കു​ന്ന​വ​രെ​യും കേ​ന്ദ്ര​ത്തി​ൽ പു​ന​ര​ധി​വ​സി​പ്പി​ക്കാ​നാ​ണ് തീ​രു​മാ​നം. പൊ​ന്നാ​നി ച​ന്ത​പ്പ​ടി​യി​ൽ സൗ​ജ​ന്യ​മാ​യി വി​ട്ടു​ന​ൽ​കി​യ വീ​ട്ടി​ലാ​ണ് കേ​ന്ദ്രം പ്ര​വ​ർ​ത്തി​ക്കു​ക. മൂ​ന്ന് വ​ർ​ഷ​ത്തേ​ക്കാ​ണ് കേ​ന്ദ്രം സൗ​ജ​ന്യ​മാ​യി വി​ട്ടു​ന​ൽ​കി​യ​ത്. ഏ​ക​ദേ​ശം മൂ​ന്ന് ല​ക്ഷം രൂ​പ ചെ​ല​വി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്തി ഫെ​ബ്രു​വ​രി അ​വ​സാ​ന​ത്തോ​ടെ പ്ര​വ​ർ​ത്ത​നം ആ​രം​ഭി​ക്കാ​നാ​ണ് ന​ഗ​ര​സ​ഭ തീ​രു​മാ​നം.

ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പ്പു​റ​ത്തി​ന്റെ നേ​തൃ​ത്വ​ത്തി​ൽ കെ​ട്ടി​ടം സ​ന്ദ​ർ​ശി​ച്ച് നി​ർ​മാ​ണ പ്ര​വൃ​ത്തി​ക​ൾ വി​ല​യി​രു​ത്തി. വൈ​സ് ചെ​യ​ർ​പേ​ഴ്സ​ൻ ബി​ന്ദു സി​ദ്ധാ​ർ​ഥ​ൻ, സ്ഥി​രം സ​മി​തി അ​ധ്യ​ക്ഷ​ന്മാ​രാ​യ എം. ​ആ​ബി​ദ, ര​ജീ​ഷ് ഊ​പ്പാ​ല, ഷീ​ന സു​ദേ​ശ​ൻ, ന​ഗ​ര​സ​ഭ എ​ൻ​ജി​നീ​യ​ർ സു​ജി​ത്ത് ഗോ​പി​നാ​ഥ് തു​ട​ങ്ങി​യ​വ​ർ അ​നു​ഗ​മി​ച്ചു.