പൊ​ന്നാ​നിയിൽ സി​റി​ഞ്ചു​ക​ൾ ക​ണ്ടെ​ത്തി​യ സം​ഭ​വം; ഇ​ൻ​സു​ലി​ൻ കു​ത്തി​വെ​ച്ച​തി​ന്‍റെ അ​വ​ശി​ഷ്ട​മെ​ന്ന് അ​ധി​കൃ​ത​ർ

പൊ​ന്നാ​നി: പു​ഴ​യോ​ര പാ​ത​യാ​യ പൊ​ന്നാ​നി ക​ർ​മ്മ റോ​ഡി​ലെ ആ​ളൊ​ഴി​ഞ്ഞ പ​റ​മ്പി​ൽ​നി​ന്ന് ക​ണ്ടെ​ത്തി​യ സി​റി​ഞ്ചു​ക​ൾ ല​ഹ​രി​ക്കു വേ​ണ്ടി ഉ​പ​യോ​ഗി​ച്ച​ത​ല്ലെ​ന്ന് സം​യു​ക്ത പ​രി​ശോ​ധ​ന​യി​ൽ ക​ണ്ടെ​ത്ത​ൽ.

പ്ര​മേ​ഹ രോ​ഗി​ക​ൾ ഇ​ൻ​സു​ലി​ന് വേ​ണ്ടി ഉ​പ​യാ​ഗി​ച്ച് വ​ലി​ച്ചെ​റി​ഞ്ഞ സി​റി​ഞ്ചു​ക​ളാ​ണ് ഇ​വ​യെ​ന്നാ​ണ് ന​ഗ​ര​സ​ഭ ആ​രോ​ഗ്യ വി​ഭാ​ഗ​വും പൊ​ലീ​സും എ​ക്സൈ​സും സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യി​ൽ ക​ണ്ടെ​ത്തി​യ​ത്. ക​ർ​മ്മ റോ​ഡി​ൽ ല​ഹ​രി ഉ​പ​യോ​ഗം വ്യാ​പ​ക​മെ​ന്ന രീ​തി​യി​ലാ​ണ് ഉ​പേ​ക്ഷി​ക്ക​പ്പെ​ട്ട സി​റി​ഞ്ചു​ക​ളു​ടെ വി​ഡി​യോ വ്യാ​പ​ക​മാ​യി പ്ര​ച​രി​പ്പി​ക്ക​പ്പെ​ട്ട​ത്.

പു​തു​വ​ത്സ​ര ദി​ന​ത്തോ​ട​നു​ബ​ന്ധി​ച്ചാ​യി​രു​ന്നു വീ​ഡി​യോ പ്ര​ച​രി​ച്ച​ത്. ക​ർ​മ്മ റോ​ഡി​ലെ ഏ​തു​ഭാ​ഗ​ത്താ​ണ് ഇ​തെ​ന്ന് വീ​ഡി​യോ​യി​ൽ വ്യ​ക്ത​മാ​ക്കി​യി​രു​ന്നി​ല്ല. തു​ട​ർ​ന്ന് ന​ട​ത്തി​യ സം​യു​ക്ത പ​രി​ശോ​ധ​ന​യി​ലാ​ണ് കു​റ്റി​ക്കാ​ടി​നോ​ട് ചേ​ർ​ന്ന ക​ർ​മ്മ റോ​ഡി​ലെ പ​റ​മ്പി​ൽ സി​റി​ഞ്ചു​ക​ൾ ക​ണ്ടെ​ത്തി​യ​ത്.

പ്രാ​ഥ​മി​ക പ​രി​ശോ​ധ​ന​യി​ൽ ത​ന്നെ ഇ​ൻ​സു​ലി​ൻ ഉ​പ​യാ​ഗി​ച്ച് ഉ​പേ​ക്ഷി​ച്ച സി​റി​ഞ്ചു​ക​ളെ​ന്ന് വ്യ​ക്ത​മാ​യി. സ്ഥി​ര​മാ​യി ഇ​ൻ​സു​ലി​ൻ ഉ​പ​യോ​ഗി​ക്കു​ന്ന ആ​രോ ക​വ​റി​ൽ കെ​ട്ടി വ​ഴി​യി​ൽ വ​ലി​ച്ചെ​റി​ഞ്ഞ​താ​ണെ​ന്ന് വ്യ​ക്ത​മാ​ണെ​ന്ന് പ​രി​ശോ​ധ​ന സം​ഘം പ​റ​ഞ്ഞു. അ​മ്പ​തോ​ളം സി​റി​ഞ്ചു​ക​ളാ​ണ് ക​ണ്ടെ​ത്തി​യ​ത്. ആ​ളു​ക​ളു​ടെ ശ്ര​ദ്ധ പ​തി​യു​ന്ന സ്ഥ​ല​ത്താ​ണ് സി​റി​ഞ്ചു​ക​ൾ ക​ണ്ടെ​ത്തി​യ​ത്.

ല​ഹ​രി ഉ​പ​യോ​ഗി​ക്കു​ന്ന​വ​ർ ഇ​ങ്ങ​നെ​യു​ള്ള സ്ഥ​ല​ങ്ങ​ൾ തെ​ര​ഞ്ഞെ​ടു​ക്കി​ല്ല. ഇ​ത്ര​യേ​റെ ആ​ളു​ക​ൾ പാ​ത​യോ​ര​ത്തി​രു​ന്ന് ഒ​രു​മി​ച്ച് ല​ഹ​രി ഉ​പ​യോ​ഗി​ക്കി​ല്ലെ​ന്നാ​ണ് നി​ഗ​മ​നം. പു​തു​വ​ത്സ​ര​ത്തോ​ട​നു​ബ​ന്ധി​ച്ച് ക​ർ​മ്മ റോ​ഡി​ൽ രാ​ത്രി​യും പ​ക​ലും ക​ർ​ശ​ന പ​രി​ശോ​ധ​ന ന​ട​ന്നി​രു​ന്നു. സി​റി​ഞ്ചു​ക​ൾ ക​ണ്ടെ​ത്തി​യ മേ​ഖ​ല​യി​ലും നി​രീ​ക്ഷ​ണ​മു​ണ്ടാ​യി​രു​ന്നു. സം​ശ​യാ​സ്പ​ദ​മാ​യ ഒ​ന്നും ക​ണ്ടി​രു​ന്നി​ല്ലെ​ന്നും എ​ക്സൈ​സ്, പൊ​ലീ​സ് ഉ​ദ്യോ​ഗ​സ്ഥ​ർ പ​റ​ഞ്ഞു.

വി​ഡി​യോ​യി​ൽ പ​റ​യു​ന്ന കാ​ര്യ​ങ്ങ​ൾ അ​വാ​സ്ത​വ​മാ​ണ്. ക​ണ്ടെ​ടു​ത്ത സി​റി​ഞ്ചു​ക​ൾ എ​ക്സൈ​സി​ന് കൈ​മാ​റി. ഇ​തു​സം​ബ​ന്ധി​ച്ച് എ​ക്സൈ​സ് വി​ശ​ദ​മാ​യ പ​രി​ശോ​ധ​ന ന​ട​ത്തും. തെ​റ്റാ​യ പ്ര​ച​ര​ണ​ത്തി​ന് കാ​ര​ണ​മാ​യ വി​ഡി​യോ​യു​ടെ ഉ​റ​വി​ട​വും പൊ​ലീ​സ് അ​ന്വേ​ഷി​ക്കു​ന്നു​ണ്ട്.