50 വ​ർ​ഷം​ താ​മ​സി​ച്ച ഭൂ​മി​ക്ക്​ പ​ട്ട​യ​മി​ല്ല; കു​ടി​യി​റ​ക്ക​ൽ ഭീ​തി​യി​ൽ കു​ടും​ബം

പു​തു​പൊ​ന്നാ​നി (മലപ്പുറം): 50 വ​ർ​ഷ​മാ​യി താ​മ​സി​ക്കു​ന്ന കൂ​ര​യി​ൽ​നി​ന്ന്​ പ​ട്ട​യ​മി​ല്ലാ​ത്ത​തി​നാ​ൽ തെ​രു​വി​ലി​റ​ങ്ങേ​ണ്ട ഗ​തി​കേ​ടി​ലാ​ണ്​ പു​തു​പൊ​ന്നാ​നി പാ​ല​ത്തി​ന് സ​മീ​പം പു​റ​മ്പോ​ക്കി​ൽ താ​മ​സി​ക്കു​ന്ന തോ​ണി​ക്ക​ട​യി​ൽ ജ​ബ്ബാ​റും കു​ടും​ബ​വും. പ​ട്ട​യ​ത്തി​നാ​യി ഇ​വ​ർ മു​ട്ടാ​ത്ത വാ​തി​ലു​ക​ളി​ല്ല. അ​ദാ​ല​ത്തു​ക​ളി​ലും ഓ​ഫി​സു​ക​ളി​ലും പ​ല​ത​വ​ണ ക​യ​റി​യി​റ​ങ്ങി​യി​ട്ടും നി​രാ​ശ​യാ​യി​രു​ന്നു ഫ​ലം.

ദേ​ശീ​യ​പാ​ത വി​ക​സ​ന​ത്തി​​നാ​യി ഭൂ​മി ഏ​റ്റെ​ടു​ക്കു​മ്പോ​ൾ ന്യാ​യ​വി​ല ല​ഭി​ച്ച് കു​ടും​ബ​ങ്ങ​ൾ മാ​റാ​നൊ​രു​ങ്ങു​മ്പോ​ൾ മു​ന്നി​ൽ ശൂ​ന്യ​ത മാ​ത്ര​മാ​ണ് ഈ ​കു​ടും​ബ​ത്തി​ന്. പു​തു​പൊ​ന്നാ​നി പാ​ലം യാ​ഥാ​ർ​ഥ്യ​മാ​ക്കു​ന്ന​തി​ന് മു​മ്പ് ജ​ബ്ബാ​റി​െൻറ പി​താ​വാ​ണ്​ അ​ര നൂ​റ്റാ​ണ്ട്​ മു​മ്പ്​ ഈ ​ഭൂ​മി​യി​ൽ വീ​ടു​ണ്ടാ​ക്കി​യ​ത്. പി​ന്നീ​ട് പാ​ലം വ​ന്നെ​ങ്കി​ലും എ​ട്ട് സെൻറ്​ പു​റ​മ്പോ​ക്കി​ലെ ഓ​ല മേ​ഞ്ഞ വീ​ട്ടി​ൽ ജ​ബ്ബാ​റും കു​ടും​ബ​വും താ​മ​സി​ച്ചു വ​രി​ക​യാ​യി​രു​ന്നു.

ദേ​ശീ​യ​പാ​ത വി​ക​സ​ന​ത്തി​നാ​യി അ​ള​വെ​ടു​പ്പ് ന​ട​ന്ന​പ്പോ​ൾ വീ​ട് ന​ഷ്​​ട​മാ​വു​മെ​ന്ന് ഉ​റ​പ്പാ​യി. ഇ​തോ​ടെ പ​ട്ട​യ​ത്തി​നാ​യി നി​ര​ന്ത​രം അ​ധി​കൃ​ത​രെ സ​മീ​പി​ച്ചെ​ങ്കി​ലും നി​രാ​ശ​യാ​യി​രു​ന്നു ഫ​ലം. ഇ​തു​കാ​ര​ണം സ​ർ​ക്കാ​ർ ധ​ന​സ​ഹാ​യ​വും ല​ഭി​ക്കി​ല്ലെ​ന്ന സ്ഥി​തി​യാ​ണ്.

പ്ര​ദേ​ശ​ത്തെ 68 സെൻറ്​ പു​റ​മ്പോ​ക്ക് ഭൂ​മി​യി​ലെ പ​ടി​ഞ്ഞാ​റ് ഭാ​ഗ​ത്തു​ള്ള നാ​ല് സെ​െൻറ​ങ്കി​ലും ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് മ​ത്സ്യ​ത്തൊ​ഴി​ലാ​ളി​യാ​യ ജ​ബ്ബാ​റും ഭാ​ര്യ റ​ഹ്മ​ത്തും മ​ക്ക​ളാ​യ ജാ​ബി​റും ഷാ​ഫി​റും.