ഗുണനിലവാരമില്ലാത്ത വിത്തുകള്‍: കർഷകന്​ രണ്ടരലക്ഷം നഷ്​ടപരിഹാരം നൽകണം -ഉപഭോക്തൃ കമീഷന്‍

മ​ല​പ്പു​റം: വി​ത​ര​ണം ചെ​യ്ത പ​പ്പാ​യ തൈ​ക​ള്‍ക്ക് ഗു​ണ​നി​ല​വാ​ര​മി​ല്ലാ​ത്ത​തി​ന് ക​ര്‍ഷ​ക​ന്​ ര​ണ്ട​ര​ല​ക്ഷം രൂ​പ ന​ഷ്​​ട​പ​രി​ഹാ​രം ന​ല്‍ക​ണ​മെ​ന്ന് ജി​ല്ല ഉ​പ​ഭോ​ക്തൃ ത​ര്‍ക്ക പ​രി​ഹാ​ര ക​മീ​ഷ​ന്‍ ഉ​ത്ത​ര​വ്.

കാ​ര്‍ഷി​ക വൃ​ത്തി​യി​ലൂ​ടെ ഉ​പ​ജീ​വ​നം ന​ട​ത്തു​ന്ന മി​ക​ച്ച കൃ​ഷി​ക്കാ​ര​നെ​ന്ന ബ​ഹു​മ​തി നേ​ടി​യ അ​രീ​ക്കോ​ട് ഉ​ഗ്ര​പു​രം സ്വ​ദേ​ശി കാ​ളി​ദാ​സ​ന്‍ ന​ല്‍കി​യ ഹ​ര​ജി​യി​ലാ​ണ് ക​മീ​ഷ​ൻ ഉ​ത്ത​ര​വു​ണ്ടാ​യ​ത്. മ​ല​പ്പു​റം മു​ണ്ടേ​രി വി​ത്തു​കൃ​ഷി തോ​ട്ടം ഡെ​പ്യൂ​ട്ടി ഡ​യ​റ​ക്​​ട​ർ​ക്കാ​ണ്​ ക​മീ​ഷ​ൻ നി​ർ​ദേ​ശം ന​ൽ​കി​യ​ത്.

കൃ​ഷി​ക്കാ​ര​െൻറ ഉ​ൽ​പാ​ദ​ന ചെ​ല​വി​ലേ​ക്ക് 1,35,000 രൂ​പ​യും ന​ഷ്​​ട​പ​രി​ഹാ​ര​മാ​യി 1,00,000 രൂ​പ​യും കോ​ട​തി ചെ​ല​വാ​യി 15,000 രൂ​പ​യും ഒ​രു മാ​സ​ത്തി​ന​കം കൃ​ഷി​ക്കാ​ര​ന്​ ന​ൽ​ക​ണ​മെ​ന്നാ​ണ്​ അ​ഡ്വ. പ്രീ​തി സു​രേ​ഷ്, അ​ഡ്വ. കെ. ​മോ​ഹ​ന്‍ദാ​സ് എ​ന്നി​വ​ര​ട​ങ്ങി​യ ജി​ല്ല ഉ​പ​ഭോ​ക്തൃ ത​ര്‍ക്ക പ​രി​ഹാ​ര ക​മീ​ഷ​ന്‍ വി​ധി​ച്ച​ത്.

മു​ണ്ടേ​രി വി​ത്തു കൃ​ഷി തോ​ട്ട​ത്തി​ല്‍നി​ന്നാ​ണ് 2018 ഫെ​ബ്രു​വ​രി​യി​ല്‍ പ​രാ​തി​ക്കാ​ര​ന്‍ റെ​ഡ്‌​സ​ണ്‍ ഇ​ന​ത്തി​ല്‍പെ​ട്ട 500 പ​പ്പാ​യ തൈ​ക​ള്‍ വാ​ങ്ങി കൃ​ഷി ചെ​യ്ത​ത്. മൂ​ന്നു മാ​സ​ത്തി​ന​കം വി​ള​വു​ണ്ടാ​കും ചെ​റി​യ ഉ​യ​ര​മേ ഉ​ണ്ടാ​കൂ തു​ട​ങ്ങി​യ പ്ര​ത്യേ​ക​ത​ക​ള്‍ മ​ന​സ്സി​ലാ​ക്കി​യാ​ണ് തൈ​ക​ള്‍ വാ​ങ്ങി​യ​ത്. ര​ണ്ടു​മാ​സം പ്രാ​യ​മാ​യ തൈ​ക​ള്‍ വെ​ച്ചു​പി​ടി​പ്പി​ച്ച് മൂ​ന്നു​മാ​സം ക​ഴി​ഞ്ഞും വി​ള​വു ന​ല്‍കാ​തെ​യും നാ​ട​ന്‍ തൈ​ക​ളേ​ക്കാ​ളും ഉ​യ​ര​ത്തി​ല്‍ വ​ള​രാ​നും തു​ട​ങ്ങി​യ​പ്പോ​ള്‍ പ​രാ​തി ന​ല്‍കി​യെ​ങ്കി​ലും പ​രി​ഹാ​ര​മു​ണ്ടാ​യി​ല്ല.

പ​രാ​തി​ക്കാ​ര‍െൻറ സ്ഥ​ലം പ​പ്പാ​യ കൃ​ഷി​ക്ക് പ​റ്റി​യ​ത​ല്ലെ​ന്നും നൂ​റ്റാ​ണ്ടി​ലെ മ​ഹാ​പ്ര​ള​യ​ത്തി​ല്‍ കൃ​ഷി​ന​ശി​ച്ച​താ​ണെ​ന്നു​മു​ള്ള എ​തി​ര്‍ക​ക്ഷി​ക​ളു​ടെ വാ​ദം ക​മീ​ഷ​ന്‍ സ്വീ​ക​രി​ച്ചി​ല്ല.