വി​ല​ക്ക​യ​റ്റം പ​രി​ധി​വി​ടു​ന്നു, ഹോ​ട്ട​ൽ മേ​ഖ​ല​യി​ൽ​ ദു​രി​തം ‘തി​ള​ക്കു​ന്നു’

മ​ല​പ്പു​റം: വി​ല​ക്ക​യ​റ്റ​വും നി​യ​മ​ക്കു​രു​ക്കു​ക​ളും പ​രി​ധി വി​ടു​മ്പോ​ൾ പ്ര​തി​സ​ന്ധി​യു​ടെ രു​ചി​യി​ല്ലാ​ത്ത ക​ഥ​ക​ളാ​ണ്​ ഹോ​ട്ട​ൽ വ്യാ​പാ​രി​ക​ൾ​ക്ക്​ ‘വി​ള​മ്പാ​നു​ള്ള​ത്​’. അ​നി​യ​ന്ത്രി​ത​മാ​യ വി​ല​ക്ക​യ​റ്റ​ത്തി​നൊ​പ്പം തൊ​ഴി​ലാ​ളി ക്ഷാ​മ​വും വൈ​ദ്യു​തി ബി​ല്ലു​ക​ളു​മെ​ല്ലാം ഹോ​ട്ട​ൽ മേ​ഖ​ല​യെ തീ​രാ ദു​രി​ത​ത്തി​ലാ​ക്കി​യി​രി​ക്കു​ക​യാ​ണെ​ന്ന്​ വ്യാ​പാ​രി​ക​ൾ പ​റ​യു​ന്നു. ഹോ​ട്ട​ൽ വ്യാ​പാ​രി​ക​ൾ കു​ടു​ത​ലാ​യി ഉ​പ​യോ​ഗി​ക്കു​ന്ന ഭ​ക്ഷ്യ എ​ണ്ണ, മൈ​ദ, മ​ത്സ്യം, മാം​സം തു​ട​ങ്ങി​യ​വ​ക്കും വി​ല കു​ത്ത​നെ ഉ​യ​രു​ക​യാ​ണ്. പാ​ച​ക വാ​ത​ക സി​ലി​ണ്ട​റി​നും 200 രൂ​പ​ക്ക്​ മു​ക​ളി​ലാ​ണ്​ സ​മീ​പ​കാ​ല​ത്തെ വ​ർ​ധ​ന.

ചി​ക്ക​നും മ​ത്സ്യ​ത്തി​നും ബീ​ഫി​നു​മെ​ല്ലാം വി​ല​യി​ൽ വ​രു​ന്ന മാ​റ്റ​ങ്ങ​ളും ഹോ​ട്ട​ലു​ക​ളെ ബാ​ധി​ക്കു​ന്നു​ണ്ട്. ചി​ല​വും വ​ര​വും ത​മ്മി​ൽ പൊ​രു​ത്ത​പ്പെ​ടാ​നാ​വാ​തെ പ്ര​യാ​സ​ത്തി​ലാ​ണ്​ മി​ക്ക ഹോ​ട്ട​ലു​ക​ളും. വി​ല​ക്ക​യ​റ്റ​ത്തി​ന്​ അ​നു​സ​രി​ച്ച് ചി​ല​ ഹോ​ട്ട​ലു​ക​ൾ​ വി​ല​കൂ​ട്ടി​യി​ട്ടു​ണ്ട്. എ​ന്നാ​ൽ വ​ലി​യ വ​ർ​ധ​ന​വ്​ ക​ച്ച​വ​ട​ത്തെ പ്ര​തി​കൂ​ല​മാ​യി ബാ​ധി​ക്കു​മെ​ന്ന​തി​നാ​ൽ പ​ല​രും അ​തി​ന്​ തു​നി​യാ​റി​ല്ല. ല​ക്ഷ​ങ്ങ​ൾ മു​ത​ൽ മു​ട​ക്കി തു​ട​ങ്ങി​യ ഹോ​ട്ട​ലു​ക​ളി​ൽ പ​ല​തും മു​ന്നോ​ട്ടു പോ​വാ​നാ​വാ​തെ അ​ട​ച്ചു പൂ​ട്ട​ൽ ഭീ​ഷ​ണി​യി​ലാ​ണെ​ന്ന് മേ​ഖ​ല​യി​ലു​ള്ള​വ​ർ പ​റ​യു​ന്നു. പ്ര​തി​സ​ന്ധി​യു​ടെ വ്യാ​പ്തി വ്യ​ക്ത​മാ​ക്കു​ന്ന​താ​ണ്​ വ​ലി​യ പ്ര​തീ​ക്ഷ​യോ​ടെ തു​ട​ങ്ങി അ​ട​ച്ചു പൂ​ട്ടു​ന്ന ഹോ​ട്ട​ലു​ക​ളു​ടെ അ​വ​സ്ഥ. സം​സ്ഥാ​ന​ത്ത്​ നി​ര​വ​ധി ഹോ​ട്ട​ലു​ക​ൾ​ ക​ച്ച​വ​ടം നി​ർ​ത്തി മ​റ്റു മേ​ഖ​ല​ക​ളി​ലേ​ക്ക്​ ചു​വ​ടു​മാ​റ്റി​യി​ട്ടു​ണ്ട്.

ജി​ല്ല​യി​ൽ അ​ട​ച്ചു പൂ​ട്ടി​യ​ത്​ 300ഓ​ളം ഹോ​ട്ട​ലു​ക​ൾ

മ​ല​പ്പു​റം ജി​ല്ല​യി​ൽ ക​ടു​ത്ത സാ​മ്പ​ത്തി​ക പ്ര​തി​സ​ന്ധി​മൂ​ലം 300 ഓ​ളം ഹോ​ട്ട​ലു​ക​ൾ അ​ട​ച്ചു പൂ​ട്ടി​യ​താ​യാ​ണ്​ ല​ഭ്യ​മാ​യ വി​വ​രം. മ​ല​പ്പു​റം മു​നി​സി​പ്പ​ൽ പ​രി​ധി​യി​ൽ മാ​ത്രം 35 ഓ​ളം ഹോ​ട്ട​ലു​ക​ൾ അ​ട​ച്ചു​പൂ​ട്ടി​യി​ട്ടു​ണ്ട്. ഹോ​ട്ട​ൽ ആ​ൻ​ഡ്​ റ​സ്റ്റാ​റ​ന്‍റ്​ അ​സോ​സി​യേ​ഷ​നി​ൽ ര​ജി​സ്റ്റ​ർ ചെ​യ്​​ത ഹോ​ട്ട​ലു​ക​ളു​ടെ ക​ണ​ക്കാ​ണി​ത്. എ​ന്നാ​ൽ മ​റ്റു ഹോ​ട്ട​ലു​ക​ളു​ടെ ക​ണ​ക്ക്​ കൂ​ടി പ​രി​ശോ​ധി​ച്ചാ​ൽ ഇ​തി​ലും കൂ​ടു​മെ​ന്നു​റ​പ്പാ​ണ്. നാ​ട്ടി​ൽ ഏ​റ്റ​വും കൂ​ടു​ത​ൽ​പേ​ർ​ക്ക്​ ജോ​ലി ന​ൽ​കു​ന്ന ബി​സി​ന​സാ​യി​ട്ടും പ്ര​കൃ​തി ദു​ര​ന്ത​ങ്ങ​ളി​ലു​ൾ​പ്പെ​ടെ ഭ​ക്ഷ​ണ​മെ​ത്തി​ക്കാ​നും മ​റ്റു സ​ഹാ​യ​ങ്ങ​ളെ​ത്തി​ക്കാ​നും ഹോ​ട്ട​ൽ വ്യാ​പാ​രി​ക​ൾ മു​ൻ​പ​ന്തി​യി​ലു​ണ്ടാ​യി​ട്ടും സ​ർ​ക്കാ​റി​ന്‍റെ ഒ​രു ആ​നു​കൂ​ല്യ​വും പ​രി​ഗ​ണ​ന​യും ല​ഭി​ക്കാ​ത്ത മേ​ഖ​ല​യാ​ണ്​ ഹോ​ട്ട​ലു​ക​ളെ​ന്നും​ വ്യാ​പാ​രി​ക​ൾ സ​ങ്ക​ടം പ​റ​യു​ന്നു.

സ​മ​ര​ത്തി​നി​റ​ങ്ങും

അ​വ​ശ്യ സാ​ധ​ന​ങ്ങ​ളു​ടെ അ​നി​യ​ന്ത്രി​ത വി​ല​വ​ര്‍ധ​ന​വ്, ബ​ദ​ല്‍ സം​വി​ധാ​ന​മി​ല്ലാ​ത്ത പ്ലാ​സ്റ്റി​ക് നി​രോ​ധ​നം എ​ന്നീ പ്ര​തി​സ​ന്ധി​ക​ൾ പ​രി​ഹ​രി​ക്കാ​ൻ സ​ർ​ക്കാ​ർ ഇ​ട​പെ​ട​ൽ വേ​ണ​മെ​ന്നാ​വ​ശ്യ​പ്പെ​ട്ട്​ കേ​ര​ള ഹോ​ട്ട​ല്‍ ആ​ൻ​ഡ്​ റ​സ്റ്റാ​റ​ന്‍റ്​ അ​സോ​സി​യേ​ഷ​ന്‍ സ​മ​ര​ത്തി​നി​റ​ങ്ങു​ക​യാ​ണ്. ആ​ദ്യ​ഘ​ട്ട​മെ​ന്ന നി​ല​ക്ക്​ ചൊ​വ്വാ​ഴ്ച രാ​വി​ലെ 10ന്​ ​മ​ല​പ്പു​റം ക​ല​ക്ട​റേ​റ്റി​ന് മു​ന്നി​ല്‍ ധ​ര്‍ണ ന​ട​ത്തും.

പി​ടി​ച്ചുനി​ൽ​ക്കാ​നാ​വാ​ത്ത സ്ഥി​തി; സ​ർ​ക്കാ​ർ ഇ​ട​പെ​ട​ണം -​കെ.​എ​ച്ച്.​ആ​ർ.​എ

വി​ല​ക​യ​റ്റം മൂ​ലം ജി​ല്ല​യി​ലെ ഭൂ​രി​ഭാ​ഗം ഹോ​ട്ട​ലു​ക​ളും നി​ല​നി​ൽ​ക്കാ​ൻ പ്ര​യാ​സ​പ്പെ​ടു​ക​യാ​ണെ​ന്ന്​ കേ​ര​ള ഹോ​ട്ട​ൽ ആ​ൻ​ഡ്​ റ​സ്റ്റാ​റ​ന്റ്​ അ​സോ​സി​യേ​ഷ​ൻ ജി​ല്ല പ്ര​സി​ഡ​ന്‍റ്​ സി.​എ​ച്ച്.​ അ​ബ്​​ദു സ​മ​ദ്​ പ​റ​ഞ്ഞു.

സാ​ധ​ന​ങ്ങ​ളു​ടെ വി​ല വ​ർ​ധ​ന, ലൈ​സ​ൻ​സ്​ ഫീ, ​വൈ​ദ്യു​തി ബി​ൽ വ​ർ​ധ​ന എ​ന്നി​വ​യെ​ല്ലാം ഈ ​മേ​ഖ​ല​യെ ത​ള​ർ​ത്തു​ക​യാ​ണ്. കെ​ട്ടി​ട വാ​ട​ക​ക്ക്​ അ​നു​സൃ​ത​മാ​യി ജി.​എ​സ്.​ടി കൂ​ടി ന​ൽ​ക​ണ​മെ​ന്ന നി​ർ​ദ്ദേ​ശം കൂ​ടി പ്രാ​ബ​ല്യ​ത്തി​ലാ​യാ​ൽ ഈ ​മേ​ഖ​ല​ക്ക്​ കൂ​ടു​ത​ൽ തി​രി​ച്ച​ടി​യാ​കും. ഹോ​ട്ട​ൽ ​മേ​ഖ​ല​യെ സം​ര​ക്ഷി​ക്കാ​ൻ സ​ർ​ക്കാ​ർ ഇ​ട​പെ​ട്ട്​ വി​ല​വ​ർ​ധ​ന ത​ട​യ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.