പു​ലാ​മ​ന്തോ​ൾ-​മേ​ലാ​റ്റൂ​ർ റോ​ഡ് യാ​ത്രാ​ദു​രി​ത​ത്തി​ന് മൂ​ന്നാ​ണ്ട്

പു​ലാ​മ​ന്തോ​ൾ: മേ​ലാ​റ്റൂ​ർ-​പു​ലാ​മ​ന്തോ​ൾ റൂ​ട്ടി​ലെ യാ​ത്രാ​ദു​രി​ത​ത്തി​ന് സെ​പ്റ്റം​ബ​ർ 29ന് ​മൂ​ന്നാ​ണ്ട് തി​ക​യു​ന്നു. നി​ല​മ്പൂ​ർ-​പെ​രു​മ്പി​ലാ​വ് റൂ​ട്ടി​ൽ പു​ലാ​മ​ന്തോ​ൾ മു​ത​ൽ മേ​ലാ​റ്റൂ​ർ വ​രെ​യു​ള്ള 30 കി​ലോ​മീ​റ്റ​ർ റോ​ഡാ​ണ് 140 കോ​ടി ചെ​ല​വ​ഴി​ച്ച് ന​വീ​ക​രി​ക്കാ​ൻ ക​രാ​ർ ന​ൽ​കി​യ​ത്. 18 മാ​സ​മാ​യി​രു​ന്നു നി​ർ​മാ​ണ കാ​ലാ​വ​ധി. 2020 സെ​പ്റ്റം​ബ​ർ 29ന് ​മു​ഖ്യ​മ​ന്ത്രി ഉ​ദ്ഘാ​ട​നം നി​ർ​വ​ഹി​ച്ച റോ​ഡി​ന്‍റെ 50 ശ​ത​മാ​നം മാ​ത്ര​മാ​ണ് മൂ​ന്നാ​ണ്ട് തി​ക​ഞ്ഞി​ട്ടും പൂ​ർ​ത്തി​യാ​ക്കാ​നാ​യ​ത്.

പെ​രി​ന്ത​ൽ​മ​ണ്ണ-​പു​ലാ​മ​ന്തോ​ൾ റൂ​ട്ടി​ലാ​ണ് പൊ​തു​ജ​ന​ങ്ങ​ളും യാ​ത്ര​ക്കാ​രും ഏ​റെ ദു​രി​തം പേ​റു​ന്ന​ത്. മു​റ​വി​ളി​ക​ൾ​ക്കൊ​ടു​വി​ൽ ഏ​താ​നും ഭാ​ഗ​ങ്ങ​ൾ മാ​ത്ര​മാ​ണ് ഭാ​ഗി​ക​മാ​യി പ​ണി ന​ട​ത്തി​യ​ത്. റോ​ഡി​ലെ കു​ഴി​ക​ൾ കാ​ര​ണം വാ​ഹ​നാ​പ​ക​ട​ങ്ങ​ൾ നി​ത്യ​സം​ഭ​വ​മാ​ണ്. വീ​ടു​ക​ൾ​ക്കും ക​ച്ച​വ​ട സ്ഥാ​പ​ന​ങ്ങ​ൾ​ക്കും മു​ന്നി​ലു​ള്ള റോ​ഡി​ലെ കു​ഴി​ക​ൾ ഉ​ട​മ​ക​ൾ ത​ന്നെ മ​ണ്ണും ക​ല്ലും കൊ​ണ്ടു​വ​ന്നി​ട്ട് അ​ട​ക്കേ​ണ്ട ഗ​തി​കേ​ടി​ലാ​ണ്.

ന​ജീ​ബ് കാ​ന്ത​പു​രം എം.​എ​ൽ.​എ നി​യ​മ​സ​ഭ​യി​ൽ മൂ​ന്നു​ത​വ​ണ സ​ബ്മി​ഷ​നി​ലൂ​ടെ പ്ര​ശ്നം ഉ​ന്ന​യി​ച്ചി​രു​ന്നു. മൂ​ന്നാ​മ​ത്തെ സ​ബ്മി​ഷ​നി​ൽ പെ​രി​ന്ത​ൽ​മ​ണ്ണ-​പു​ലാ​മ​ന്തോ​ൾ റോ​ഡ് സം​സ്ഥാ​ന പ​രി​ധി​യി​ൽ​നി​ന്ന് നീ​ക്കം ചെ​യ്തി​ട്ടു​ണ്ടോ എ​ന്ന് ചോ​ദി​ച്ചാ​യി​രു​ന്നു തു​ട​ക്കം. ക​രാ​റു​കാ​രെ​ക്കൊ​ണ്ട് ജോ​ലി ചെ​യ്യി​ക്കാ​ൻ ഉ​ദ്യോ​ഗ​സ്ഥ​ർ​ക്കാ​വു​ന്നി​ല്ലെ​ന്നും ഇ​വ​രെ ക​രി​മ്പ​ട്ടി​ക​യി​ൾ ഉ​ൾ​പ്പെ​ടു​ത്തി പി​രി​ച്ചു​വി​ടാ​ൻ സം​സ്ഥാ​ന സ​ർ​ക്കാ​റി​നാ​വു​ന്നി​ല്ലെ​ന്നും പ്ര​ദേ​ശ​വാ​സി​ക​ളു​ടെ​യും വാ​ഹ​ന ഉ​ട​മ​ക​ളു​ടെ​യും സ​ങ്ക​ടം കേ​ട്ട് മ​ടു​ത്തെ​ന്നും ക​ഴി​ഞ്ഞ​ദി​വ​സം നി​യ​മ​സ​ഭ​യി​ൽ അ​ദ്ദേ​ഹം പ​രി​ത​പി​ക്കു​ക​യു​ണ്ടാ​യി.