റ​മി​ൽ യാ​ത്ര​യാ​യി; മെ​സി​യെ ‘ത​നി​ച്ചാ​ക്കി’

തു​വ്വൂ​ർ: വെ​ള്ളി​യാ​ഴ്ച രാ​വി​ലെ ലോ​ക​ക​പ്പ് ഫു​ട്ബാ​ൾ യോ​ഗ്യ​ത റൗ​ണ്ടി​ൽ ല​യ​ണ​ൽ മെ​സി എ​ക്വ​ഡോ​റി​ന്റെ വ​ല കു​ലു​ക്കു​മ്പോ​ൾ റ​മി​ൽ സേ​വ്യ​ർ തു​വ്വൂ​രി​ലെ വീ​ട്ടി​ൽ നി​ത്യ​നി​ദ്ര​യി​ലാ​യി​രു​ന്നു; അ​ർ​ജ​ന്റീ​ന​യു​ടെ നീ​ല​യും വെ​ള്ള​യും പ​താ​ക പു​ത​ച്ച്. തു​വ്വൂ​ർ ചെ​മ്മ​ന്തി​ട്ട പ​യ്യ​പ്പി​ള്ളി​ൽ സേ​വ്യ​റി​ന്റെ മ​ക​ൻ റ​മി​ൽ സേ​വ്യ​ർ ക​ര​ൾ​രോ​ഗ​ബാ​ധി​ത​നാ​യ​പ്പോ​ൾ സു​ഹൃ​ത്തു​ക്ക​ളു​മാ​യി പ​ങ്കു​വെ​ച്ച അ​വ​സാ​ന ആ​ഗ്ര​ഹ​മാ​യി​രു​ന്നു അ​ത്. മൃ​ത​ദേ​ഹം സം​സ്കാ​ര​ത്തി​നെ​ടു​ക്കും മു​മ്പ് സു​ഹൃ​ത്തു​ക്ക​ൾ ആ ​ആ​ഗ്ര​ഹം നി​റ​വേ​റ്റു​ക​യും ചെ​യ്തു. മെ​സി​യെ അ​ത്ര​മേ​ൽ ഹൃ​ദ​യ​ത്തി​ൽ കൊ​ണ്ടു​ന​ട​ന്നി​രു​ന്നു ഈ 42​കാ​ര​ൻ.

മെ​സി ഖ​ത്ത​ർ ലോ​ക​ക​പ്പു​യ​ർ​ത്തി​യ അ​ന്ന് റ​മി​ൽ പ​റ​ഞ്ഞ​ത് ഇ​ങ്ങ​നെ: ‘എ​ന്റെ ജീ​വി​തം പൂ​ർ​ണ​മാ​യി. ഇ​നി മ​രി​ച്ചാ​ലും എ​നി​ക്ക് സ​ങ്ക​ട​മി​ല്ല’. ഈ ​വാ​ക്കു​ക​ളാ​ണ് ഇ​ന്ന​ലെ അ​റം​പ​റ്റി​യ​ത്. തു​വ്വൂ​രി​ലെ ഫു​ട്ബാ​ൾ ആ​രാ​ധ​ക​രെ മു​ഴു​വ​ൻ സ​ങ്ക​ട​പ്പെ​ടു​ത്തി വെ​ള്ളി​യാ​ഴ്ച പു​ല​ർ​ച്ചെ റ​മി​ൽ യാ​ത്ര​യാ​യി; മെ​സി​യും ഫു​ട്ബാ​ൾ ആ​ര​വ​ങ്ങ​ളു​മി​ല്ലാ​ത്ത ലോ​ക​ത്തേ​ക്ക്. മെ​സി​യെ ശ​രി​ക്കും ജീ​വി​ത​ത്തി​ൽ കൊ​ണ്ടു​ന​ട​ക്കു​ക​യാ​യി​രു​ന്നു റ​മി​ൽ. വാ​ഹ​ന​ത്തി​ൽ മെ​സി​യു​ടെ ചി​ത്രം, കൊ​ച്ചു​വീ​ടി​ന്റെ ചു​മ​രി​ലും ചി​രി​ച്ചു​നി​ൽ​ക്കു​ന്ന മെ​സി ചി​ത്രം. ലോ​ക​ക​പ്പ് ക​ഴി​യും വ​രെ അ​ണി​ഞ്ഞ​ത് അ​ർ​ജ​ന്റീ​നി​യ​ൻ ജ​ഴ്സി. വീ​ട്ടി​ൽ വ​ള​ർ​ത്തി​യ​ത് പോ​ലും വെ​ള്ള​യും നീ​ല​യും നി​റ​മു​ള്ള ഇ​ണ​പ​ക്ഷി​ക​ളെ. റി​ട്ട. അ​ധ്യാ​പി​ക സാ​റാ​മ്മ​യാ​ണ് മാ​താ​വ്. ഏ​ക സ​ഹോ​ദ​ര​ൻ കോ​വി​ഡ് ബാ​ധി​ച്ച് അ​യ​ർ​ല​ൻ​ഡി​ൽ വെ​ച്ച് മ​രി​ച്ചു. അ​വി​വാ​ഹി​ത​നാ​യ റ​മി​ൽ സ്വ​കാ​ര്യ ബ​സ് ജീ​വ​ന​ക്കാ​ര​നാ​യി​രു​ന്നു.