പലവട്ടം പുനഃപരിശോധന; ലൈഫ് രണ്ടാം പട്ടികയിൽ ഉൾപ്പെടാതെ മലപ്പുറത്ത് അർഹർ നിരവധി

പെ​രി​ന്ത​ൽ​മ​ണ്ണ: ലൈ​ഫ് മി​ഷ​ൻ സ​മ്പൂ​ർ​ണ പാ​ർ​പ്പി​ട സു​ര​ക്ഷ പ​ദ്ധ​തി​യി​ൽ വ​ർ​ഷ​ങ്ങ​ളാ​യി വീ​ടി​ന് കാ​ത്തി​രു​ന്ന് അ​വ​സാ​ന​ഘ​ട്ട​ത്തി​ൽ ത​ഴ​യ​പ്പെ​ട്ട​വ​ർ ആ​യി​ര​ങ്ങ​ൾ. സാ​ങ്കേ​തി​ക​മാ​യ കാ​ര​ണ​ങ്ങ​ൾ അ​പ്പ​പ്പോ​ൾ സ​ർ​ക്കാ​ർ ത​ന്നെ ക​ണ്ടെ​ത്തി പ​ട്ടി​ക ഓ​രോ ത​വ​ണ​യും ചെ​റു​താ​ക്കു​ക​യാ​യി​രു​ന്നു​വെ​ന്നാ​ണ് ആ​ക്ഷേ​പം.

2020ലാ​ണ് ര​ണ്ടാം ഘ​ട്ട​ത്തി​ലേ​ക്ക് ഓ​ൺ​ലൈ​നാ​യി അ​പേ​ക്ഷ ക്ഷ​ണി​ച്ച​ത്. വി​വി​ധ ക്ലേ​ശ​ഘ​ട​ക​ക​ങ്ങ​ൾ ചേ​ർ​ത്ത് അ​പേ​ക്ഷ​ക​ർ ന​ൽ​കി​യ വി​വ​ര​ങ്ങ​ൾ പ​രി​ശോ​ധി​ച്ച് ആ​ദ്യം ക​ര​ട് പ​ട്ടി​ക പു​റ​ത്തി​റ​ക്കി. പി​ന്നീ​ട് ഇ​തി​ൽ അ​ന​ർ​ഹ​ർ ക​ട​ന്നു​കൂ​ടി​യെ​ന്ന് ചൂ​ണ്ടി​ക്കാ​ട്ടി സ​ർ​ക്കാ​ർ ര​ണ്ടാം​ഘ​ട്ട പു​നഃ​പ​രി​ശോ​ധ​ന ന​ട​ത്തി. വീ​ണ്ടും എ​ണ്ണം വെ​ട്ടി​ക്കു​റ​ച്ചാ​ണ് 2022 ജൂ​ൺ 10ന് ​പ​ട്ടി​ക ഇ​റ​ങ്ങി​യ​ത്. ആ ​ക​ര​ട് പ​ട്ടി​ക​യി​ൽ മ​ല​പ്പു​റ​ത്ത് 32,154 ഭൂ​മി​യു​ള്ള ഭ​വ​ന​ര​ഹി​ത​രും 14,756 ഭൂ​മി​യും വീ​ടു​മി​ല്ലാ​ത്ത​വ​രു​മാ​ണ്. ഓ​ൺ​ലൈ​നി​ൽ അ​പേ​ക്ഷ ന​ൽ​കി​യ​തി​ൽ 10 മു​ത​ൽ 30 വ​രെ ശ​ത​മാ​നം അ​പേ​ക്ഷ​ക​ർ മി​ക്ക പ​ഞ്ചാ​യ​ത്തു​ക​ളി​ലും കു​റ​ഞ്ഞി​ട്ടു​ണ്ട്.

2018 മു​ത​ൽ 2022 വ​രെ സം​സ്ഥാ​ന​ത്ത് ത​ദ്ദേ​ശ​സ്ഥാ​പ​ന​ങ്ങ​ൾ വ​ഴി വീ​ടു​ക​ൾ അ​നു​വ​ദി​ക്കു​ന്ന ഗു​ണ​ഭോ​ക്താ​ക്ക​ളെ ക​ണ്ടെ​ത്തു​ന്ന ന​ട​പ​ടി​ക​ളൊ​ന്നും ന​ട​ക്കാ​ത്ത​തി​ൽ ത​ദ്ദേ​ശ​സ്ഥാ​പ​ന അം​ഗ​ങ്ങ​ൾ വ​ലി​യ സ​മ്മ​ർ​ദ​ത്തി​ലാ​യി​രു​ന്നു. 2020ൽ ​അ​പേ​ക്ഷ ക്ഷ​ണി​ച്ച് പ​ട്ടി​ക പു​റ​ത്തി​റ​ത്തി​റ​ക്കാ​ൻ ര​ണ്ട​ര വ​ർ​ഷ​ത്തോ​ളം കാ​ത്തി​രി​ക്കേ​ണ്ടി വ​ന്ന​തോ​ടെ ബ്ലേ​ഡ് പ​ലി​ശ​ക്ക് വ​രെ വാ​യ്പ​യെ​ടു​ത്ത് പ​ല​രും വീ​ട് പ​ണി തു​ട​ങ്ങി. അ​തി​നും വ​ഴി​യി​ല്ലാ​ത്ത​വ​രാ​ണ് ഇ​പ്പോ​ഴും ഈ ​പ​ട്ടി​ക​യി​ൽ. അ​പേ​ക്ഷ സ്വീ​ക​രി​ച്ച ശേ​ഷം 2021ൽ ​ആ​ദ്യം പ​ഞ്ചാ​യ​ത്തി​ലെ അ​ധ്യാ​പ​ക​ര​ട​ക്കം ഉ​ദ്യോ​ഗ​സ്ഥ​രെ വെ​ച്ച് ഒ​ന്നാം​ഘ​ട്ടം മാ​ന​ദ​ണ്ഡ​ങ്ങ​ൾ ശ​രി​യാ​ണോ എ​ന്ന് ഉ​റ​പ്പു​വ​രു​ത്ത​ൽ, ശേ​ഷം ബ്ലോ​ക്ക് ലെ​വ​ൽ ഉ​ദ്യോ​ഗ​സ്ഥ​ർ, പി​ന്നീ​ട് ക​ല​ക്ട​റേ​റ്റി​ൽ നി​ന്നു​ള്ള ഉ​ദ്യോ​ഗ​സ്ഥ​ർ എ​ന്നി​ങ്ങ​നെ പ​രി​ശോ​ധ​ന ന​ട​ത്തി​യി​രു​ന്നു. അ​ന​ർ​ഹ​രെ​ന്ന് ചൂ​ണ്ടി​ക്കാ​ട്ടി ത​ഴ​യ​പ്പെ​ട്ട​വ​ർ​ക്ക് 2022 ജൂ​ണി​ൽ അ​പ്പീ​ൽ ന​ൽ​കാ​നു​ള്ള സ​മ​യം ന​ൽ​കി​യെ​ങ്കി​ലും അ​ർ​ഹ​ത​യു​ണ്ടാ​യി​ട്ടും വി​ര​ലി​ലെ​ണ്ണാ​വു​ന്ന​വ​ർ മാ​ത്ര​മാ​ണ് അ​തി​ലൂ​ടെ പ​ട്ടി​ക​യി​ൽ വ​ന്ന​ത്. ഒ​ന്നാം പി​ണ​റാ​യി സ​ർ​ക്കാ​ർ 2017 ജ​നു​വ​രി 18, 19 തീ​യ​തി​ക​ളി​ൽ കു​ടും​ബ​ശ്രീ മു​ഖേ​ന അ​പേ​ക്ഷ ക്ഷ​ണി​ച്ച് വി​വി​ധ ഘ​ട്ട​ങ്ങ​ളി​ലൂ​ടെ അ​ർ​ഹ​രെ വേ​ർ​തി​രി​ച്ച് പ​ട്ടി​ക പ​ല​വ​ട്ടം ചു​രു​ക്കി​യാ​ണ് 2020 വ​രെ ലൈ​ഫ് പ​ദ്ധ​തി​ക്ക് ഗു​ണ​ഭോ​ക്താ​ക്ക​ളെ ക​ണ്ടെ​ത്തി​യ​ത്.

ത​ഴ​യ​പ്പെ​ടാ​ൻ കാ​ര​ണ​ങ്ങ​ൾ പ​ല​തും വി​ചി​ത്രം

വി​വാ​ഹം ചെ​യ്ത​യ​ച്ച യു​വ​തി ഭ​ർ​ത്താ​വി​ന്റെ നാ​ട്ടി​ൽ കു​ടും​ബ​മാ​യി വീ​ടു​വെ​ച്ച​തി​നാ​ൽ യു​വ​തി​യു​ടെ കു​ടും​ബ​ത്തി​ന് വീ​ട് ത​ഴ​യ​പ്പെ​ട്ട​താ​ണ് ആ​ലി​പ്പ​റ​മ്പ് ഗ്രാ​മ​പ​ഞ്ചാ​യ​ത്തി​ൽ നി​ന്നു​ള്ള ഒ​രു പ​രാ​തി. ലൈ​ഫി​ൽ അ​പേ​ക്ഷ ക്ഷ​ണി​ക്കു​മ്പോ​ൾ യു​വ​തി കു​ടും​ബ​ത്തി​ലെ റേ​ഷ​ൻ കാ​ർ​ഡി​ൽ ഉ​ണ്ടാ​യി​രു​ന്നെ​ന്നും അ​വ​രു​ടെ കൂ​ടി പേ​രി​ലാ​ണ് അ​വ​രും ഭ​ർ​ത്താ​വും പു​തി​യ വീ​ടു​വെ​ച്ച​ത് എ​ന്നു​മാ​ണ് പാ​വ​പ്പെ​ട്ട കു​ടും​ബ​ത്തി​ന് ത​ട​സ്സ​മാ​യ​ത്.

മ​റ്റൊ​രി​ട​ത്ത് നേ​ര​ത്തേ കാ​ർ​ഡി​ൽ ഉ​ണ്ടാ​യി​രു​ന്ന മൂ​ത്ത സ​ഹോ​ദ​ര​ൻ​മാ​ർ വീ​ടു​വെ​ച്ച് താ​മ​സം തു​ട​ങ്ങി​യെ​ന്നും അ​പേ​ക്ഷ​ക​ൻ അ​പേ​ക്ഷ ന​ൽ​കു​മ്പോ​ൾ ആ ​കാ​ർ​ഡി​ൽ ഇ​വ​ർ ഉ​ൾ​പ്പെ​ട്ടി​രു​ന്ന​താ​ണ് ത​ട​സ്സം. അ​പേ​ക്ഷ ന​ൽ​കു​ന്ന വേ​ള​യി​ൽ വേ​റെ വീ​ടു​വെ​ച്ചി​ട്ടി​ല്ലെ​ന്നാ​ണ് പ​രി​ശോ​ധ​ന​യി​ൽ ഉ​റ​പ്പാ​ക്കി​യ​ത്. ഗ​ത്യ​ന്ത​ര​മി​ല്ലാ​തെ ഇ​ത്ത​ര​ത്തി​ൽ ക​ടം​വാ​ങ്ങി​യും പ​ലി​ശ​ക്കെ​ടു​ത്തും വീ​ടു​വെ​ച്ച് മാ​റി​യ​വ​ർ ഉ​ൾ​പ്പെ​ട്ട കാ​ർ​ഡി​ൽ ഉ​ള്ള മ​റ്റു അ​ർ​ഹ​ർ പ​ല​രും ത​ഴ​യ​പ്പെ​ട്ടു.

കി​ട്ടി​യ വീ​ട് വേ​ണ്ടെ​ന്ന​റി​യി​ച്ച് പെ​രി​ന്ത​ൽ​മ​ണ്ണ ന​ഗ​ര​സ​ഭ​യി​ൽ 17 പേ​ർ

ഗു​ണ​ഭോ​ക്താ​ക്ക​ളു​ടെ​യും അ​ർ​ഹ​രു​ടെ​യും ആ​ധി​ക്യം കൊ​ണ്ട് ലൈ​ഫ് ഭ​വ​ന പ​ദ്ധ​തി​യി​ൽ ത​ഴ​യ​പ്പെ​ട്ട പ​രാ​തി​ക​ൾ കു​ന്നു​കൂ​ടു​മ്പോ​ൾ ല​ഭി​ച്ച വീ​ട് വേ​ണ്ടെ​ന്ന് ചൂ​ണ്ടി​ക്കാ​ട്ടി ഒ​രു ത​ദ്ദേ​ശ സ്ഥാ​പ​ന​ത്തി​ൽ 17 കു​ടും​ബ​ങ്ങ​ൾ. പെ​രി​ന്ത​ൽ​മ​ണ്ണ ന​ഗ​ര​സ​ഭ​യി​ലെ ലൈ​ഫ് ര​ണ്ടാം ഘ​ട്ട പ​ദ്ധ​തി​യി​ൽ വ​ന്ന 165ഓ​ളം പേ​രു​ള്ള പ​ട്ടി​ക​യി​ലെ 17 കു​ടും​ബ​ങ്ങ​ളാ​ണ് വീ​ട് വേ​ണ്ടെ​ന്ന് പ​റ​ഞ്ഞ് ന​ഗ​ര​സ​ഭ​യെ സ​മീ​പി​ച്ച​ത്.

വീ​ട​നു​വ​ദി​ക്കു​ന്ന​തി​ന് മു​മ്പ് ഭൂ​മി സ്വ​ന്ത​മാ​ക്കാ​ൻ ക​രു​തി​യ​വ​ർ​ക്ക് ക​രു​തി​യ ഭാ​ഗ​ത്ത് കി​ട്ടാ​ത്ത​തും കു​ടും​ബ​ത്തി​ൽ​നി​ന്ന് അ​വ​കാ​ശം ല​ഭി​ക്കാ​ത്ത​തും ദ​മ്പ​തി​ക​ൾ പി​രി​ഞ്ഞ​തും സ​ർ​ക്കാ​ർ ന​ൽ​കു​ന്ന നാ​ല് ല​ക്ഷം കൊ​ണ്ട് വീ​ട് പൂ​ർ​ത്തി​യാ​ക്കാ​ൻ ക​ഴി​യാ​ത്ത​തു​മ​ട​ക്കം വ്യ​ത്യ​സ്ത​മാ​ണ് കാ​ര​ണ​ങ്ങ​ൾ.ഇ​തി​ൽ പ​കു​തി​യും ജ​ന​റ​ൽ വി​ഭാ​ഗ​ക്കാ​രാ​ണ്. ഇ​വ​രു​ടെ അ​പേ​ക്ഷ സ്വീ​ക​രി​ച്ച് ചൊ​വ്വാ​ഴ്ച​യാ​ണ് ന​ഗ​ര​സ​ഭ തീ​രു​മാ​ന​മെ​ടു​ത്ത​ത്.