മ​ല​പ്പു​റം ന​ഗ​ര​സ​ഭ​യിൽ ആകെ മൊത്തം അപാകത

മ​ല​പ്പു​റം: 2019 -20 സാ​മ്പ​ത്തി​ക വ​ർ​ഷ​ത്തെ ഓ​ഡി​റ്റ് റി​പ്പോ​ർ​ട്ടി​ൽ മ​ല​പ്പു​റം ന​ഗ​ര​സ​ഭ ഭ​ര​ണ​സ​മി​തി​ക്കെ​തി​രെ ഗു​രു​ത​ര പ​രാ​മ​ർ​ശ​ങ്ങ​ൾ. തെ​രു​വു​വി​ള​ക്ക് അ​റ്റ​കു​റ്റ​പ്പ​ണി, മ​ലി​ന​ജ​ല ശു​ദ്ധീ​ക​ര​ണ പ്ലാ​ന്‍റ് സ്ഥാ​പി​ക്ക​ൽ, വാ​ട​ക​ക്ക് കെ​ട്ടി​ടം ന​ൽ​ക​ൽ, ന​ഗ​ര​സ​ഭാ​ധ്യ​ക്ഷ​ക്ക് വാ​ഹ​നം വാ​ങ്ങ​ൽ, എ‍െൻറ ഹോ​ട്ട​ൽ പ​ദ്ധ​തി​ക്ക് റി​വോ​ൾ​വി​ങ് ഫ​ണ്ട് ന​ൽ​ക​ൽ തു​ട​ങ്ങി​യ​വ​യി​ലാ​ണ് അ​പാ​ക​ത​ക​ൾ ചൂ​ണ്ടി​ക്കാ​ട്ടു​ന്ന​ത്.

തെ​രു​വു​വി​ള​ക്ക് അ​റ്റ​കു​റ്റ​പ്പ​ണി​യി​ൽ നി​യ​മ​ങ്ങ​ൾ പാ​ലി​ച്ചി​ല്ല

തെ​രു​വു​വി​ള​ക്കു​ക​ൾ അ​റ്റ​കു​റ്റ​പ്പ​ണി ന​ട​ത്തു​ന്ന​തി​ലും അ​നു​ബ​ന്ധ സാ​മ​ഗ്രി​ക​ൾ വാ​ങ്ങി​യ​തി​ലും ന​ഗ​ര​സ​ഭ സ​ർ​ക്കാ​ർ നി​യ​മ​ങ്ങ​ൾ പാ​ലി​ച്ചി​ല്ലെ​ന്ന​താ​ണ് ക​ണ്ടെ​ത്ത​ൽ. 18.20 ല​ക്ഷം രൂ​പ​യാ​ണ് ഇ​ക്കാ​ല​യ​ള​വി​ൽ തെ​രു​വു​വി​ള​ക്ക് വാ​ങ്ങാ​നും അ​റ്റ​കു​റ്റ​പ്പ​ണി​ക​ൾ ന​ട​ത്താ​നും വി​നി​യോ​ഗി​ച്ച​ത്.

എ​സ്റ്റി​മേ​റ്റ് ത​യാ​റാ​ക്കാ​തെ പ​ണി പൂ​ർ​ത്തി​യാ​ക്കി. പ​ദ്ധ​തി നി​ർ​വ​ഹ​ണ​ത്തി​ന് മു​മ്പ് നി​ല​വി​ൽ പ്ര​വ​ർ​ത്തി​ക്കു​ന്ന​തും പ്ര​വ​ർ​ത്ത​ന​ര​ഹി​ത​വു​മാ​യ വി​വ​ര​ങ്ങ​ൾ ല​ഭ്യ​മാ​ക്കി​യി​ല്ല. ന​ഗ​ര​സ​ഭ​യും കെ.​എ​സ്.​ഇ.​ബി​യും സം​യു​ക്ത പ​രി​ശോ​ധ​ന ന​ട​ത്തി​യ​തു​മി​ല്ല. തെ​രു​വു​വി​ള​ക്ക് പ​ണി വൈ​ദ്യു​തി വ​കു​പ്പി‍െൻറ അം​ഗീ​കാ​ര​മി​ല്ലാ​തെ ക​രാ​റു​കാ​രെ ഏ​ൽ​പി​ക്ക​രു​ത് എ​ന്ന ച​ട്ട​വും പാ​ലി​ച്ചി​ല്ല. കെ.​എ​സ്.​ഇ.​ബി അ​സി. എ​ൻ​ജി​നീ​യ​റു​ടെ മേ​ൽ​നോ​ട്ട​ത്തി​ലാ​യി​രി​ക്ക​ണം അ​റ്റ​കു​റ്റ​പ്പ​ണി.

സാ​മ​ഗ്രി​ക​ളു​ടെ വി​ല വൈ​ദ്യു​തി ബോ​ർ​ഡ് നി​ശ്ച​യി​ച്ച നി​ര​ക്കി​നെ​ക്കാ​ൾ കൂ​ടാ​നും പാ​ടി​ല്ല. വ്യ​വ​സ്ഥ​ക​ൾ പാ​ലി​ക്കു​ന്നു​ണ്ടോ എ​ന്നു​റ​പ്പാ​ക്കാ​ൻ വൈ​ദ്യു​തി വ​കു​പ്പും ന​ഗ​ര​സ​ഭ​യും ക​രാ​റു​കാ​ര​നും പ്രാ​രം​ഭ​ഘ​ട്ടം മു​ത​ൽ സം​യു​ക്ത പ​രി​ശോ​ധ​ന ന​ട​ത്തേ​ണ്ട​തു​ണ്ട്. പ​ണി ആ​രം​ഭി​ക്കു​മ്പോ​ൾ പ​രാ​തി പു​സ്ത​കം വെ​ക്കേ​ണ്ട​തു​ണ്ട്. അ​തി​ൽ രേ​ഖ​പ്പെ​ടു​ത്തി​യ പ​രാ​തി​ക​ൾ സ​മ​യ​ബ​ന്ധി​ത​മാ​യി പ​രി​ഹ​രി​ക്ക​ണ​മെ​ന്ന വ്യ​വ​സ്ഥ ക​രാ​റു​കാ​ര​ൻ പാ​ലി​ച്ചി​ല്ല. വാ​ങ്ങു​ന്ന ഉ​പ​ക​ര​ണ​ങ്ങ​ൾ സ്റ്റോ​ക്ക് ര​ജി​സ്റ്റ​റി​ൽ ചേ​ർ​ക്ക​ണ​മെ​ന്ന സ​ർ​ക്കാ​ർ ഉ​ത്ത​ര​വും ന​ട​പ്പാ​യി​ല്ല. കേ​ടാ​യ സാ​ധ​ന​ങ്ങ​ൾ അ​ത​തു ദി​വ​സം തി​രി​കെ​യെ​ത്തി​ച്ച്​ ര​ജി​സ്റ്റ​റി​ൽ ചേ​ർ​ക്കു​ക​യും അ​തി‍െൻറ കൃ​ത്യ​ത ഉ​റ​പ്പാ​ക്കു​ക​യും ചെ​യ്യ​ണ​മെ​ന്ന നി​യ​മ​വും പാ​ലി​ക്ക​പ്പെ​ട്ടി​ല്ല.

മ​ലി​ന​ജ​ല ശു​ദ്ധീ​ക​ര​ണ പ്ലാ​ന്‍റ് മു​ന്നൊ​രു​ക്കം ന​ട​ത്താ​തെ

കോ​ട്ട​പ്പ​ടി മു​നി​സി​പ്പ​ൽ ബ​സ്​​സ്റ്റാ​ൻ​ഡ് വ​ള​പ്പി​ൽ മ​ല​പ്പു​റം ന​ഗ​ര​സ​ഭ സ്ഥാ​പി​ച്ച മ​ലി​ന​ജ​ല ശു​ദ്ധീ​ക​ര​ണ പ്ലാ​ന്‍റ് ഉ​ദ്ഘാ​ട​നം ചെ​യ്ത​ത് ബൈ​ലോ ത​യാ​റാ​ക്കാ​തെ​യും മു​ന്നൊ​രു​ക്കം ന​ട​ത്താ​തെ​യു​മാ​ണെ​ന്ന്​ ഓ​ഡി​റ്റ് റി​പ്പോ​ർ​ട്ടി​ൽ പ​റ​യു​ന്നു. 2020 ജ​നു​വ​രി നാ​ലി​ന് തു​റ​ന്ന പ്ലാ​ന്‍റി​ൽ​നി​ന്ന് പ്ര​തി​ദി​നം 30,000 ലി​റ്റ​ർ മ​ലി​ന​ജ​ലം ശു​ദ്ധീ​ക​രി​ക്കു​ക​യാ​യി​രു​ന്നു ല​ക്ഷ്യം. എ​ന്നാ​ൽ, ര​ണ്ട് വ​ർ​ഷ​മാ​യി​ട്ടും പ്ലാ​ന്‍റ്​ പ്ര​വ​ർ​ത്തി​പ്പി​ക്കാ​ൻ ക​ഴി​ഞ്ഞി​ട്ടി​ല്ല.

വാ​ട​ക​ കു​ടി​ശ്ശി​ക​യു​ള്ള​വ​ർ​ക്കും ന​ഗ​ര​സ​ഭ മു​റി​ക​ൾ

ന​ഗ​ര​സ​ഭ​യു​ടെ കീ​ഴി​ലെ കെ​ട്ടി​ട​ങ്ങ​ളി​ലെ മു​റി​ക​ളു​ടെ വാ​ട​ക​ക്ക​രാ​ർ സൂ​ക്ഷി​ക്കു​ക​യോ പു​തു​ക്കി ന​ൽ​കു​ക​യോ ചെ​യ്തി​ല്ല. വാ​ട​ക അ​ട​ക്കാ​ത്ത​വ​ർ​ക്കും ന​ഗ​ര​സ​ഭ​യു​ടെ മു​റി​ക​ൾ ന​ൽ​കി. 10 പേ​ർ വാ​ട​ക കു​ടി​ശ്ശി​ക അ​ട​ക്കാ​തെ ന​ഗ​ര​സ​ഭ​യു​ടെ കീ​ഴി​ലു​ള്ള കെ​ട്ടി​ട​ത്തി​ലെ മു​റി​ക​ൾ കൈ​വ​ശം വെ​ക്കു​ന്നു​ണ്ട്. ഇ​വ​ർ വാ​ട​ക​കു​ടി​ശ്ശി​ക ഇ​ന​ത്തി​ൽ അ​ട​ക്കാ​നു​ള്ള​ത് 6.12 ല​ക്ഷം രൂ​പ​യാ​ണ്. കു​ടി​ശ്ശി​ക ഈ​ടാ​ക്കി അ​വ​രെ ഒ​ഴി​പ്പി​ക്ക​ണ​മെ​ന്നും മു​റി​ക​ൾ പു​ന​ർ​ലേ​ലം ചെ​യ്യ​ണ​മെ​ന്നും നി​ർ​ദേ​ശ​മു​ണ്ട്.

വാ​ഹ​നം വാ​ങ്ങി​യ​തി​ലും പി​ഴ​ച്ചു

സ​ർ​ക്കാ​ർ അ​നു​മ​തി വാ​ങ്ങാ​തെ​യാ​ണ് ന​ഗ​ര​സ​ഭാ​ധ്യ​ക്ഷ​ക്ക് പു​തി​യ വാ​ഹ​നം വാ​ങ്ങി​യ​ത്. ഇ​തു നി​യ​മ​ലം​ഘ​ന​മാ​ണ്. മു​മ്പ് ഉ​പ​യോ​ഗി​ച്ച വാ​ഹ​ന​ത്തി‍െൻറ വി​വ​ര​വും ല​ഭ്യ​മാ​ക്കി​യി​ല്ല. ന​ഗ​ര​സ​ഭ​യു​ടെ കു​ടും​ബ​ശ്രീ എ‍െൻറ ഹോ​ട്ട​ൽ പ​ദ്ധ​തി​ക്ക് റി​വോ​ൾ​വി​ങ് ഫ​ണ്ട് ന​ൽ​കി​യ​തി​ൽ സ​ർ​ക്കാ​ർ നി​ർ​ദേ​ശം പാ​ലി​ച്ചി​ട്ടി​ല്ല.

ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ പി​ഴ​പ്പ​ലി​ശ ഒ​ഴി​വാ​ക്കി ന​ൽ​കി. ന​ഗ​ര​സ​ഭ സെ​ക്ര​ട്ട​റി നി​ർ​വ​ഹ​ണം ന​ട​ത്തി​യ വി​വി​ധ പ​ദ്ധ​തി​ക​ളു​ടെ രേ​ഖ ല​ഭ്യ​മാ​യി​ല്ലെ​ന്നും വി​വി​ധ ഡെ​പോ​സി​റ്റ് പ്ര​വൃ​ത്തി​ക​ൾ പൂ​ർ​ത്തീ​ക​രി​ച്ചി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു. തൊ​ഴി​ൽ നി​കു​തി പി​രി​ക്കു​ന്ന​തി​ലും ഈ​ടാ​ക്കു​ന്ന​തി​ലും അ​പാ​ക​ത​യു​ണ്ടാ​യ​താ​യും പ​രാ​മ​ർ​ശ​മു​ണ്ട്.