SIDE STORY ഞെട്ടൽ മാറാതെ കുടുംബവും നാട്ടുകാരും

കീഴാറ്റൂർ: മകളും പേരമകളുമടക്കം മൂന്നുപേർ കൺമുന്നിൽ വെന്തുമരിച്ചതിന് സാക്ഷിയായതിന്‍റെ നടുക്കത്തിലാണ്​ കൊണ്ടിപറമ്പ് നെല്ലിക്കുന്നിൽ പലയക്കോടൻ അബൂബക്കറിന്‍റെ കുടുംബവും അയൽവാസികളും. പെരുന്നാൾ ആഹ്ലാദകരമായി കഴിഞ്ഞതിന്‍റെ തൊട്ടടുത്ത ദിവസമാണ് നിനച്ചിരിക്കാതെ ദുരന്തമെത്തിയത്. പെരുന്നാളിന് മക്കളും പേരമക്കളുമടക്കം വീട്ടിലുണ്ടായിരുന്നു. മകൾ ജാസ്മിന്​ ഭർത്താവുമായി അകൽച്ചയുള്ളത് വീട്ടുകാർക്ക് അറിയാമെങ്കിലും ഇത്ര ക്രൂരമായ പകയിൽ കലാശിക്കുമെന്നറിയില്ലായിരുന്നു. ഫോറൻസിക് വിദഗ്ധർ സ്ഥലത്തെത്തി വിശദ പരിശോധന നടത്തി സാമ്പിളുകൾ ശേഖരിച്ചു. എ​ന്തൊക്കെ സ്ഫോടക വസുക്കളാണ്​ ഉപയോഗിച്ചതെന്ന്​ പരിശോധിക്കും.