ഉമ്മയുടെ വീട്ടിൽ വിരുന്ന് വന്ന വിദ്യാർഥി കുളത്തിൽ മുങ്ങിമരിച്ചു

മലപ്പുറം: മാതാവിന്റെ വീട്ടി​ൽ വിരുന്ന് വന്ന വിദ്യാർഥി കുളത്തിൽ മുങ്ങിമരിച്ചു. പരപ്പനങ്ങാടി അയ്യപ്പൻ കാവിലെ വ്യാപാരിയായ ചെട്ടിപ്പടി മൊടുവിങ്ങൽ സ്വദേശി സെയ്തലവിയുടെ മകൻ ഷഹാൻ (15) ആണ് അപകടത്തിൽ മരിച്ചത്. വള്ളിക്കുന്ന് അരിയല്ലൂർ എം.വി.എച്ച്.എസ്.എസിലെ പത്താംക്ലാസ് വിദ്യാർഥിയാണ്.

ഷഹാൻ വേങ്ങര കിളിനിക്കോടിലെ കുളത്തിൽ കുളിക്കുന്നതിനിടെ മുങ്ങി മരിക്കുകയായിരുന്നു. നാട്ടുകാരും ഫയർ യൂനിറ്റും ഏറെ തിരച്ചിൽ നടത്തിയെങ്കിലും ജീവൻ രക്ഷിക്കാനായില്ല. മാതാവ്: സുഹറാബി.

സഹോദരങ്ങൾ: ഷഹദ്,സെലീന,സമീറ.