സ്വന്തം മേൽവിലാസം ഇല്ലാതെ: ജി​ല്ല​യി​ലെ ഹെ​ഡ് പോ​സ്റ്റ് ഓ​ഫി​സു​ക​ള്‍ക്ക് ഇനിയും കെട്ടിടമായില്ല

കൊ​ണ്ടോ​ട്ടി: സ്വ​ന്ത​മാ​യി സ്ഥ​ല​മു​ണ്ടാ​യി​ട്ടും വാ​ട​ക​ക്കാ​രാ​യി ക​ഴി​യേ​ണ്ട ഗ​തി​കേ​ടി​ല്‍ ജി​ല്ല​യി​ലെ ഹെ​ഡ് പോ​സ്റ്റ് ഓ​ഫി​സു​ക​ള്‍. മ​ല​പ്പു​റം, മ​ഞ്ചേ​രി, പൊ​ന്നാ​നി, തി​രൂ​ര്‍ എ​ന്നി​വി​ട​ങ്ങ​ളി​ല്‍ പ്ര​വ​ര്‍ത്തി​ക്കു​ന്ന നാ​ല് ഹെ​ഡ് പോ​സ്റ്റ് ഓ​ഫി​സു​ക​ളും ആ​രം​ഭം മു​ത​ല്‍ത​ന്നെ വാ​ട​ക കെ​ട്ടി​ട​ങ്ങ​ളി​ലാ​ണ് പ്ര​വ​ര്‍ത്തി​ക്കു​ന്ന​ത്. സ്വ​ന്തം കെ​ട്ടി​ട​മി​ല്ലാ​ത്ത​തി​നാ​ല്‍ ഡി​ജി​റ്റ​ല്‍ ഇ​ന്ത്യ പ​ദ്ധ​തി​യു​ടെ ഭാ​ഗ​മാ​യി പോ​സ്റ്റ് ഓ​ഫി​സു​ക​ളി​ല്‍ പ്ര​ഖ്യാ​പി​ച്ച എ.​ടി.​എം ഉ​ള്‍പ്പെ​ടെ​യു​ള്ള സേ​വ​ന​ങ്ങ​ളും ഇ​വി​ട​ങ്ങ​ളി​ല്‍ അ​ന്യ​മാ​കു​ക​യാ​ണ്.

സ്വ​ന്തം കെ​ട്ടി​ട​മു​ള്ള പോ​സ്റ്റ് ഓ​ഫി​സു​ക​ളി​ല്‍ മാ​ത്ര​മാ​ണ് കേ​ന്ദ്ര സ​ര്‍ക്കാ​ര്‍ പ്ര​ഖ്യാ​പി​ച്ച എ.​ടി.​എം ഉ​ള്‍പ്പെ​ടെ​യു​ള്ള ഡി​ജി​റ്റ​ല്‍ ആ​ധു​നി​ക പ​ദ്ധ​തി​ക​ള്‍ പ്രാ​വ​ര്‍ത്തി​ക​മാ​ക്കാ​നാ​കൂ. ജി​ല്ല​യി​ല്‍ സ്വ​ന്തം കെ​ട്ടി​ട​മു​ള്ള താ​നൂ​ര്‍, പെ​രി​ന്ത​ല്‍മ​ണ്ണ പോ​സ്റ്റ് ഓ​ഫി​സു​ക​ളി​ല്‍ മാ​ത്ര​മാ​ണ് നി​ല​വി​ല്‍ എ.​ടി.​എം സേ​വ​ന​മു​ള്ള​ത്. പ്രാ​ദേ​ശി​ക​മാ​യി പ്ര​വ​ര്‍ത്തി​ക്കു​ന്ന പ​ല പോ​സ്റ്റ് ഓ​ഫി​സു​ക​ള്‍ക്കും സ്വ​ന്തം കെ​ട്ടി​ടം ഉ​ണ്ടാ​യി​രി​ക്കെ​യാ​ണ് ഹെ​ഡ് പോ​സ്റ്റ് ഓ​ഫി​സു​ക​ളോ​ട് പ​തി​റ്റാ​ണ്ടു​ക​ളാ​യി ഭ​ര​ണ​കൂ​ട അ​വ​ഗ​ണ​ന തു​ട​രു​ന്ന​ത്.

മ​ഞ്ചേ​രി​യി​ല്‍ 1984ല്‍ 1.65 ​ല​ക്ഷം രൂ​പ ചെ​ല​വി​ല്‍ കെ​ട്ടി​ട നി​ര്‍മാ​ണ​ത്തി​ന് ത​പാ​ല്‍ വ​കു​പ്പ് സ്ഥ​ലം വാ​ങ്ങി​യി​രു​ന്നു. 80ക​ളി​ല്‍ ത​ന്നെ മ​ല​പ്പു​റ​ത്തും തി​രൂ​ര്‍, പൊ​ന്നാ​നി എ​ന്നി​വി​ട​ങ്ങ​ളി​ലും കെ​ട്ടി​ട നി​ര്‍മാ​ണ​ത്തി​നാ​യി ല​ക്ഷ​ങ്ങ​ള്‍ മു​ട​ക്കി സ്ഥ​ലം വാ​ങ്ങി. എ​ന്നാ​ല്‍ നാ​ലു പ​തി​റ്റാ​ണ്ടാ​യി​ട്ടും തു​ട​ര്‍ ന​ട​പ​ടി​ക​ള്‍ ഏ​തു​മു​ണ്ടാ​യി​ല്ല. ഇ​പ്പോ​ള്‍ കോ​ടി​ക​ള്‍ വി​ല​മ​തി​ക്കു​ന്ന സ്ഥ​ല​ങ്ങ​ള്‍ മാ​ലി​ന്യം നി​റ​ഞ്ഞും കാ​ടു​മൂ​ടി​യും കി​ട​ക്കു​ക​യാ​ണ്. ത​പാ​ല്‍ വ​കു​പ്പി​നോ​ട് കേ​ന്ദ്ര​സ​ര്‍ക്കാ​ര്‍ സ്വീ​ക​രി​ച്ചി​രി​ക്കു​ന്ന അ​വ​ഗ​ണ​നാ​ന​യ​മാ​ണ് കെ​ട്ടി​ട​മൊ​രു​ക്കു​ന്ന​തി​ലെ കാ​ല​താ​മ​സ​ത്തി​ന് പ്ര​ധാ​ന കാ​ര​ണ​മെ​ന്ന ആ​ക്ഷേ​പം ശ​ക്ത​മാ​ണ്.

ഭൂ​മി സ്വ​ന്ത​മാ​യു​ണ്ടെ​ങ്കി​ലും അ​വി​ടെ കെ​ട്ടി​ട​മൊ​രു​ക്കു​ന്ന​തി​നെ​ക്കാ​ള്‍ ലാ​ഭ​ക​രം വാ​ട​ക​യ്ക്കു​ള്ള പ്ര​വ​ര്‍ത്ത​ന​മാ​ണെ​ന്ന് സാ​മ്പ​ത്തി​ക പ്ര​തി​സ​ന്ധി​ക​ള്‍ക്കി​ടെ ത​പാ​ല്‍ വ​കു​പ്പ് നി​ല​പാ​ടെ​ടു​ക്കു​മ്പോ​ള്‍ ജ​ന​ക്ഷേ​മ​ക​ര​മാ​യ പ​ദ്ധ​തി​ക​ളാ​ണ് ജ​ന​ങ്ങ​ള്‍ക്ക് അ​ന്യ​മാ​കു​ന്ന​ത്. വാ​ട​ക കെ​ട്ടി​ട​ങ്ങ​ളി​ലെ സ്ഥ​ല​പ​രി​മി​തി​യും ജീ​വ​ന​ക്കാ​രെ വ​ല​ക്കു​ന്നു.