കേരളീയ ജനതയുടെ വികാരം യു.ഡി.എഫിനൊപ്പം –പി.കെ. കുഞ്ഞാലിക്കുട്ടി
text_fieldsതാനൂർ ഓലപ്പീടികയിൽ സൗഹൃദ സന്ദേശ യാത്ര വേദിയിലേക്കെത്തുന്നു
വേങ്ങര (മലപ്പുറം): കേരളീയ ജനതയുടെ വികാരം യു.ഡി.എഫ് അധികാരത്തിൽ തിരിച്ചു വരണമെന്നതാണെന്ന് മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി.
മാനവിക ഐക്യത്തിന് സാദിഖലി ശിഹാബ് തങ്ങൾ നയിക്കുന്ന സൗഹൃദ സന്ദേശ യാത്രയുടെ പ്രചാരണാർഥം വേങ്ങര നിയോജക മണ്ഡലം മുസ്ലിം യൂത്ത് ലീഗ് ത്രിദിന പദയാത്രയുടെ സമാപന പൊതുസമ്മേളനം വേങ്ങര കച്ചേരിപ്പടിയിൽ ഉദ്ഘാടനം ചെയ്യുകയായിരുന്നു അദ്ദേഹം.
എല്ലാ മേഖലകളിലും അഴിമതി നിറഞ്ഞതും സ്വന്തക്കാരെ തിരുകി കയറ്റിയും ജനദ്രോഹപരമായ നടപടികളുമായി മുന്നോട്ടുപോകുന്ന ഇടത് സർക്കാറിന് കനത്ത തിരിച്ചടി നൽകാൻ യു.ഡി.എഫ് സജ്ജമാണ്. ബി.ജെ.പിയും സി.പി.എമ്മും വർഗീയ ധ്രുവീകരണത്തിന് ഒപ്പത്തിനൊപ്പം മത്സരിക്കുകയാണെന്നും അദ്ദേഹം ചൂണ്ടിക്കാട്ടി. വേങ്ങര പഞ്ചായത്ത് മുസ്ലിം യൂത്ത് ലീഗ് പ്രസിഡൻറ് ഹാരിസ് മാളിയേക്കൽ അധ്യക്ഷത വഹിച്ചു.
യൂത്ത് ലീഗ് സംസ്ഥാന സെക്രട്ടറി ആശിക്ക് ചെലവൂർ, ജില്ല പ്രസിഡൻറ് ശരീഫ് കുറ്റൂർ, മുസ്ലിം ലീഗ് വേങ്ങര മണ്ഡലം ഭാരവാഹികളായ എം.എം. കുട്ടി മൗലവി, പി.കെ. അലി അക്ബർ, പി.കെ. അസ്ലു, പറമ്പിൽ ഖാദർ, പി.കെ. മുഹമ്മദലി ഹാജി, എൻ.ടി. മുഹമ്മദ് ഷരീഫ്, ഫത്താഹ് മൂഴിക്കൽ എന്നിവർ സംസാരിച്ചു. ജാഥ ക്യാപ്റ്റൻ റവാസ് ആട്ടീരി മറുപടി പ്രസംഗം നടത്തി.
ലീഗ് സൗഹൃദ സന്ദേശയാത്ര താനൂർ, തിരൂരങ്ങാടി മണ്ഡലങ്ങളിൽ
മലപ്പുറം: മുസ്ലിം ലീഗ് ജില്ല പ്രസിഡൻറ് പാണക്കാട് സാദിഖലി ശിഹാബ് തങ്ങൾ നയിക്കുന്ന സൗഹൃദ സന്ദേശയാത്ര തിങ്കളാഴ്ച താനൂർ, തിരൂരങ്ങാടി മണ്ഡലത്തിൽ പര്യടനം നടത്തി. മൂന്നാംദിനത്തിൽ താനൂര് മണ്ഡലത്തിലെ ഓലപ്പീടികയില്നിന്നാണ് സന്ദേശയാത്ര ആരംഭിച്ചത്. മുസ്ലിം ലീഗ് ദേശീയ ജനറല് സെക്രട്ടറി പി.കെ. കുഞ്ഞാലിക്കുട്ടി ഉദ്ഘാടനം ചെയ്തു. രണ്ടാം സ്വീകരണ കേന്ദ്രമായ വൈലത്തൂരില് ഇ.ടി. മുഹമ്മദ് ബഷീര് എം.പി ഉദ്ഘാടനം ചെയ്തു.
തിരൂരങ്ങാടി നിയോജക മണ്ഡലത്തിലെ പൂക്കിപറമ്പില് നടന്ന സ്വീകരണം അബ്ദുറഹിമാന് രണ്ടത്താണിയും സമാപന സമ്മേളനം പരപ്പനങ്ങാടിയില് പി.വി. അബ്ദുല് വഹാബ് എം.പിയും ഉദ്ഘാടനം ചെയ്തു. ജാഥ വൈസ് ക്യാപ്റ്റന് അഡ്വ. യു.എ. ലത്തീഫ്, ജാഥ ഡയറക്ടര് ഇസ്മായില് മുത്തേടം, ചീഫ് കോഓഡിനേറ്റര് ഉമ്മര് അറക്കല്, കോഓഡിനേറ്റര്മാരായ അഷ്റഫ് കോക്കൂര്, സലിം കുരുവമ്പലം, ലീഗ് ജില്ല ഭാരവാഹികളായ അരിമ്പ്ര മുഹമ്മദ്, പി.എ. റഷീദ്, സി. മുഹമ്മദലി, എം.എ. ഖാദര്, എം. അബ്ദുല്ലക്കുട്ടി, പി.കെ.സി. അബ്ദുറഹിമാന്, കെ.എം. ഗഫൂര് എന്നിവർ നേതൃത്വം നല്കി.
വിവിധ കേന്ദ്രങ്ങളിലായി നൗഷാദ് മണ്ണിശ്ശേരി, അഡ്വ. എന്. ശംസുദ്ദീന് എം.എല്.എ, പി.കെ. അബ്ദുറബ്ബ് എം.എല്.എ, കെ. കുട്ടി അഹമ്മദ് കുട്ടി, സി.പി. ബാവ ഹാജി, പി.എം.എ. സലാം, അഡ്വ. എം. റഹ്മത്തുല്ല, സിദ്ദീഖലി രാങ്ങാട്ടൂര്, ശരീഫ് കുറ്റൂര്, അഡ്വ. പി.വി. മനാഫ്, അഡ്വ. കെ.കെ. ഷാഹുല് ഹമീദ്, എ.പി. ഉണ്ണികൃഷ്ണന്, ടി.പി. അഷ്റഫലി തുടങ്ങിയവർ സംസാരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.