പു​തി​യ പ​ന​മ്പാ​ലം എ​ന്ന് അ​വ​സാ​നി​ക്കും, കാ​ത്തി​രി​പ്പ്

ക​ൽ​പ​ക​ഞ്ചേ​രി: തി​രൂ​ർ-​പൊ​ന്നാ​നി പു​ഴ​ക്ക് കു​റു​കെ ജീ​ർ​ണാ​വ​സ്ഥ​യി​ലാ​യ ഇ​രി​ങ്ങാ​വൂ​ർ പ​ന​മ്പാ​ലം പാ​ല​ത്തി​ന് സ​മാ​ന്ത​ര​മാ​യി നി​ർ​മി​ക്കു​ന്ന പു​തി​യ പാ​ല​ത്തി​ന്റെ പ്ര​വൃ​ത്തി ഇ​ഴ​ഞ്ഞു നീ​ങ്ങു​ന്ന​താ​യി പ​രാ​തി. അ​​പ്രോ​ച്ച് റോ​ഡ് നി​ർ​മാ​ണ​വു​മാ​യി ബ​ന്ധ​പ്പെ​ട്ട നി​യ​മ ത​ട​സ്സ​ങ്ങ​ളാ​ണ് പ്ര​വൃ​ത്തി വൈ​കാ​ൻ കാ​ര​ണം. അ​തേ​സ​മ​യം, ദി​നം​പ്ര​തി വ​ലു​തും ചെ​റു​തു​മാ​യ നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന പ​ഴ​യ പാ​ലം ഏ​തു നി​മി​ഷ​വും ത​ക​ർ​ന്നു​വീ​ഴാ​റാ​യ നി​ല​യി​ലാ​ണ്.

പാ​ല​ത്തി​ന്റെ അ​ടി​ഭാ​ഗ​ത്തെ കോ​ൺ​ക്രീ​റ്റ് ഇ​ള​കി പ​ല ഭാ​ഗ​ങ്ങ​ളി​ലും അ​ട​ർ​ന്നു​വീ​ണി​ട്ടു​ണ്ട്. പാ​ല​ത്തി​ന് മു​ക​ളി​ലൂ​ടെ​യു​ള്ള റോ​ഡും വി​ണ്ട് കീ​റി​യ അ​വ​സ്ഥ​യി​ലാ​ണ്. ഏ​താ​ണ്ട് 52 വ​ർ​ഷ​ത്തെ പ​ഴ​ക്ക​മു​ണ്ട് പാ​ല​ത്തി​ന്. ചെ​റി​യ​മു​ണ്ടം പ​ഞ്ചാ​യ​ത്തും തി​രൂ​ർ ന​ഗ​ര​സ​ഭ​യും അ​തി​ർ​ത്തി പ​ങ്കി​ടു​ന്ന പാ​ല​മാ​ണി​ത്. നേ​ര​ത്തെ ചെ​റി​യ വാ​ഹ​ന​ങ്ങ​ൾ മാ​ത്ര​മാ​ണ് ക​ട​ന്നു​പോ​യി​രു​ന്ന​ത്. ഇ​പ്പോ​ൾ വാ​ഹ​ന​ങ്ങ​ളു​ടെ എ​ണ്ണ​ത്തി​ലും വ​ലി​യ വ​ർ​ധ​ന ഉ​ണ്ടാ​യി​ട്ടു​ണ്ട്. ഇ​ത് പാ​ല​ത്തി​ന് സ​മീ​പം ഗ​താ​ഗ​ത​ക്കു​രു​ക്കി​നും ഇ​ട​യാ​ക്കു​ന്നു​ണ്ട്. ക​ണ്ടെ​യ്ന​ർ ലോ​റി​ക​ൾ ഉ​ൾ​പ്പെ​ടെ വാ​ഹ​ന​ങ്ങ​ൾ ബ​ല​ക്ഷ​യം സം​ഭ​വി​ച്ച പാ​ല​ത്തി​ന് മു​ക​ളി​ലൂ​ടെ ക​ട​ന്നു​പോ​കു​ന്ന​ത് ജ​ന​ങ്ങ​ൾ​ക്കി​ട​യി​ൽ ഭീ​തി സൃ​ഷ്ടി​ക്കു​ന്നു​ണ്ട്. വീ​തി കു​റ​ഞ്ഞ പാ​ല​ത്തി​ലൂ​ടെ ഒ​രേ സ​മ​യം ഒ​രു വാ​ഹ​ന​ത്തി​ന് മാ​ത്ര​മേ ക​ട​ന്നു​പോ​കാ​ൻ ക​ഴി​യൂ. എ​ന്നാ​ൽ, പ​ല സ​മ​യ​ങ്ങ​ളി​ലും ഇ​രു​ഭാ​ഗ​ത്തു​നി​ന്നും ഒ​രേ സ​മ​യം പാ​ല​ത്തി​ലേ​ക്ക് വാ​ഹ​ന​ങ്ങ​ൾ പ്ര​വേ​ശി​ക്കു​ന്ന​ത് മൂ​ലം യാ​ത്ര​ക്കാ​ർ ത​മ്മി​ൽ പ​ര​സ്പ​രം വാ​ക്കേ​റ്റ​വും പ​തി​വാ​ണ്. അ​തു​കൊ​ണ്ടു​ത​ന്നെ എ​ത്ര​യും വേ​ഗം പു​തി​യ പാ​ല​ത്തി​ന്റെ നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തീ​ക​രി​ച്ച് യാ​ത്ര​ക്കാ​ർ​ക്ക് തു​റ​ന്നു​കൊ​ടു​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.