മ​ഞ്ചേ​രിയിൽ മോ​ഷ്ടാ​ക്ക​ൾ വി​ല​സു​ന്നു; വ്യാ​പാ​രി​ക​ൾ ആ​ശ​ങ്ക​യി​ൽ

മ​ഞ്ചേ​രി: ന​ഗ​ര​ത്തി​ലെ വ്യാ​പാ​ര സ്ഥാ​പ​ന​ങ്ങ​ളി​ൽ മോ​ഷ​ണ​ശ്ര​മം. തു​റ​ക്ക​ൽ - ക​ച്ചേ​രി​പ്പ​ടി ബൈ​പാ​സി​ലെ ബ്രൗ​ൺ ബീ​ൻ​സ് ക​ഫേ, ക​ച്ചേ​രി​പ്പ​ടി​യി​ലെ ഹോ​മി​യോ ക്ലി​നി​ക്, ബോ​യ്സ് സ്കൂ​ളി​ന് മു​ന്നി​ലെ ചാ​യ​ക്ക​ട എ​ന്നി​വി​ട​ങ്ങ​ളി​ലാ​ണ് സം​ഭ​വം. ക​ഴി​ഞ്ഞ ദി​വ​സം പു​ല​ർ​ച്ചെ ര​ണ്ട​ര​യോ​ടെ​യാ​ണ് മോ​ഷ്ടാ​വ് എ​ത്തി​യ​ത്.

ബ്രൗ​ൺ ബീ​ൻ​സ് ക​ഫേ​യു​ടെ ഷ​ട്ട​റി​ന്റെ പൂ​ട്ട് ക​മ്പി​പ്പാ​ര ഉ​പ​യോ​ഗി​ച്ച് ത​ക​ർ​ക്കാ​നാ​യി​രു​ന്നു ശ്ര​മം. മോ​ഷ്ടാ​വിന്റെ ദൃ​ശ്യം സി.​സി.​ടി.​വി കാ​മ​റ​യി​ൽ പ​തി​ഞ്ഞി​ട്ടു​ണ്ട്. പൂ​ട്ട് ത​ക​ർ​ക്കാ​ൻ സ്ഥാ​പ​ന​ത്തി​ന്റെ പി​റ​കി​ൽ​നി​ന്നും ഹോ​ളോ ബ്രി​ക്സ് എ​ടു​ക്കു​ന്ന​തും ദൃ​ശ്യ​ത്തി​ലു​ണ്ട്. എ​ന്നാ​ൽ ഷ​ട്ട​റി​നു​ള്ളി​ൽ മ​ര​ത്തി​ന്റെ വാ​തി​ൽ ആ​യ​തി​നാ​ൽ ത​ക​ർ​ക്കാ​നാ​യി​ല്ല. ഇ​തോ​ടെ മോ​ഷ​ണ​ശ്ര​മം ഉ​പേ​ക്ഷി​ച്ചു. ത​ല​യി​ൽ തൊ​പ്പി വെ​ച്ചും മു​ഖം മ​റ​ച്ചു​മാ​ണ് മോ​ഷ്ടാ​വ് എ​ത്തി​യ​ത്.

നേ​ര​ത്തെ ഇ​വ​രു​ടെ സ​ഹോ​ദ​ര സ്ഥാ​പ​നാ​യ കൗ​സ​ർ കു​ഴി മ​ന്തി​യി​ലും മ​റ്റൊ​രു സ്ഥാ​പ​ന​മാ​യ ഷി​യാ​മി കി​ഡ്സ് സ്റ്റോ​റി​ലും മോ​ഷ​ണ​ശ്ര​മം ന​ട​ന്നി​രു​ന്നു. പി​ന്നീ​ട് ബൈ​പാ​സി​ലെ ത​ന്നെ എ​മ്മി ലേ​ഡീ​സ് സ്റ്റോ​റി​ലും മോ​ഷ​ണ​ശ്ര​മം ഉ​ണ്ടാ​യി. മോ​ഷ്ടാ​ക്ക​ൾ വി​ല​സു​ന്ന​തി​നാ​ൽ വ്യാ​പാ​രി​ക​ൾ ആ​ശ​ങ്ക​യി​ലാ​ണ്. ബ്രൗ​ൺ ബീ​ൻ​സ് സ്ഥാ​പ​ന​മു​ട​മ മു​ഹ​മ്മ​ദ് ഇ​ഹ്സാ​ൻ മ​ഞ്ചേ​രി പൊ​ലീ​സി​ൽ പ​രാ​തി ന​ൽ​കി.