സൗ​ത്ത്​ പ​ല്ലാ​റി​ലെ പ​ക്ഷി​സ​ങ്കേ​ത​ത്തി​ന് അ​ല​ങ്കാ​ര​മാ​യി തൂ​ക്ക​ണാം കു​രു​വി​ക​ൾ

തി​രു​നാ​വാ​യ: ദേ​ശാ​ട​ന​പ്പ​ക്ഷി​ക​ളു​ടെ സാ​ന്നി​ധ്യം​കൊ​ണ്ട് പു​ക​ൾ​പെ​റ്റ സൗ​ത്ത് പ​ല്ലാ​ർ ഗ്രാ​മ​ത്തി​ൽ തൂ​ക്ക​ണാം കു​രു​വി​ക​ൾ (ബാ​യ വീ​വ​ർ) കൂ​ടൊ​രു​ക്കി​യ​ത് അ​ല​ങ്കാ​ര​മേ​റു​ന്നു. ആ​റ്റ​ക്കു​രു​വി, കൂ​രി​യാ​റ്റ പേ​രു​ക​ളി​ൽ അ​റി​യ​പ്പെ​ടു​ന്ന ഇ​വ കേ​ര​ള​ത്തി​ലെ വ​യ​ലോ​ര​ങ്ങ​ളി​ൽ സാ​ധാ​ര​ണ​യാ​യി ക​ണ്ടു​വ​രു​ന്ന പ​ക്ഷി​യാ​ണ്. അ​ങ്ങാ​ടി​ക്കു​രു​വി​യു​ടെ വ​ലു​പ്പ​മു​ള്ള ഈ ​പ​ക്ഷി​ക​ൾ പ്ര​ജ​ന​ന​കാ​ല​ത്തൊ​ഴി​ച്ച് ആ​ണും പെ​ണ്ണും ഒ​രേ നി​റ​മാ​ണ്. സാ​ധാ​ര​ണ ഇ​ളം​മ​ഞ്ഞ​യും മ​ണ്ണി​ന്റെ നി​റ​വു​മാ​ണ് ഇ​വ​ക്ക്. പ്ര​ജ​ന​ന​കാ​ല​ത്ത് ആ​ൺ​പ​ക്ഷി​ക്ക് ത​ല​യി​ലും ക​ഴു​ത്തി​ലും തി​ള​ക്ക​മു​ള്ള ക​ടും​മ​ഞ്ഞ നി​റ​മാ​യി​രി​ക്കും.

സൗ​ത്ത് പ​ല്ലാ​റി​ലെ ചേ​രാ കൊ​ക്ക​ൻ കോ​ള​നി​ക്ക് സ​മീ​പ​ത്തെ സ്വ​കാ​ര്യ​വ്യ​ക്തി​ക​ളു​ടെ വീ​ട്ടു​വ​ള​പ്പി​ലെ തെ​ങ്ങോ​ല​ക​ളി​ലാ​ണ് കൂ​ട്ട​മാ​യി ഇ​വ കൂ​ടു​വെ​ച്ചി​രി​ക്കു​ന്ന​ത്. പ​ക്ഷി​സ​ങ്കേ​ത​ത്തി​ന​ടു​ത്ത് ഉ​യ​ര​മു​ള്ള തെ​ങ്ങി​ൽ നെ​ല്ലോ​ല​കൊ​ണ്ടും പു​ൽ​നാ​രു​ക​ൾ​കൊ​ണ്ടും മ​നോ​ഹ​ര​മാ​യാ​ണ് ഇ​വ​ർ കൂ​ട് നെ​യ്തെ​ടു​ത്തി​രി​ക്കു​ന്ന​ത്. പു​ട്ടു​കു​റ്റി ക​മ​ഴ്ത്തി​വെ​ച്ച രൂ​പ​ത്തി​ലാ​ണ് ഇ​വ​ർ കൂ​ടൊ​രു​ക്കു​ന്ന​ത്. ഒ​രു മീ​റ്റ​റി​ല​ധി​കം നീ​ള​മു​ള്ള കൂ​ടു​ക​ൾ ഇ​വി​ടെ ക​ണ്ടു​വ​രു​ന്ന​താ​യി പ്രാ​ദേ​ശി​ക പ​ക്ഷി നി​രീ​ക്ഷ​ക​നും പ​രി​സ്ഥി​തി പ്ര​വ​ർ​ത്ത​ക​നും അ​ധ്യാ​പ​ക​നു​മാ​യ സ​ൽ​മാ​ൻ ക​രി​മ്പ​ന​ക്ക​ൽ പ​റ​യു​ന്നു. ഒ​രു തെ​ങ്ങി​ൽ​ത​ന്നെ വി​വി​ധ വ​ലു​പ്പ​ത്തി​ലു​ള്ള ഇ​രു​പ​തി​ല​ധി​കം കൂ​ടു​ക​ളാ​ണ് ക​ണ്ടു​വ​രു​ന്ന​ത്. നൂ​റോ​ളം കൂ​ടു​ക​ൾ വി​വി​ധ തെ​ങ്ങു​ക​ളി​ലാ​യി ഇ​തി​ന​കം ഒ​രു​ക്കി​ക്ക​ഴി​ഞ്ഞു.

നാ​രു​ക​ളി​ൽ തൂ​ക്കി​യി​ട​പ്പെ​ട്ട രീ​തി​യി​ൽ കാ​ണു​ന്ന ര​ണ്ട് അ​റ​ക​ളു​ള​ള ഈ ​കൂ​ടു​ക​ൾ ഉ​റ​പ്പും ഈ​ടും ഉ​ള്ള​താ​ണ്. സെ​പ്റ്റം​ബ​ർ-​ഒ​ക്ടോ​ബ​ർ മാ​സ​ങ്ങ​ളി​ലാ​ണ് കൂ​ട് നി​ർ​മാ​ണം ന​ട​ക്കാ​റ്. ഒ​ന്നി​ല​ധി​കം ഇ​ണ​ക​ളെ സ്വീ​ക​രി​ക്കു​ന്ന തൂ​ക്ക​ണാം കു​രു​വി​ക​ൾ ഓ​രോ ഇ​ണ​ക്ക് വേ​ണ്ടി​യും വെ​വ്വേ​റെ കൂ​ടൊ​രു​ക്കും. നാ​ലാ​ഴ്ച​യോ​ള​മെ​ടു​ക്കു​ന്ന കൂ​ട് നി​ർ​മാ​ണ​ത്തി​ന് ആ​ൺ​പ​ക്ഷി​യാ​ണ് നേ​തൃ​ത്വം ന​ൽ​കു​ന്ന​ത്. ഇ​ണ​യെ ക​ണ്ടെ​ത്തി​യ ശേ​ഷ​മാ​ണ് കൂ​ട് നി​ർ​മാ​ണം ആ​രം​ഭി​ക്കു​ക.

ആ​യി​ര​ത്തി​ല​ധി​കം നാ​രു​ക​ൾ ഇ​തി​നാ​യി ഇ​വ ശേ​ഖ​രി​ക്കും. പെ​ൺ​പ​ക്ഷി കൂ​ട് നി​ർ​മാ​ണ​ത്തി​ന്റെ വി​വി​ധ ഘ​ട്ട​ങ്ങ​ളി​ൽ പ​രി​ശോ​ധ​ന​ക്കെ​ത്തും. പ​രി​ശോ​ധ​ന​യി​ൽ ഏ​തെ​ങ്കി​ലും ത​ര​ത്തി​ൽ ബ​ല​ക്ഷ​യം ക​ണ്ടെ​ത്തു​ക​യാ​ണെ​ങ്കി​ൽ ആ ​കൂ​ട് ഉ​പേ​ക്ഷി​ക്കു​ക​യാ​ണ് പ​തി​വ്. അ​തി​നു​ശേ​ഷം ആ​ൺ​പ​ക്ഷി അ​ടു​ത്ത കൂ​ടി​ന്റെ നി​ർ​മാ​ണം തു​ട​ങ്ങും. ചേ​രാ കൊ​ക്ക​ൻ പ​ക്ഷി​ക​ളു​ടെ കേ​ര​ള​ത്തി​ലെ ഏ​റ്റ​വും വ​ലി​യ കോ​ള​നി​യാ​യ സൗ​ത്ത്​ പ​ല്ലാ​റി​ൽ തൂ​ക്ക​ണാം കു​രു​വി​ക​ളു​ടെ സാ​ന്നി​ധ്യ​വും ഇ​തോ​ടെ ശ്ര​ദ്ധേ​യ​മാ​വു​ക​യാ​ണ്.