നിളയിൽ വെള്ളമിറങ്ങി; പ്രളയ ഭീഷണി തൽക്കാലം നീങ്ങി

തിരുനാവായ: നിളയിൽ വെള്ളം രണ്ട് മീറ്ററോളം താഴ്ന്ന് പഴയ നിലയിലെത്തിയതും മഴയുടെ ശക്തി കുറഞ്ഞതും മൂലം തിരുനാവായ മേഖലയിൽ പ്രളയഭീഷണി തൽക്കാലം ഒഴിവായി.

നാലുമീറ്റർ ജലം ഉയർന്നാലാണ്​ അപകട ഭീഷണി ഉയരുക. കർക്കടകം കഴിയാൻ ഇനി ഒരാഴ്ച മാത്രം അവശേഷിക്കുകയും വരുംദിവസങ്ങളിൽ മഴയുടെ ശക്തി കുറയുമെന്നാണ്​ നാട്ടുകാരുടെ പ്രതീക്ഷ.

അതേസമയം, പുഴയോര പഞ്ചായത്തുകളുടെ ജാഗ്രത നിർദേശം പിൻവലിച്ചിട്ടില്ല.