തിരൂരങ്ങാടി നഗരസഭ സമഗ്ര കുടിവെള്ള പദ്ധതി; ആദ്യഘട്ടം കമീഷന്‍ ഉടന്‍

തി​രൂ​ര​ങ്ങാ​ടി: തി​രൂ​ര​ങ്ങാ​ടി ന​ഗ​ര​സ​ഭ​യി​ലെ പൊ​തു​ജ​ന​ങ്ങ​ൾ​ക്ക് ആ​ശ്വാ​സ​മേ​കാ​ന്‍ സ​മ​ഗ്ര കു​ടി​വെ​ള്ള പ​ദ്ധ​തി​ക​ള്‍ ത്വ​രി​ത​ഗ​തി​യി​ല്‍ പു​രോ​ഗ​മി​ക്കു​ന്നു. ക​ഴി​ഞ്ഞ​വ​ര്‍ഷം ഒ​ക്ടോ​ബ​ര്‍ ആ​റി​നാ​ണ് പ​ദ്ധ​തി​ക്ക് ത​റ​ക്ക​ല്ലി​ട്ട​ത്. മൂ​ന്ന് വ​ലി​യ വാ​ട്ട​ര്‍ ടാ​ങ്കു​ക​ളു​ടെ നി​ര്‍മാ​ണം ന​ട​ക്കു​ന്നു​ണ്ട്. ക​രി​പ​റ​മ്പ് വാ​ട്ട​ര്‍ ടാ​ങ്കി​ന്റെ (ഏ​ഴ് ല​ക്ഷം ലി​റ്റ​ര്‍) നി​ര്‍മാ​ണം അ​ന്തി​മ​ഘ​ട്ട​ത്തി​ലാണ്. ച​ന്ത​പ്പ​ടി ടാ​ങ്ക് (അ​ഞ്ച് ല​ക്ഷം ലി​റ്റ​ര്‍), ക​ക്കാ​ട് ടാ​ങ്ക് (ഏ​ഴ് ല​ക്ഷം ലി​റ്റ​ര്‍) നി​ര്‍മാ​ണം പു​രോ​ഗ​മി​ക്കു​ന്നു. ക​ക്കാ​ട് ടാ​ങ്കി​ൽ താ​ഴ​ത്തെ നി​ല​യി​ൽ ര​ണ്ട​ര ല​ക്ഷം ലി​റ്റ​ർ ക​രു​ത​ൽ ടാ​ങ്ക് പൂ​ർ​ത്തി​യാ​യി.

ക​ല്ല​ക്ക​യ​ത്ത് പൂ​ര്‍ത്തി​യാ​യ 10 കോ​ടി രൂ​പ​യു​ടെ ബൃ​ഹ്ത് പ​ദ്ധ​തി​യി​ല്‍ നി​ന്നാ​ണ് ശു​ദ്ധീ​ക​രി​ച്ച വെ​ള്ളം പ​മ്പി​ങ് ചെ​യ്യു​ക. പ​മ്പി​ങ് മെ​യി​ന്‍ ലൈ​ന്‍, റോ​ഡ് പു​ന​രു​ദ്ധാ​ര​ണം വി​ത​ര​ണ ശ്രം​ഖ​ല, ക​ല്ല​ക്ക​യം പ​ദ്ധ​തി പൂ​ര്‍ത്തീ​ക​ര​ണം, ട്രാ​ന്‍സ്ഫോ​ര്‍മ​ര്‍, ആ​യി​രം ഹൗ​സ് ക​ണ​ക്ഷ​നു​ക​ള്‍ തു​ട​ങ്ങി​യ​വ ഉ​ള്‍പ്പെ​ടെ 30 കോ​ടി രൂ​പ​യു​ടെ പ്ര​വ​ര്‍ത്തി​ക​ളാ​ണ് ന​ട​ന്നു​വ​രു​ന്ന​ത്. ആ​ദ്യ​ഘ​ട്ട ക​മീ​ഷ​ന്‍ ര​ണ്ട് മാ​സ​ത്തി​ന​കം ന​ട​ക്കും.

ക​ല്ല​ക്ക​യ​ത്ത് കി​ണ​ര്‍, ജ​ല​സം​ഭ​ര​ണി, പ​മ്പ് ഹൗ​സ് തു​ട​ങ്ങി​യ നി​ര്‍മാ​ണ​ങ്ങ​ള്‍ പൂ​ര്‍ത്തി​യാ​യി​ട്ടു​ണ്ട്. പ്ര​തി​ദി​നം 72 ല​ക്ഷം ലി​റ്റ​ര്‍ വെ​ള്ളം ശു​ദ്ധീ​ക​രി​ക്കാ​ന്‍ ക​ല്ല​ക്ക​യം പ​ദ്ധ​തി​യി​ല്‍ ക​ഴി​യും. പ​തി​റ്റാ​ണ്ടു​ക​ള്‍ക്ക് മു​മ്പ് സ്ഥാ​പി​ച്ച പൈ​പ്പ് ലൈ​നു​ക​ളാ​ണ് മാ​റ്റു​ന്ന​ത്. ഇ​തി​നാ​വ​ശ്യ​മാ​യ പൈ​പ്പു​ക​ള്‍ ഇ​റ​ക്കി​യി​ട്ടു​ണ്ട്.

എ.​ബി.​എം​ഫോ​ര്‍ ബി​ല്‍ഡേ​ഴ്‌​സ് ക​മ്പ​നി​യാ​ണ് ക​രാ​റെ​ടു​ത്ത​ത്. നാ​ലു​കോ​ടി രൂ​പ​യു​ടെ പ്ര​വ​ര്‍ത്തി​ക​ള്‍ക്ക് ടെ​ൻ​ഡ​ര്‍ ക്ഷ​ണി​ക്കും. കു​ടി​വെ​ള്ള പ​ദ്ധ​തി​ക​ള്‍ ഉ​ട​ന്‍ യാ​ഥാ​ർ​ഥ്യ​മാ​ക്കു​മെ​ന്ന് കെ.​പി.​എ. മ​ജീ​ദ് എം​.എ​ല്‍.എ, ന​ഗ​ര​സ​ഭ ചെ​യ​ര്‍മാ​ന്‍ കെ.​പി. മു​ഹ​മ്മ​ദ്കു​ട്ടി, ഡെ​പ്യൂ​ട്ടി ചെ​യ​ര്‍പേ​ഴ്‌​സ​ണ്‍ സു​ലൈ​ഖ കാ​ലൊ​ടി, സ്ഥി​രം സ​മി​തി അ​ധ്യ​ക്ഷ​രാ​യ ഇ​ഖ്ബാ​ല്‍ ക​ല്ലു​ങ്ങ​ല്‍, സി.​പി. ഇ​സ്മാ​യി​ല്‍, ഇ.​പി. ബാ​വ, സോ​ന ര​തീ​ഷ്, സി.​പി. സു​ഹ്‌​റാ​ബി എ​ന്നി​വ​ർ അ​റി​യി​ച്ചു.