തിരൂർ നഗരസഭയുടെ അറവുശാല നിർമാണം പാതിവഴിയിൽ

തി​രൂ​ർ: പ​ര​ന്നേ​ക്കാ​ട്ടെ ന​ഗ​ര​സ​ഭ അറവുശാല നി​ർ​മാ​ണം പാ​തി​വ​ഴി​യി​ൽ ത​ന്നെ. കോ​ടി​ക​ൾ ചെ​ല​വ​ഴി​ച്ച് സ്ഥാ​പി​ച്ച ആ​ധു​നി​ക ഉ​പ​ക​ര​ണ​ത്തി​ന്റെ വാ​റ​ന്റി കാ​ലാ​വ​ധി ക​ഴി​ഞ്ഞി​ട്ടും പ്ര​വ​ർ​ത്ത​ന​മാ​രം​ഭി​ച്ചി​ല്ലെ​ന്ന് ന​ഗ​ര​സ​ഭ ഓ​ഡി​റ്റ് റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടു​ന്നു.

2010 ൽ 53,85,000 ​രൂ​പ അ​ട​ങ്ക​ലാ​യാ​ണ് തി​രൂ​ർ ന​ഗ​ര​സ​ഭ​യി​ൽ ആ​ധു​നി​ക രീ​തി​യി​ൽ അറവുശാല സ്ഥാ​പി​ക്കു​ന്ന പ്ര​വൃ​ത്തി ആ​രം​ഭി​ച്ച​ത്. ശു​ചി​ത്വ​മി​ഷ​ൻ അ​നു​വ​ദി​ച്ച ഫ​ണ്ട് ഉ​പ​യോ​ഗി​ച്ച് 2013 ൽ ​പൂ​ർ​ത്തിയാ​ക്കേ​ണ്ടി​യി​രു​ന്ന പ​ദ്ധ​തി​ക്ക് 14 വ​ർ​ഷം കൊ​ണ്ട് ചെ​ല​വ് ര​ണ്ട​ര കോ​ടി രൂ​പ​യാ​യി ഉ​യ​ർ​ന്നു. എ​ന്നി​ട്ടും വൈ​ദ്യു​തീ​ക​ര​ണം അ​ട​ക്കം നി​ര​വ​ധി പ്ര​വൃ​ത്തി​ക​ളാ​ണ് ബാ​ക്കിയാ​യ​ത്. ഇ​തി​നാ​യി ഇ​നി​യും മു​ക്കാ​ൽ കോ​ടി രൂ​പ ചെ​ല​വ​ഴി​ക്കേ​ണ്ടി​വ​രു​മെ​ന്നും ഇ​തോ​ടെ അറവുശാലക്ക് മൂ​ന്നേ​ക്കാ​ൽ കോ​ടി രൂ​പ ചെ​ല​വ് വ​രു​മെ​ന്നും ന​ഗ​ര​സ​ഭ 2022-23 വ​ർ​ഷ​ത്തെ ഓ​ഡി​റ്റ് റി​പ്പോ​ർ​ട്ടി​ൽ പ​റ​യു​ന്നു.

2022 മാ​ർ​ച്ച് മു​ത​ൽ 2023 ഫെ​ബ്രു​വ​രി വ​രെ​യാ​ണ് കോ​ടി​ക​ൾ വി​ല​വ​രു​ന്ന ആ​ധു​നി​ക ഉ​പ​ക​ര​ണ​ങ്ങ​ൾ സ്ഥാ​പി​ച്ച​ത്. ഒ​രു വ​ർ​ഷം ഗ്യാ​ര​ണ്ടി​യും വാ​റ​ന്റി​യും ല​ഭി​ക്കേ​ണ്ടി​യി​രു​ന്ന ഈ ​ഉ​പ​ക​ര​ണ​ങ്ങ​ൾ​ക്ക് ഇ​നി ര​ണ്ടും ല​ഭി​ക്കി​ല്ലെ​ന്നും അ​തു​വ​ഴി ന​ഗ​ര​സ​ഭ​ക്ക് ല​ക്ഷ​ങ്ങ​ൾ ന​ഷ്ട​മാ​കു​മെ​ന്നും ഓ​ഡി​റ്റ് റി​പ്പോ​ർ​ട്ടി​ൽ സൂ​ചി​പ്പി​ക്കു​ന്നു.