ലക്ഷ്യം ഭൂരഹിതരില്ലാത്ത കേരളം സൃഷ്ടിക്കൽ -മന്ത്രി കെ. രാജൻ

തി​രൂ​ർ: ഭൂ​ര​ഹി​ത​രി​ല്ലാ​ത്ത കേ​ര​ളം സൃ​ഷ്ടി​ക്ക​ലാ​ണ്​ സ​ർ​ക്കാ​റി​ന്റെ ല​ക്ഷ്യ​മെ​ന്ന് റ​വ​ന്യൂ മ​ന്ത്രി കെ. ​രാ​ജ​ൻ. സം​സ്ഥാ​ന സ​ർ​ക്കാ​റി​ന്റെ ഒ​ന്നാം വാ​ർ​ഷി​കാ​ഘോ​ഷ പ​രി​പാ​ടി ന​ട​ക്കു​ന്ന തി​രൂ​ർ ഗ​വ. ബോ​യ്സ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ചെ​റി​യ​മു​ണ്ടം പ​ഞ്ചാ​യ​ത്തി​ലെ പ​ര​ന്നേ​ക്കോ​ട് കോ​ള​നി​യി​ലെ 67 കു​ടും​ബ​ങ്ങ​ൾ​ക്കു​ള്ള പ​ട്ട​യ​വി​ത​ര​ണ​ത്തി​ന്റെ ഉ​ദ്ഘാ​ട​നം ഓ​ൺ​ലൈ​നി​ലൂ​ടെ നി​ർ​വ​ഹി​ക്കു​ക​യാ​യി​രു​ന്നു മ​ന്ത്രി.

'എ​ല്ലാ​വ​ർ​ക്കും ഭൂ​മി, എ​ല്ലാ ഭൂ​മി​ക്കും രേ​ഖ, എ​ല്ലാ സേ​വ​ന​ങ്ങ​ളും സ്മാ​ർ​ട്ട്‌' എ​ന്ന മു​ദ്രാ​വാ​ക്യ​ത്തി​ലൂ​ന്നി​യാ​ണ് റ​വ​ന്യൂ വ​കു​പ്പ് മു​ന്നോ​ട്ടു​പോ​വു​ന്ന​ത്. ഏ​റ്റ​വും കൂ​ടു​ത​ൽ ഭൂ​ര​ഹി​ത​രെ ഭൂ​മി​യു​ടെ ഉ​ട​മ​ക​ളാ​ക്കി ജി​ല്ല മാ​തൃ​കാ​പ​ര​മാ​യ പ്ര​വ​ർ​ത്ത​ന​മാ​ണ് കാ​ഴ്ച​വെ​ക്കു​ന്ന​ത്. സം​സ്ഥാ​ന സ​ർ​ക്കാ​റി​ന്റെ ആ​ദ്യ നൂ​റു ദി​ന​ത്തി​നു​ള്ളി​ൽ 2061 കു​ടും​ബ​ങ്ങ​ൾ​ക്കും ഒ​രു​വ​ർ​ഷം പൂ​ർ​ത്തി​യാ​കു​ന്ന വേ​ള​യി​ൽ 10,136 കു​ടും​ബ​ങ്ങ​ൾ​ക്കും പ​ട്ട​യം ന​ൽ​കാ​ൻ സാ​ധി​ച്ച​ത് അ​ഭി​മാ​ന​ക​ര​മാ​യ നേ​ട്ട​മാ​ണെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ക​ഴി​ഞ്ഞ മൂ​ന്നു മാ​സ​ത്തി​നു​ള്ളി​ൽ സം​സ്ഥാ​ന​ത്തെ 140 മ​ണ്ഡ​ല​ങ്ങ​ളി​ലെ​യും എം.​എ​ൽ.​എ​മാ​രു​ടെ​യും ജ​ന​പ്ര​തി​നി​ധി​ക​ളു​ടെ​യും യോ​ഗം വി​ളി​ച്ചു​ചേ​ർ​ത്ത് ഭൂ​ര​ഹി​ത​രു​ടെ വി​വ​ര​ങ്ങ​ള​ട​ങ്ങി​യ പ​ട്ട​യ ഡാ​ഷ് ബോ​ർ​ഡ്‌ രൂ​പ​വ​ത്​​ക​രി​ച്ച്​ ജ​ന​ങ്ങ​ളി​ലേ​ക്കി​റ​ങ്ങി​ച്ചെ​ന്നാ​ണ് സ​ർ​ക്കാ​ർ മു​ന്നോ​ട്ടു​പോ​വു​ന്ന​തെ​ന്നും അ​ദ്ദേ​ഹം പ​റ​ഞ്ഞു. കാ​യി​ക മ​ന്ത്രി വി. ​അ​ബ്ദു​റ​ഹ്മാ​ൻ അ​ധ്യ​ക്ഷ​ത വ​ഹി​ച്ചു. 67 കു​ടും​ബ​ങ്ങ​ളും മ​ന്ത്രി വി. ​അ​ബ്ദു​റ​ഹ്മാ​നി​ൽ​നി​ന്ന്​ പ​ട്ട​യ​ങ്ങ​ൾ ഏ​റ്റു​വാ​ങ്ങി. ജി​ല്ല ക​ല​ക്ട​ർ വി.​ആ​ർ. പ്രേം​കു​മാ​ർ സ്വാ​ഗ​തം പ​റ​ഞ്ഞു.

പെ​രി​ന്ത​ൽ​മ​ണ്ണ സ​ബ് ക​ല​ക്ട​ർ ശ്രീ​ധ​ന്യ സു​രേ​ഷ്, ചെ​റി​യ​മു​ണ്ടം പ​ഞ്ചാ​യ​ത്ത്‌ അം​ഗം സു​ലൈ​മാ​ൻ കോ​ട​നി​യി​ൽ, തി​രൂ​ർ ആ​ർ.​ഡി.​ഒ പി. ​സു​രേ​ഷ്, രാ​ഷ്ട്രീ​യ ക​ക്ഷി പ്ര​തി​നി​ധി​ക​ളാ​യ എ.​സി. രാ​ധാ​കൃ​ഷ്ണ​ൻ, പി.​പി. മൂ​സ​ക്കു​ട്ടി, എ​ൻ.​വി. ഉ​ണ്ണി​കൃ​ഷ്ണ​ൻ, പി.​പി. അ​വ​റാ​ൻ ഹാ​ജി, ച​ന്ദ്ര​ൻ കു​ട​ക്കി​ൽ, സി.​കെ. അ​ബ്ദു എ​ന്നി​വ​ർ പ​ങ്കെ​ടു​ത്തു.