തിരൂർ കെ.എസ്.ആർ.ടി.സി സ്റ്റാൻഡിൽ സൗകര്യം വട്ടപൂജ്യം

തി​രൂ​ർ: തി​രൂ​രി​ൽ ന​ഗ​ര​സ​ഭ സ്റ്റാ​ൻ​ഡി​ൽ പ്ര​വ​ർ​ത്തി​ക്കു​ന്ന സ്റ്റേ​ഷ​ൻ മാ​സ്റ്റ​ർ ഓ​ഫി​സ് ന​വീ​ക​രി​ച്ച് കൂ​ടു​ത​ൽ സൗ​ക​ര്യ​ങ്ങ​ൾ ഉ​ൾ​പ്പെ​ടു​ത്തി സ്റ്റേ ​സെ​ന്റ​റാ​ക്കി ഉ​യ​ർ​ത്ത​ണ​മെ​ന്ന് ആ​വ​ശ്യം ശ​ക്ത​മാ​വു​ന്നു. വ​ർ​ഷ​ങ്ങ​ൾ​ക്ക് മു​മ്പ് ചേം​ബ​ർ ഓ​ഫ് കൊ​മേ​ഴ്സ് നി​ർ​മി​ച്ചു ന​ൽ​കി​യ താ​ൽ​ക്കാ​ലി​ക കെ​ട്ടി​ട​ത്തി​ലാ​ണ് ഇ​പ്പോ​ഴും ഓ​ഫി​സ് പ്ര​വ​ർ​ത്തി​ക്കു​ന്ന​ത്. അ​ട​ച്ചു​റ​പ്പി​ല്ലാ​ത്ത കെ​ട്ടി​ട​ത്തി​ൽ പേ​രി​നു പോ​ലും സൗ​ക​ര്യ​ങ്ങ​ളൊ​ന്നു​മി​ല്ല.

ഈ ​ഓ​ഫി​സി​ൽ ത​ന്നെ​യാ​ണ് ക​ഴി​ഞ്ഞ ദി​വ​സം കെ.​എ​സ്.​ആ​ർ.​ടി.​സി​യു​ടെ കൊ​റി​യ​ർ സ​ർ​വി​സും പ്ര​വ​ർ​ത്ത​നം ആ​രം​ഭി​ച്ച​ത്. ഓ​ഫി​സ് സ്റ്റേ ​സെ​ന്റ​റാ​യി പു​ന​ർ​നി​ർ​മി​ച്ച് സ്റ്റേ ​സ​ർ​വി​സി​ൽ വ​രു​ന്ന ജീ​വ​ന​ക്കാ​ർ​ക്ക് രാ​ത്രി​യി​ൽ സ്റ്റേ ​ചെ​യ്യാ​ൻ സൗ​ക​ര്യം കൂ​ടി ഉ​ൾ​പ്പെ​ടു​ത്തി വി​പു​ലീ​ക​രി​ക്ക​ണം എ​ന്നാ​ണ് ആ​വ​ശ്യം. നി​ല​വി​ൽ പാ​ല​ക്കാ​ട് ഡി​പോ ഓ​പ​റേ​റ്റ് ചെ​യ്യു​ന്ന തി​രൂ​ർ-​കോ​യ​മ്പ​ത്തൂ​ർ ഫാ​സ്റ്റ് പാ​സ​ഞ്ച​ർ ബ​സി​ലെ ജീ​വ​ന​ക്കാ​ർ ബ​സി​ൽ ത​ന്നെ​യാ​ണ് രാ​ത്രി താ​മ​സി​ക്കു​ന്ന​ത്.

മു​മ്പ് മ​ല​പ്പു​റം ഡി​പ്പോ മ​റ്റൊ​രു സ്റ്റേ ​സ​ർ​വി​സ് ഓ​പറേ​റ്റ് ചെ​യ്തി​രു​ന്നു. മ​ല​പ്പു​റ​ത്തു​നി​ന്നും രാ​ത്രി തി​രൂ​രി​ലെ​ത്തി പി​റ്റേ​ന്ന് പു​ല​ർ​ച്ച അ​ഞ്ചി​ന് തി​രൂ​രി​ൽ​നി​ന്ന് മ​ഞ്ചേ​രി​യി​ലേ​ക്ക് പു​റ​പ്പെ​ടു​ന്ന രീ​തി​യി​ലാ​യി​രു​ന്നു സ​ർ​വി​സ്. ഈ ​ബ​സി​ലെ ജീ​വ​ന​ക്കാ​ർ സ്റ്റേ​ഷ​ൻ മാ​സ്റ്റ​ർ ഓ​ഫി​സി​ൽ ത​ന്നെ​യാ​യി​രു​ന്നു രാ​ത്രി കി​ട​ന്നി​രു​ന്ന​ത്. ഇ​വി​ടെ മ​തി​യാ​യ സൗ​ക​ര്യ​ങ്ങ​ൾ ഇ​ല്ലാ​ത്ത​തി​നാ​ൽ യാ​ത്ര​ക്കാ​ർ​ക്ക് ഏ​റെ ഉ​പ​കാ​ര​പ്ര​ദ​മാ​യി​രു​ന്ന ഈ ​സ​ർ​വി​സ് നി​ർ​ത്തേ​ണ്ടി വ​ന്നു.

നാ​ല് ബ​സി​ലെ ജീ​വ​ന​ക്കാ​ർ​ക്ക് എ​ങ്കി​ലും രാ​ത്രി സ്റ്റേ ​ചെ​യ്യാ​നു​ള്ള സൗ​ക​ര്യം ഒ​രു​ക്കു​ക​യാ​ണെ​ങ്കി​ൽ തി​രൂ​രി​ൽ​നി​ന്ന് ആ​രം​ഭി​ക്കു​ന്ന സ​ർ​വി​സു​ക​ൾ വ​ർ​ധി​പ്പി​ക്കാ​നാ​വും. ഇ​തി​ൽ​ത്ത​ന്നെ സ്റ്റേ​ഷ​ൻ മാ​സ്റ്റ​ർ ഓ​ഫി​സും റി​സ​ർ​വേ​ഷ​ൻ കൗ​ണ്ട​റും ആ​രം​ഭി​ക്കാ​നു​മാ​കും. മാ​ത്ര​മ​ല്ല ബ​സു​മാ​യി പ​ക​ൽ സ​ർ​വി​സ് വ​രു​ന്ന ജീ​വ​ന​ക്കാ​ർ​ക്കും വി​ശ്ര​മി​ക്കു​ക​യും ചെ​യ്യാം.

നി​ല​വി​ലു​ള്ള കെ​ട്ടി​ട​ത്തി​ൽ വാ​ഷ് റൂം ​സൗ​ക​ര്യ​വും ഇ​ല്ല. ബ​സ് സ്റ്റാ​ൻ​ഡി​ലെ ടോ​യ്ല​റ്റ് സം​വി​ധാ​ന​ങ്ങ​ൾ അ​ട​ഞ്ഞു കി​ട​ക്കു​ന്ന​തി​നാ​ൽ സ്റ്റാ​ൻ​ഡി​ലെ​ത്തു​ന്ന കെ.​എ​സ്.​ആ​ർ.​ടി.​സി, സ്വ​കാ​ര്യ ബ​സ് ജീ​വ​ന​ക്കാ​ർ​ക്ക് ആ​ശ്ര​യം സ​മീ​പ​ത്തെ പെ​ട്രോ​ൾ പ​മ്പും പ​ള്ളി​ക​ളു​മാ​ണ്. ഈ​യി​ടെ തി​രൂ​ർ വ​ഴി ഒ​രു​പാ​ട് ദീ​ർ​ഘ​ദൂ​ര സ​ർ​വി​സു​ക​ൾ ആ​രം​ഭി​ച്ചി​ട്ടു​ണ്ടെ​ങ്കി​ലും സ്റ്റാ​ൻ​ഡി​ൽ യാ​ത്ര​ക്കാ​ർ​ക്ക് ഇ​രി​ക്കാ​ൻ സൗ​ക​ര്യ​ങ്ങ​ളി​ല്ല. പ​ല​പ്പോ​ഴും വൈ​കി​യെ​ത്തു​ന്ന ദീ​ർ​ഘ​ദൂ​ര ബ​സു​ക​ൾ വ​രു​ന്ന​തു​വ​രെ നി​ൽ​ക്കേ​ണ്ട അ​വ​സ്ഥ​യാ​ണു​ള്ള​ത്. ദീ​ർ​ഘ​ദൂ​ര ബ​സു​ക​ളു​ടെ ട്രാ​ക്കു​ക​ളോ​ട് ചേ​ർ​ന്ന് ഇ​രി​പ്പി​ട​ങ്ങ​ൾ ഒ​രു​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം.