മൂന്നക്ക ലോട്ടറി ചൂതാട്ട കേന്ദ്രങ്ങളിൽ പൊലീസിന്റെ മിന്നൽ പരിശോധന; ആറംഗ സംഘം അറസ്റ്റിൽ

തി​രൂ​ർ: അ​ന​ധി​കൃ​ത ലോ​ട്ട​റി ചൂ​താ​ട്ട സം​ഘ​ത്തെ ക​ണ്ടെ​ത്താ​ൻ ആ​ല​ത്തി​യൂ​ർ ടൗ​ണി​ൽ തി​രൂ​ർ പൊ​ലീ​സ് ന​ട​ത്തി​യ മി​ന്ന​ൽ പ​രി​ശോ​ധ​ന​യി​ൽ ആ​റു പേ​ർ അ​റ​സ്റ്റി​ൽ. തി​രൂ​ർ ഡി.​വൈ.​എ​സ്.​പി കെ.​എം. ബി​ജു​വി​ന്റെ നേ​തൃ​ത്വ​ത്തി​ൽ ചൊ​വ്വാ​ഴ്ച രാ​ത്രി പൊ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണ് ആ​റം​ഗ സം​ഘം പി​ടി​യി​ലാ​യ​ത്.

ക​ണ്ണം​കു​ളം സ്വ​ദേ​ശി കു​ണ്ട​നി അ​ഹ​മ്മ​ദ് ഷാ​ഫി (37), ആ​ല​ത്തി​യൂ​രി​ൽ ചി​ക്ക​ൻ സ്റ്റാ​ൾ ന​ട​ത്തു​ന്ന സു​ൽ​ത്താ​ൻ ബ​ത്തേ​രി സ്വ​ദേ​ശി ക​ള്ളി​യ​ത്ത് അ​ഫ്സ​ൽ (38), ആ​ല​ത്തി​യൂ​ർ സ്വ​ദേ​ശി​ക​ളാ​യ ഞാ​റ​ക്കാ​ട്ട് അ​ഫ്സ​ൽ (26), ത​റ​യി​ൽ പ​റ​മ്പി​ൽ അ​ജീ​ഷ് (39), ക​രി​പ്പോ​ട്ടി​ൽ കൃ​ഷ്ണ​ൻ​കു​ട്ടി (52), ചി​റ്റേ​ട​ത്ത് ച​ന്ദ്ര​ൻ(62) എ​ന്നി​വ​രാ​ണ് മൂ​ന്ന​ക്ക ലോ​ട്ട​റി ചൂ​താ​ട്ടം ന​ട​ത്തു​ന്ന​തി​നി​ടെ മൊ​ബൈ​ൽ ആ​പ്ലി​ക്കേ​ഷ​നും കു​റി​പ്പെ​ഴു​ത്തു​ക​ളു​മാ​യി പി​ടി​യി​ലാ​യ​ത്.

പ്ര​തി​ക​ളി​ൽ​നി​ന്ന് 28,000 രൂ​പ​യും ആ​റ് മൊ​ബൈ​ൽ ഫോ​ണു​ക​ളും പൊ​ലീ​സ് പി​ടി​ച്ചെ​ടു​ത്തു. അ​ന​ധി​കൃ​ത ലോ​ട്ട​റി ചൂ​താ​ട്ട സം​ഘ​ത്തി​ലെ പ്ര​ധാ​നി​യാ​യ ഷാ​ഫി മു​മ്പും സമാന കേ​സു​ക​ളി​ൽ അറസ്റ്റിലായിട്ടുണ്ടെന്നും പൊ​ലീ​സ് പ​റ​ഞ്ഞു. ലോ​ട്ട​റി ക​ട അ​ല്ലാ​ത്ത ക​ട​ക​ൾ കേ​ന്ദ്രീ​ക​രി​ച്ച് എ​ഴു​ത്ത് ലോ​ട്ട​റി വ്യാ​പ​ക​മാ​ണെ​ന്ന ര​ഹ​സ്യ വി​വര​ത്തി​ന്റെ അ​ടി​സ്ഥാ​ന​ത്തി​ലാ​ണ് പൊ​ലീ​സ് പ​രി​ശോ​ധ​ന ന​ട​ത്തി​യ​ത്.

തി​രൂ​ർ സി.​ഐ എം.​ജെ. ജി​ജോ, എ​സ്.​ഐ പ്ര​ദീ​പ് കു​മാ​ർ, സീ​നി​യ​ർ സി.​പി.​ഒ കെ.​കെ. ഷി​ജി​ത്ത്, സി.​പി.​ഒ​മാ​രാ​യ ര​തീ​ഷ് കു​മാ​ർ, അ​ജി​ത്ത് ലാ​ൽ, അ​മ​ൽ, ജി​നേ​ഷ് എ​ന്നി​വ​ര​ട​ങ്ങി​യ പൊ​ലീ​സ് സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. മ​ജി​സ്ട്രേ​റ്റ് മു​മ്പാ​കെ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു. ചൂ​താ​ട്ട സം​ഘ​ത്തി​ലെ മ​റ്റു​ള്ള​വ​ർ​ക്കാ​യി ക​ർ​ശ​ന നി​രീ​ക്ഷ​ണം ന​ട​ത്തു​ക​യാ​ണെ​ന്ന് പൊ​ലീ​സ് അ​റി​യി​ച്ചു.